ਮੁੰਬਈ – ਕਰੀਬ 15 ਸਾਲ ਚੱਲੀ ਕਾਨੂੰਨੀ ਕਾਰਵਾਈ ਤੋਂ ਬਾਅਦ ਮੁੰਬਈ ਦੀ ਇਕ ਅਦਾਲਤ ਨੇ ਫਿਲਮ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਨੂੰ ਅਸ਼ਲੀਲਤਾ ਦੇ ਇਕ ਮਾਮਲੇ ਤੋਂ ਬਰੀ ਕਰ ਦਿੱਤਾ। 2007 ’ਚ ਰਾਜਸਥਾਨ ’ਚ ਇਕ ਜਨਤਕ ਪ੍ਰੋਗਰਾਮ ਦੌਰਾਨ ਹਾਲੀਵੁੱਡ ਅਦਾਕਾਰ ਰਿਚਰਡ ਗ੍ਰੇਅ ਨੇ ਸ਼ਿਲਪਾ ਦਾ ਚੁੰਮਣ ਲੈ ਲਿਆ ਸੀ।
ਇਸ ਤੋਂ ਬਾਅਦ ਇਹ ਮਾਮਲਾ ਦਰਜ ਕਰਾਇਆ ਗਿਆ ਸੀ। ਮੈਟਰੋਪੋਲਿਟਨ ਮੈਜਿਸਟ੍ਰੇਟ ਕੇਤਨੀ ਚਵ੍ਹਾਨ ਦੀ ਅਦਾਲਤ ਨੇ 18 ਜਨਵਰੀ ਨੂੰ ਸ਼ਿਲਪਾ ਨੂੰ ਇਸ ਮਾਮਲੇ ’ਚ ਗ੍ਰੇਅ ਦੀ ਹਰਕਤ ਦਾ ਸ਼ਿਕਾਰ ਦੱਸਦੇ ਹੋਏ ਉਨ੍ਹਾਂ ਨੂੰ ਬਰੀ ਕਰ ਦਿੱਤਾ।