ਨਵੀਂ ਦਿੱਲੀ – ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਭਾਰਤੀ ਕੁਸ਼ਤੀ ਸੰਘ ’ਤੇ ਦੋਸ਼ ਲਗਾਇਆ ਕਿ ਉਹ ਉਸ ਦੇ ਸਹਿਯੋਗੀ ਸਟਾਫ਼ ਲਈ ਰੁਕਾਵਟਾਂ ਪੈਦਾ ਕਰਕੇ ਉਸ ਨੂੰ ਉਲੰਪਿਕ ਕੁਆਲੀਫਾਇਰ ਵਿਚ ਹਿੱਸਾ ਲੈਣ ਤੋਂ ਰੋਕਣ ਦੀ ਕੋਸ਼ਿਸ਼ ਕਰ ਰਹੀ ਹੈ, ਹਾਲਾਂਕਿ ਇਸ ਦੋਸ਼ ਨੂੰ ਫ਼ੈਡਰੇਸ਼ਨ ਨੇ ਜ਼ੋਰਦਾਰ ਢੰਗ ਨਾਲ ਨਕਾਰ ਦਿੱਤਾ ਅਤੇ ਦਾਅਵਾ ਕੀਤਾ ਕਿ ਉਸ ਨੇ ਐਂਟਰੀਆਂ ਭੇਜਣ ਦੀ ਸਮਾਂ ਸੀਮਾ ਖ਼ਤਮ ਹੋ ਜਾਣ ਤੋਂ ਬਾਅਦ ਇਸ ਲਈ ਅਪਲਾਈ ਕੀਤਾ। 29 ਸਾਲਾ ਫੋਗਾਟ, ਜਿਸ ਨੇ 2019 ਅਤੇ 2022 ਵਿਸ਼ਵ ਚੈਂਪੀਅਨਸ਼ਿਪ ਵਿਚ 53 ਕਿਲੋਗ੍ਰਾਮ ਕਾਂਸੀ ਦੇ ਤਗਮੇ ਤੋਂ ਇਲਾਵਾ 2018 ਦੀਆਂ ਏਸ਼ਿਆਈ ਖ਼ੇਡਾਂ (50 ਕਿਲੋਗ੍ਰਾਮ ਵਿਚ) ਵਿਚ ਸੋਨ ਤਮਗਾ ਜਿੱਤਿਆ ਸੀ, ਨੇ ਇਹ ਵੀ ਕਿਹਾ ਕਿ ਉਸ ਨੂੰ ਡੋਪਿੰਗ ਮਾਮਲੇ ਵਿਚ ਫੱਸਣ ਦਾ ਵੀ ਡਰ ਹੈ।
ਵਿਨੇਸ਼ ਫੋਗਾਟ ਨੇ ਕੁਸ਼ਤੀ ਫ਼ੈਡਰੇਸ਼ਨ ’ਤੇ ਲਾਇਆ ਰੁਕਾਵਟਾਂ ਪੈਦਾ ਕਰਨ ਦਾ ਦੋਸ਼
