ਸ਼ਿਮਲਾ – ਹਿਮਾਚਲ ਪ੍ਰਦੇਸ਼ ਵਿੱਚ ਸਤਲੁਜ, ਚਨਾਬ ਅਤੇ ਇਸ ਦੀਆਂ ਸਹਾਇਕ ਨਦੀਆਂ ਵਿੱਚ 24 ਘੰਟਿਆਂ ਦੌਰਾਨ ਪਾਣੀ ਦਾ ਪੱਧਰ ਵਧਿਆ ਹੈ। ਹਾਲਾਂਕਿ ਸਭ ਤੋਂ ਵੱਡੀ ਰਾਹਤ ਇਹ ਹੈ ਕਿ ਸਾਰੀਆਂ ਨਦੀਆਂ ਉੱਚੀ ਹੜ੍ਹ ਰੇਖਾ ਤੋਂ ਹੇਠਾਂ ਵਹਿ ਰਹੀਆਂ ਹਨ। ਇਨ੍ਹਾਂ ਨਦੀਆਂ ‘ਤੇ 18 ਥਾਵਾਂ ‘ਤੇ ਬਾਰਿਸ਼ ਅਤੇ ਪਾਣੀ ਦੇ ਵਧਦੇ ਪੱਧਰ ਦੀ ਲਗਾਤਾਰ ਨਿਗਰਾਨੀ ਕੀਤੀ ਜਾ ਰਹੀ ਹੈ। ਜ਼ਿਆਦਾਤਰ ਥਾਵਾਂ ਅਜਿਹੀਆਂ ਹਨ ਜਿੱਥੇ ਨਦੀਆਂ ਖ਼ਤਰੇ ਦੇ ਨਿਸ਼ਾਨ ਤੋਂ ਸਿਰਫ਼ ਇੱਕ ਤੋਂ ਤਿੰਨ ਮੀਟਰ ਹੇਠਾਂ ਵਹਿ ਰਹੀਆਂ ਹਨ।
ਸਤਲੁਜ, ਚਨਾਬ ਅਤੇ ਇਸ ਦੀਆਂ ਸਹਾਇਕ ਨਦੀਆਂ ਵਿੱਚੋਂ ਊਨਾ ਦੇ ਘੱਲੂਵਾਲ ਵਿੱਚ ਸਿਰਫ਼ ਇੱਕ ਥਾਂ ’ਤੇ ਪਾਣੀ ਦਾ ਪੱਧਰ ਲਗਾਤਾਰ ਵੱਧ ਰਿਹਾ ਹੈ, ਜਦਕਿ ਬਾਕੀ 17 ਵਿੱਚੋਂ 10 ਥਾਵਾਂ ’ਤੇ ਪਾਣੀ ਦਾ ਪੱਧਰ ਸਥਿਰ ਹੈ ਅਤੇ ਥੋੜ੍ਹਾ ਬਦਲ ਰਿਹਾ ਹੈ। ਸੱਤ ਥਾਵਾਂ ‘ਤੇ ਪਾਣੀ ਦੇ ਪੱਧਰ ‘ਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਮੌਸਮ ਵਿਭਾਗ ਨੇ 24 ਘੰਟਿਆਂ ਦੌਰਾਨ ਭਾਰੀ ਬਾਰਿਸ਼ ਦਾ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਅਜਿਹੇ ‘ਚ ਨਦੀਆਂ ਦੇ ਪਾਣੀ ਦਾ ਪੱਧਰ ਹੋਰ ਵਧੇਗਾ।
ਨਦੀ, ਜ਼ਿਲ੍ਹਾ, ਸਥਾਨ, ਉੱਚ ਹੜ੍ਹ ਰੇਖਾ, ਮੌਜੂਦਾ ਸਥਿਤੀ, ਅੰਤਰ
ਸਤੁਲਜ, ਲਾਹੌਲ ਸਪਿਤੀ, ਹੰਸਾ, 3925.04, 3923.86, 1.18
ਸਤਲੁਜ, ਕਿੰਨੌਰ, ਰੋਪਾ, 3048.28, 3046.57, 1.71
ਸਤਲੁਜ ਹੰਸ, ਊਨਾ, ਘੱਲੂਵਾਲ, 367, 364.15, 2.85
ਹਿਮਾਚਲ ਪ੍ਰਦੇਸ਼ ਦੇ ਪ੍ਰਮੁੱਖ ਸਕੱਤਰ ਮਾਲ ਓਂਕਾਰ ਸ਼ਰਮਾ ਨੇ ਦੱਸਿਆ ਕਿ ਸੂਬੇ ਵਿੱਚ ਭਾਰੀ ਬਰਸਾਤ ਕਾਰਨ ਦਰਿਆਵਾਂ ਅਤੇ ਡੈਮਾਂ ਦੇ ਪਾਣੀ ਦੇ ਪੱਧਰ ‘ਤੇ ਲਗਾਤਾਰ ਨਜ਼ਰ ਰੱਖੀ ਜਾ ਰਹੀ ਹੈ। ਇਸ ਸਬੰਧੀ ਜ਼ਰੂਰੀ ਹਦਾਇਤਾਂ ਵੀ ਜਾਰੀ ਕਰ ਦਿੱਤੀਆਂ ਗਈਆਂ ਹਨ।
ਹਿਮਾਚਲ ਪ੍ਰਦੇਸ਼ ‘ਚ 24 ਘੰਟਿਆਂ ‘ਚ ਵਧਿਆ ਸਤਲੁਜ, ਚਨਾਬ ਤੇ ਸਹਾਇਕ ਨਦੀਆਂ ਦਾ Water Level, ਅਲਰਟ ਜਾਰੀ
