ਕਾਂਗੋ ਨਦੀ ‘ਚ ਫਿਰ ਵੱਡਾ ਹਾਦਸਾ, ਸੈਂਕੜੇ ਯਾਤਰੀਆਂ ਨਾਲ ਭਰੀ ਕਿਸ਼ਤੀ ਪਲਟੀ- 51 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ

ਕਾਂਗੋ – ਡੈਮੋਕਰੇਟਿਕ ਰੀਪਬਲਿਕ ਆਫ ਕਾਂਗੋ ‘ਚ ਇਕ ਕਿਸ਼ਤੀ ਪਲਟਣ ਨਾਲ 100 ਤੋਂ ਵੱਧ ਲੋਕ ਮਾਰੇ ਗਏ ਤੇ ਕੁਝ ਲਾਪਤਾ ਹੋ ਗਏ ਹਨ। ਸੂਬਾਈ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਘਟਨਾ ਕਾਂਗੋ ਨਦੀ ‘ਚ ਵਾਪਰੀ। ਨਤੀਜੇ ਵਜੋਂ ਕਿਸ਼ਤੀ ‘ਚ ਸਵਾਰ 100 ਤੋਂ ਵੱਧ ਲੋਕ ਮਾਰੇ ਗਏ ਜਾਂ ਲਾਪਤਾ ਹੋ ਗਏ। ਉੱਤਰ -ਪੱਛਮੀ ਸੂਬੇ ਮੰਗਲਾ ਦੇ ਗਵਰਨਰ ਦੇ ਬੁਲਾਰੇ ਨੇਸਟਰ ਮੈਗਬਾਡੋ ਨੇ ਕਿਹਾ ਕਿ 51 ਲਾਸ਼ਾਂ ਨੂੰ ਬਰਾਮਦ ਕਰ ਲਿਆ ਗਿਆ ਹੈ, ਜਦੋਂ ਕਿ ਕਿਸ਼ਤੀ ‘ਤੇ ਸਵਾਰ 69 ਹੋਰ ਅਜੇ ਵੀ ਲਾਪਤਾ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਹਾਦਸੇ ‘ਚ 39 ਲੋਕਾਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕਾਂਗੋ ‘ਚ ਖਤਰਨਾਕ ਕਿਸ਼ਤੀ ਹਾਦਸੇ ਆਮ ਹੁੰਦੇ ਹਨ। ਦਰਅਸਲ ਦੇਸ਼ ਭਰ ‘ਚ ਸੜਕਾਂ ਦਾ ਬੁਰਾ ਹਾਲ ਹੈ, ਜਿਸ ਕਾਰਨ ਲੋਕ ਕਿਸ਼ਤੀਆਂ ਰਾਹੀਂ ਸਫਰ ਕਰਨਾ ਪਸੰਦ ਕਰਦੇ ਹਨ। ਹਾਲਾਂਕਿ ਇਸ ਕਾਰਨ ਵੱਡੀ ਗਿਣਤੀ ‘ਚ ਲੋਕ ਕਿਸ਼ਤੀ ‘ਤੇ ਚੜ੍ਹਦੇ ਹਨ, ਉਸੇ ਸਮੇਂ ਮਲਾਹਾਂ ਦੁਆਰਾ ਵਧੇਰੇ ਲੋਡ ਵੀ ਕੀਤਾ ਜਾਂਦਾ ਹੈ। ਇਹ ਸਾਰੇ ਕਾਰਕ ਕਿਸ਼ਤੀ ਹਾਦਸਿਆਂ ਦਾ ਕਾਰਨ ਬਣਦੇ ਹਨ। ਕਾਂਗੋ ਦਰਿਆ ਕਾਂਗੋਲੀਜ਼ ਲਈ ਲੰਮੀ ਦੂਰੀ ਦੀ ਯਾਤਰਾ ਦਾ ਇਕੋ ਇਕ ਸਾਧਨ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਕਾਂਗੋ ਦੀ ਆਰਥਿਕਤਾ ਬਹੁਤ ਖ਼ਰਾਬ ਹੈ ਤੇ ਇਸ ਲਈ ਸਰਕਾਰ ਬੁਨਿਆਦੀ ਢਾਂਚੇ ਵੱਲ ਜ਼ਿਆਦਾ ਧਿਆਨ ਦੇਣ ‘ਚ ਅਸਮਰੱਥ ਹੈ। ਇਸ ਤੋਂ ਪਹਿਲਾਂ ਡੈਮੋਕ੍ਰੇਟਿਕ ਰੀਪਬਲਿਕ ਆਫ ਕਾਂਗੋ ‘ਚ 15 ਫਰਵਰੀ ਨੂੰ ਇਕ ਕਿਸ਼ਤੀ ਪਲਟਣ ਕਾਰਨ 60 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਹ ਹਾਦਸਾ ਕਾਂਗੋ ਨਦੀ ‘ਚ ਵੀ ਵਾਪਰਿਆ। ਕਿਸ਼ਤੀ ‘ਤੇ ਜ਼ਿਆਦਾ ਲੋਕ ਸਵਾਰ ਸਨ, ਜਿਸ ਕਾਰਨ ਕਿਸ਼ਤੀ ਡੁੱਬ ਗਈ। ਦੇਸ਼ ਦੇ ਮਾਨਵਤਾਵਾਦੀ ਮਾਮਲਿਆਂ ਦੇ ਮੰਤਰੀ ਸਟੀਵ ਐਮਬਿਕਾਈ ਨੇ ਦੱਸਿਆ ਕਿ ਇਸ ਕਿਸ਼ਤੀ ‘ਚ 700 ਲੋਕ ਸਵਾਰ ਸਨ। ਉਸ ਨੇ ਦੱਸਿਆ ਸੀ ਕਿ ਇਹ ਘਟਨਾ ਦੇਸ਼ ਦੇ ਮਾਈ-ਨੋਮਦਬੇ ਸੂਬੇ ‘ਚ ਵਾਪਰੀ ਹੈ। ਕਿਸ਼ਤੀ ਕਿਨਹਾਸਾ ਪ੍ਰਾਂਤ ਤੋਂ ਇਕ ਦਿਨ ਪਹਿਲਾਂ ਮਬੰਦਕਾ ਲਈ ਰਵਾਨਾ ਹੋਈ ਸੀ। ਕਿਸ਼ਤੀ ਉਦੋਂ ਡੁੱਬ ਗਈ ਜਦੋਂ ਇਹ ਮਾਈ-ਨੋਮਦਬੇ ਸੂਬੇ ਦੇ ਲੋਂਗਗੋਲਾ ਇਕੋਟੀ ਪਿੰਡ ਦੇ ਨੇੜੇ ਪਹੁੰਚੀ।