ਇਸਲਾਮਾਬਾਦ – ਪਾਕਿਸਤਾਨੀ ਪਾਸਪੋਰਟ ਦੁਨੀਆ ਦੀ ਸਭ ਤੋਂ ਖਰਾਬ ਹਾਲਤ ਦੀ ਸੂਚੀ ‘ਚ ਚੌਥੇ ਨੰਬਰ ‘ਤੇ ਹੈ। ਇੱਕ ਸਾਲ ਪਹਿਲਾਂ ਵੀ ਇਸ ਪਾਸਪੋਰਟ ਦੀ ਇਹ ਥਾਂ ਸੀ। ਇਸ ਪਾਸਪੋਰਟ ਰਾਹੀਂ ਸਿਰਫ਼ 32 ਥਾਵਾਂ ਦਾ ਦੌਰਾ ਕੀਤਾ ਜਾ ਸਕਦਾ ਹੈ। 2022 ਲਈ, ਹੈਨਲੇ ਪਾਸਪੋਰਟ ਸੂਚਕਾਂਕ ਵਿੱਚ 199 ਪਾਸਪੋਰਟ ਸ਼ਾਮਲ ਕੀਤੇ ਗਏ ਹਨ। ਦੁਨੀਆ ਦੇ 32 ਅਜਿਹੇ ਦੇਸ਼ ਹਨ ਜਿੱਥੇ ਪਾਕਿਸਤਾਨੀ ਨਾਗਰਿਕ ਬਿਨਾਂ ਵੀਜ਼ਾ ਜਾਂ ਵੀਜ਼ਾ ਆਨ ਅਰਾਈਵਲ ਰਾਹੀਂ ਯਾਤਰਾ ਕਰ ਸਕਦੇ ਹਨ। ਇਹ ਰੈਂਕਿੰਗ ਇੰਟਰਨੈਸ਼ਨਲ ਏਅਰ ਟਰਾਂਸਪੋਰਟ ਐਸੋਸੀਏਸ਼ਨ ਦੇ ਅੰਕੜਿਆਂ ‘ਤੇ ਆਧਾਰਿਤ ਹੈ।
ਰੈਂਕਿੰਗ ਵਿੱਚ ਪਾਕਿਸਤਾਨ ਤੋਂ ਹੇਠਾਂ ਇਰਾਕ, ਅਫਗਾਨਿਸਤਾਨ ਅਤੇ ਸੀਰੀਆ ਹਨ। 199 ਦੇਸ਼ਾਂ ਦੀ ਰੈਂਕਿੰਗ ‘ਚ ਪਾਕਿਸਤਾਨ 109ਵੇਂ ਨੰਬਰ ‘ਤੇ ਹੈ। ਸੀਰੀਆ 110ਵੇਂ, ਇਰਾਕ 111ਵੇਂ ਅਤੇ ਅਫਗਾਨਿਸਤਾਨ 112ਵੇਂ ਸਥਾਨ ‘ਤੇ ਹੈ। ਹੈਨਲੇ ਪਾਸਪੋਰਟ ਇੰਡੈਕਸ 2022 ਦੇ ਮੁਤਾਬਕ ਭਾਰਤ 87ਵੇਂ ਨੰਬਰ ‘ਤੇ ਹੈ। ਭਾਰਤ ਦੇ ਲੋਕ 60 ਦੇਸ਼ਾਂ ਦੀ ਯਾਤਰਾ ਬਿਨਾਂ ਵੀਜ਼ਾ ਜਾਂ ਵੀਜ਼ਾ ਆਨ ਅਰਾਈਵਲ ਕਰ ਸਕਦੇ ਹਨ। ਮੌਰੀਤਾਨੀਆ ਅਤੇ ਤਾਜਿਕਸਤਾਨ ਵੀ 87ਵੇਂ ਨੰਬਰ ‘ਤੇ ਹਨ।
ਹੈਨਲੇ ਪਾਸਪੋਰਟ ਸੂਚਕਾਂਕ ਦੇ ਮੁਤਾਬਕ ਜਾਪਾਨ ਨੂੰ ਨੰਬਰ ਇਕ ‘ਤੇ ਰੱਖਿਆ ਗਿਆ ਹੈ। ਜਾਪਾਨ ਦੇ ਲੋਕ 193 ਦੇਸ਼ਾਂ ਦੀ ਵੀਜ਼ਾ ਮੁਕਤ ਯਾਤਰਾ ਕਰ ਸਕਦੇ ਹਨ। ਇਸ ਤੋਂ ਬਾਅਦ ਸਿੰਗਾਪੁਰ ਅਤੇ ਦੱਖਣੀ ਕੋਰੀਆ ਹਨ, ਜਿਨ੍ਹਾਂ ਦੇ ਪਾਸਪੋਰਟ ‘ਤੇ 192 ਦੇਸ਼ਾਂ ‘ਚ ਬਿਨਾਂ ਵੀਜ਼ਾ ਦੇ ਜਾ ਸਕਦੇ ਹਨ। ਤੀਜੇ ਨੰਬਰ ‘ਤੇ ਜਰਮਨੀ ਅਤੇ ਸਪੇਨ ਹਨ ਅਤੇ ਇਸ ਰਾਹੀਂ 190 ਦੇਸ਼ਾਂ ਦੀ ਯਾਤਰਾ ਕੀਤੀ ਜਾ ਸਕਦੀ ਹੈ। ਪਾਸਪੋਰਟਾਂ ਦੀ ਚੋਟੀ ਦੀ ਰੈਂਕਿੰਗ ਵਿੱਚ ਜ਼ਿਆਦਾਤਰ ਯੂਰਪੀਅਨ ਦੇਸ਼ਾਂ ਤੋਂ ਇਲਾਵਾ ਅਮਰੀਕਾ ਅਤੇ ਯੂਕੇ ਸ਼ਾਮਲ ਹਨ।
ਇਸ ਸੂਚੀ ‘ਚ ਚੀਨ 69ਵੇਂ ਨੰਬਰ ‘ਤੇ ਹੈ। ਚੀਨੀ ਪਾਸਪੋਰਟ ਰੱਖਣ ਵਾਲੇ ਲੋਕ ਵੀਜ਼ਾ-ਮੁਕਤ 80 ਦੇਸ਼ਾਂ ਦੀ ਯਾਤਰਾ ਕਰ ਸਕਦੇ ਹਨ। ਇਸ ਦੇ ਨਾਲ ਹੀ ਬੰਗਲਾਦੇਸ਼ ਦੀ ਰੈਂਕਿੰਗ 104 ਹੈ, ਜੋ ਪਾਕਿਸਤਾਨ ਤੋਂ 5 ਅੰਕ ਉੱਪਰ ਹੈ। ਉੱਤਰੀ ਕੋਰੀਆ ਦਾ ਪਾਸਪੋਰਟ ਵੀ ਪਾਕਿਸਤਾਨ ਨਾਲੋਂ ਮਜ਼ਬੂਤ ਹੈ। ਉੱਤਰੀ ਕੋਰੀਆ ਦੀ ਰੈਂਕਿੰਗ 105 ਹੈ। ਇਸ ਦੇ ਨਾਗਰਿਕ 40 ਦੇਸ਼ਾਂ ਦੀ ਵੀਜ਼ਾ ਮੁਕਤ ਯਾਤਰਾ ਕਰ ਸਕਦੇ ਹਨ। ਰੂਸ ਦੀ ਰੈਂਕਿੰਗ 50 ਅਤੇ ਸ਼੍ਰੀਲੰਕਾ ਦੀ ਰੈਂਕਿੰਗ 103 ਹੈ।