Sport

ਸੁਨੀਲ ਗਾਵਸਕਰ ਨੇ ਦੱਸਿਆ ਉਨ੍ਹਾਂ ਦੋ ਟੀਮਾਂ ਦਾ ਨਾਂ

ਨਵੀਂ ਦਿੱਲੀ – ICC T20 ਵਿਸ਼ਵ ਕੱਪ 2021 ਵਿਚ ਇੰਗਲੈਂਡ ਤੇ ਪਾਕਿਸਤਾਨ ਆਪਣੇ-ਆਪਣੇ ਗਰੁੱਪਾਂ ਦੇ ਅੰਕ ਸੂਚੀ ਵਿਚ ਮਜ਼ਬੂਤ ​​ਸਥਿਤੀ ਵਿਚ ਹਨ, ਦੋ ਮੈਚ ਖੇਡਣ ਤੋਂ ਬਾਅਦ ਦੋਵਾਂ ਵਿਚ ਜਿੱਤ ਦਰਜ ਕੀਤੀ ਹੈ। ਉਨ੍ਹਾਂ ਦੀ ਜਿੱਤ ਦੇ ਫਰਕ ਨਾਲ ਦੋਵਾਂ ਟੀਮਾਂ ਦੀ ਨੈੱਟ ਰਨ ਰੇਟ ਵੀ ਚੰਗੀ ਸਥਿਤੀ ਵਿਚ ਆ ਗਈ ਹੈ। ਖੇਡ ਦੇ ਇਸ ਫਾਰਮੈਟ ਮੁਤਾਬਕ ਦੋਵੇਂ ਟੀਮਾਂ ਕਾਫੀ ਸੰਤੁਲਿਤ ਨਜ਼ਰ ਆ ਰਹੀਆਂ ਹਨ। ਮੌਜੂਦਾ ਫਾਰਮ ਨੂੰ ਦੇਖਦੇ ਹੋਏ ਇਹ ਦੋਵੇਂ ਟੀਮਾਂ ਇਸ ਸਮੇਂ ਫਾਈਨਲਿਸਟ ਵਜੋਂ ਵੀ ਨਜ਼ਰ ਆ ਰਹੀਆਂ ਹਨ।

ਪਾਕਿਸਤਾਨ ਨੂੰ ਗਰੁੱਪ ਦੀ ਖਤਰਨਾਕ ਟੀਮ ਅਫਗਾਨਿਸਤਾਨ ਦਾ ਸਾਹਮਣਾ ਕਰਨਾ ਪਿਆ ਹੈ। ਟੀ-20 ਫਾਰਮੈਟ ਅਫਗਾਨਿਸਤਾਨ ਨੂੰ ਕਾਫੀ ਮਦਦ ਕਰਦਾ ਹੈ ਤੇ ਇਸ ਦੇ ਬੱਲੇਬਾਜ਼ ਛੱਕੇ ਮਾਰਨ ਦੇ ਸਮਰੱਥ ਹਨ। ਅਫਗਾਨਿਸਤਾਨ ਦੇ ਸਪਿਨਰਾਂ ਨੂੰ ਤੋੜਨਾ ਬੇਹੱਦ ਮੁਸ਼ਕਲ ਹੈ ਤੇ ਟੀਮ ਕੋਲ ਰਾਸ਼ਿਦ ਖਾਨ ਵਰਗਾ ਖਿਡਾਰੀ ਹੈ, ਜਿਸ ਨੂੰ ਇਸ ਫਾਰਮੈਟ ‘ਚ ਹਰ ਕਪਤਾਨ ਆਪਣੀ ਟੀਮ ‘ਚ ਦੇਖਣਾ ਚਾਹੁੰਦਾ ਹੈ। ਪਾਕਿਸਤਾਨ ਦੀ ਟੀਮ ਜਾਣਦੀ ਹੈ ਕਿ ਉਹ ਅਫਗਾਨਿਸਤਾਨ ਨੂੰ ਹਲਕੇ ਵਿਚ ਨਹੀਂ ਲੈ ਸਕਦਾ। ਇਸ ਲਈ ਇਹ ਸ਼ਾਨਦਾਰ ਮੈਚ ਹੋਣ ਦੀ ਸੰਭਾਵਨਾ ਹੈ।ਦੂਜੇ ਮੈਚ ਵਿਚ ਮੌਜੂਦਾ ਚੈਂਪੀਅਨ ਵੈਸਟਇੰਡੀਜ਼ ਕੋਲ ਟੂਰਨਾਮੈਂਟ ਵਿਚ ਵਾਪਸੀ ਕਰਨ ਦਾ ਮੌਕਾ ਹੈ। ਟੀਮ ਹੁਣ ਤਕ ਖੇਡੇ ਗਏ ਆਪਣੇ ਦੋਵੇਂ ਮੈਚ ਹਾਰ ਚੁੱਕੀ ਹੈ ਤੇ ਉਸ ‘ਤੇ ਟੂਰਨਾਮੈਂਟ ਤੋਂ ਬਾਹਰ ਹੋਣ ਦੀ ਤਲਵਾਰ ਲਟਕ ਰਹੀ ਹੈ। ਬੰਗਲਾਦੇਸ਼ ਕੋਲ ਵਧੀਆ ਸਪਿਨ ਹਮਲਾ ਹੈ ਤੇ ਵਿੰਡੀਜ਼ ਦੇ ਬੱਲੇਬਾਜ਼ਾਂ ਨੇ ਅਤੀਤ ਵਿਚ ਵੀ ਚੰਗੇ ਸਪਿਨਰਾਂ ਵਿਰੁੱਧ ਸੰਘਰਸ਼ ਕੀਤਾ ਹੈ। ਦੋਵਾਂ ਟੀਮਾਂ ਲਈ ਸਮੱਸਿਆ ਸੰਜਮ ਦੀ ਕਮੀ ਤੇ ਜ਼ਿਆਦਾ ਉਤਸ਼ਾਹ ਹੈ। ਹਾਲਾਂਕਿ ਇਹ ਇਕ ਹੱਦ ਤਕ ਸਮਝ ਵਿਚ ਆਉਂਦਾ ਹੈ ਪਰ ਇਸ ਤੇਜ਼ ਫਾਰਮੈਟ ਵਿਚ ਵੀ ਹਾਲਾਤ ਦਾ ਮੁਲਾਂਕਣ ਕਰਦੇ ਹੋਏ ਸੰਜਮ ਨਾਲ ਖੇਡਣ ਦੀ ਲੋੜ ਹੈ।

Related posts

ਜਸਨੂਰ ਸਿੰਘ ਧਾਲੀਵਾਲ ਨੇ ਨਵਾਂ ਯੂਨੀਵਰਸਿਟੀ ਰਿਕਾਰਡ ਕਾਇਮ ਕੀਤਾ

admin

IML: ਸਚਿਨ ਤੇਂਦੁਲਕਰ ਨੇ ਯੁਵਰਾਜ ਸਿੰਘ ਨਾਲ ਹੋਲੀ ਖੇਡੀ !

admin

ਆਸਟ੍ਰੇਲੀਅਨ ਕ੍ਰਿਕਟਰ ਮਿਚਲ ਮਾਰਸ਼ ਲਖਨਊ ਸੁਪਰ ਜਾਇੰਟਸ ਲਈ ਖੇਡਣਗੇ !

admin