ਆਸਟ੍ਰੇਲੀਆ ਦੇ ਸਭ ਤੋਂ ਦੂਰਲੇ ਅਤੇ ਮਸ਼ਹੂਰ ਰੇਸਿੰਗ ਸਮਾਗਮਾਂ ਵਿੱਚੋਂ ਇੱਕ ਬਰਡਸਵਿਲ ਰੇਸਜ਼ ਸ਼ਾਨਦਾਰ ਅੰਦਾਜ਼ ਵਿੱਚ ਹੋਈਆਂ। ਆਊਟਬੈਕ ਦੇ ‘ਮੈਲਬੌਰਨ ਕੱਪ’ ਵਜੋਂ ਜਾਣਿਆ ਜਾਂਦਾ ਇਹ ਸਮਾਗਮ ਦੇਖਣ ਲਈ ਹਜ਼ਾਰਾਂ ਲੋਕ ਲਾਲ ਮਿੱਟੀ ਵਾਲੇ ਕੁਈਨਜ਼ਲੈਂਡ ਦੇ ਬਰਡਸਵਿਲ ਰੇਸਕੋਰਸ ’ਤੇ ਪਹੁੰਚੇ।
ਇਸ ਸਾਲ ਬਰਡਸਵਿਲ ਵਿੱਚ ਰੇਸਿੰਗ ਦੇ 144 ਸਾਲ ਪੂਰੇ ਹੋਏ ਹਨ। ਦੋ ਦਿਨਾਂ ਦੇ ਇਸ ਰੇਸਿੰਗ ਕਾਰਨੀਵਲ ਵਿੱਚ ਕੁੱਲ 13 ਰੇਸਾਂ ਹੋਈਆਂ ਅਤੇ ਰਿਕਾਰਡ 350,000 ਡਾਲਰ ਦੀ ਇਨਾਮੀ ਰਕਮ ਦਿੱਤੀ ਗਈ। ਆਸਟ੍ਰੇਲੀਆ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਟ੍ਰੇਨਰ, ਜੌਕੀ, ਘੋੜਿਆਂ ਦੇ ਮਾਲਕ ਅਤੇ ਦਰਸ਼ਕ ਇੱਥੇ ਪਹੁੰਚੇ। ਰੇਸਾਂ ਦੀਆਂ ਰਸਮੀ ਗਤੀਵਿਧੀਆਂ ਵੀਰਵਾਰ 3 ਸਤੰਬਰ 2026 ਤੋਂ ਹੀ ਸ਼ੁਰੂ ਹੋ ਗਈਆਂ ਸਨ। ਦਿਨ ਦੀ ਸ਼ੁਰੂਆਤ Royal Flying Doctor Service (RFDS) Fun Run ਅਤੇ Birdsville Cup Parade ਨਾਲ ਹੋਈ। ਪਰੇਡ Wirrarri Centre ਤੋਂ ਸ਼ੁਰੂ ਹੋ ਕੇ ਮਸ਼ਹੂਰ Birdsville Hotel ਤੱਕ ਗਈ। ਇਸ ਪਰੇਡ ਵਿੱਚ ਬਰਡਸਵਿਲ ਦੀ ਸਥਾਨਕ ਕਮਿਊਨਿਟੀ, Birdsville State School, ਸਮਾਗਮ ਦੇ ਭਾਈਵਾਲ, Birdsville Roadies ਅਤੇ Birdsville Race Club ਨੇ ਹਿੱਸਾ ਲਿਆ। ਇਸ ਸਾਲ ਦੀ RFDS Fun Run ਦਾ ਵਿਸ਼ਾ Country & Western ਰੱਖਿਆ ਗਿਆ ਸੀ। ਦੌੜ ਵਿੱਚ ਸ਼ਾਮਲ ਲੋਕਾਂ ਨੇ ਕਾਊਬੌਏ ਅੰਦਾਜ਼ ਦੇ ਕੱਪੜੇ ਪਾ ਕੇ ਆਊਟਬੈਕ ਦਾ ਰੰਗ ਹੋਰ ਵੀ ਗੂੜ੍ਹਾ ਕਰ ਦਿੱਤਾ। ਇਸ ਦੌੜ ਰਾਹੀਂ RFDS ਲਈ ਪੈਸੇ ਵੀ ਇਕੱਠੇ ਕੀਤੇ ਗਏ।
ਵੀਰਵਾਰ ਸ਼ਾਮ ਨੂੰ RFDS Birdsville Races Gala ਨੇ ਸਾਰਿਆਂ ਦਾ ਧਿਆਨ ਖਿੱਚਿਆ। ਇਹ ਰੇਸ ਕਾਰਨੀਵਲ ਦੀ ਸਭ ਤੋਂ ਸ਼ਾਨਦਾਰ ਸ਼ਾਮ ਮੰਨੀ ਜਾਂਦੀ ਹੈ ਅਤੇ ਰੇਸ ਟਰੈਕ ’ਤੇ ਸੂਰਜ ਡੁੱਬਣ ਦੇ ਸਮੇਂ ਇਸ ਦਾ ਖ਼ਾਸ ਨਜ਼ਾਰਾ ਦੇਖਣ ਨੂੰ ਮਿਲਿਆ। Birdsville Race Club ਦੇ ਪ੍ਰਧਾਨ David Brook ਅਤੇ ਉਨ੍ਹਾਂ ਦੀ ਪਤਨੀ Nell ਨੇ Birdsville Race Club ਅਤੇ RFDS ਦੀ ਟੀਮ ਨਾਲ ਮਿਲ ਕੇ ਰੇਸ ਟਰੈਕ ’ਤੇ ਲਾਲਟੇਨ ਜਗਾਈਆਂ। ਇਹ ਲਾਲਟੇਨ ਉਨ੍ਹਾਂ ਲੋਕਾਂ ਦੀ ਯਾਦ ਦਿਵਾਉਂਦੀਆਂ ਹਨ ਜੋ ਦੂਰ-ਦੁਰਾਡੇ ਇਲਾਕਿਆਂ ਵਿੱਚ ਹਵਾਈ ਪੱਟੀਆਂ ’ਤੇ ਰੌਸ਼ਨੀ ਕਰਦੇ ਹਨ, ਤਾਂ ਜੋ ਲੋੜ ਪੈਣ ’ਤੇ Flying Doctor ਦੇ ਜਹਾਜ਼ ਸੁਰੱਖਿਅਤ ਢੰਗ ਨਾਲ ਉਤਰ ਸਕਣ।
ਇਸ ਦੌਰਾਨ Birdsville Races ਦੀ ਐਂਬੈਸਡਰ Ally Mosley ਘੋੜੇ ’ਤੇ ਸਵਾਰ ਹੋ ਕੇ ਸੂਰਜ ਡੁੱਬਣ ਵੇਲੇ ਰੇਸਕੋਰਸ ’ਤੇ ਪਹੁੰਚੀ ਅਤੇ TAB Birdsville Cup ਨੂੰ ਫੰਡਰੇਜ਼ਿੰਗ ਸਮਾਗਮ ਵਿੱਚ ਲਿਆਂਦਾ। RFDS Queensland ਦੀ Partnerships & Community Coordinator Cortney Ginivan ਨੇ ਕਿਹਾ ਕਿ Birdsville Races ਵਰਗੇ ਸਮਾਗਮ ਸੰਸਥਾ ਨੂੰ ਦੂਰ-ਦੁਰਾਡੇ ਇਲਾਕਿਆਂ ਵਿੱਚ ਸਿਹਤ ਸੇਵਾਵਾਂ ਜਾਰੀ ਰੱਖਣ ਵਿੱਚ ਮਦਦ ਕਰਦੇ ਹਨ।
2026 Birdsville Races ਦੀ ਪਹਿਲੀ ਰੇਸ RFDS QTIS Maiden Plate 1,200m ਸੀ। ਇਹ ਰੇਸ Crudo ਨੇ ਜਿੱਤੀ। Crudo ਨੂੰ Toni Schofield ਨੇ ਟ੍ਰੇਨ ਕੀਤਾ ਅਤੇ Samantha Pointon ਨੇ ਘੋੜੇ ਦੀ ਸਵਾਰੀ ਕੀਤੀ। Toni Schofield, ਜੋ 2025 Birdsville Races ਵਿੱਚ ਸਭ ਤੋਂ ਸਫਲ ਟ੍ਰੇਨਰ ਰਹੀ ਸੀ, ਇਸ ਸਾਲ 12 ਘੋੜਿਆਂ ਨਾਲ ਮੁੜ ਬਰਡਸਵਿਲ ਆਈ। ਦਿਨ ਦੀ ਮੁੱਖ ਰੇਸਾਂ ਵਿੱਚੋਂ ਇੱਕ Akubra Big Red Open Quality Handicap ਵਿੱਚ ਪਿਛਲੇ ਸਾਲ ਦਾ ਜੇਤੂ Revolt ਲਗਾਤਾਰ ਦੂਜੀ ਵਾਰ ਜਿੱਤਣ ਦੀ ਉਮੀਦ ਨਾਲ ਮੈਦਾਨ ਵਿੱਚ ਉਤਰਾ। ਪਰ Kym Healy ਦਾ Hello World ਉਸ ਤੋਂ ਅੱਗੇ ਨਿਕਲ ਗਿਆ। Hello World ਨੇ ਨਾ ਸਿਰਫ਼ ਇਹ ਰੇਸ ਜਿੱਤੀ, ਸਗੋਂ ਨਵਾਂ ਟਰੈਕ ਰਿਕਾਰਡ ਵੀ ਬਣਾਇਆ ਅਤੇ 45,000 ਡਾਲਰ ਦੀ ਇਨਾਮੀ ਰਕਮ ਆਪਣੇ ਨਾਮ ਕੀਤੀ।
ਰੇਸਾਂ ਦੇ ਪਹਿਲੇ ਦਿਨ 46 ਲੋਕਾਂ ਦਾ ਇੱਕ ਖਾਸ ਗਰੁੱਪ ਵੀ ਬਰਡਸਵਿਲ ਪਹੁੰਚਿਆ। ਇਹ ਲੋਕ Dubbo ਦੇ ਕਾਮੇਡੀਅਨ Wiradjuri Rabbs ਵੱਲੋਂ ਕਰਵਾਈ ਗਈ ਇੱਕ ਸੋਲਡ-ਆਊਟ ਬੱਸ ਯਾਤਰਾ ਰਾਹੀਂ ਇੱਥੇ ਆਏ ਸਨ। ਇਸ ਗਰੁੱਪ ਨੇ RFDS ਨੂੰ 5,000 ਡਾਲਰ ਦਾਨ ਕੀਤਾ। ਇਸ ਤੋਂ ਇਲਾਵਾ ਗਰੁੱਪ ਨੂੰ ਅਗਲੇ ਦਿਨ ਦੀ TAB Birdsville Cup ਵਿੱਚ ਦੌੜ ਰਹੇ Green Shadows ਦੇ 10 ਫੀਸਦੀ ਹਿੱਸੇ ਦੀ ਪੇਸ਼ਕਸ਼ ਵੀ ਕੀਤੀ ਗਈ ਹੈ।
ਇਸ ਗਰੁੱਪ ਨੇ ਆਪਣੀ ਜਿੱਤ ਦੀ ਰਕਮ Motor Neuron Foundation ਨੂੰ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ।
ਰੇਸ ਟਰੈਕ ’ਤੇ Novelty Fashions on the Field ਵੀ ਦਰਸ਼ਕਾਂ ਲਈ ਖਾਸ ਖਿੱਚ ਦਾ ਕੇਂਦਰ ਰਿਹਾ। ਲੋਕਾਂ ਨੇ ਰੰਗ-ਬਿਰੰਗੇ ਅਤੇ ਮਜ਼ੇਦਾਰ ਪਹਿਰਾਵਿਆਂ ਨਾਲ ਆਪਣੀ ਰਚਨਾਤਮਕਤਾ ਦਿਖਾਈ। ਇਸ ਮੁਕਾਬਲੇ ਦੇ ਜੇਤੂ NSW ਦੇ Mendooran ਤੋਂ ਆਈਆਂ “The Grannies” ਬਣੀਆਂ। ਇਸ ਤੋਂ ਇਲਾਵਾ ABBA, Alice in Wonderland, Napoleon, tutus ਅਤੇ camo ਵਰਗੇ ਕਈ ਦਿਲਚਸਪ ਪਹਿਰਾਵੇ ਵੀ ਦੇਖਣ ਨੂੰ ਮਿਲੇ।
2019 ਤੋਂ ਬਾਅਦ ਪਹਿਲੀ ਵਾਰ ਇਸ ਸਾਲ ਰੇਸਾਂ ਲਈ ਜਹਾਜ਼ ਰਾਹੀਂ ਬਰਡਸਵਿਲ ਆਉਣ ਵਾਲੇ ਦਰਸ਼ਕਾਂ ਨੂੰ Birdsville Airport ’ਤੇ ਏਅਰਸਾਈਡ ਕੈਂਪਿੰਗ ਦੀ ਸਹੂਲਤ ਮੁੜ ਮਿਲੀ। ਇਸ ਵਾਰ ਪਹਿਲਾਂ ਵਾਂਗ ਜਹਾਜ਼ ਦੇ ਪਰਾਂ ਹੇਠਾਂ ਕੈਂਪ ਲਗਾਉਣ ਦੀ ਬਜਾਏ ਇੱਕ ਵੱਖਰਾ Airside Special Event Zone ਬਣਾਇਆ ਗਿਆ। ਇਸ ਨਾਲ ਕੈਂਪਿੰਗ ਨੂੰ ਹੋਰ ਸੁਰੱਖਿਅਤ ਅਤੇ ਆਸਾਨ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਗਈ।
Birdsville Race Club ਦੇ ਉਪ ਪ੍ਰਧਾਨ Gary Brook ਨੇ ਕਿਹਾ ਕਿ Birdsville Races ਸਿਰਫ਼ ਘੋੜ ਦੌੜ ਨਹੀਂ, ਸਗੋਂ ਇੱਥੋਂ ਦੀ ਕਮਿਊਨਿਟੀ ਅਤੇ ਉਨ੍ਹਾਂ ਲੋਕਾਂ ਦਾ ਜਸ਼ਨ ਵੀ ਹੈ ਜੋ ਇਸ ਵੱਡੇ ਸਮਾਗਮ ਨੂੰ ਸੰਭਵ ਬਣਾਉਂਦੇ ਹਨ। ਉਨ੍ਹਾਂ ਕਿਹਾ ਕਿ ਆਸਟ੍ਰੇਲੀਆ ਦੀ ਸਭ ਤੋਂ ਦੂਰਲੀ ਰੇਸ ਮੀਟਿੰਗ ਵਿੱਚ ਹਜ਼ਾਰਾਂ ਲੋਕਾਂ ਨੂੰ ਇਕੱਠੇ ਦੇਖਣਾ ਬਹੁਤ ਖਾਸ ਗੱਲ ਹੈ। ਸਥਾਨਕ ਲੋਕਾਂ, ਵਲੰਟੀਅਰਾਂ, ਭਾਈਵਾਲਾਂ, ਟ੍ਰੇਨਰਾਂ, ਜੌਕੀਆਂ ਅਤੇ ਪਿੱਛੇ ਕੰਮ ਕਰਨ ਵਾਲੇ ਹਰ ਵਿਅਕਤੀ ਦੀ ਮਿਹਨਤ ਨਾਲ ਇਹ ਸਮਾਗਮ ਸੰਭਵ ਹੁੰਦਾ ਹੈ। ਇਸ ਸਾਲ ਦੀ Birdsville Races ਇੱਕ ਵਾਰ ਫਿਰ ਆਊਟਬੈਕ ਕੁਈਨਜ਼ਲੈਂਡ ਦੀ ਖੂਬਸੂਰਤੀ, ਇੱਥੋਂ ਦੇ ਲੋਕਾਂ ਦੀ ਹਿੰਮਤ ਅਤੇ ਕਮਿਊਨਿਟੀ ਦੀ ਇਕਜੁੱਟਤਾ ਨੂੰ ਸਾਹਮਣੇ ਲਿਆ ਰਹੀ ਹੈ। ਇੱਥੇ ਪਹੁੰਚਣ ਦਾ ਸਫ਼ਰ ਹੀ ਆਪਣੇ ਆਪ ਵਿੱਚ ਇੱਕ ਯਾਦਗਾਰ ਤਜਰਬਾ ਹੈ ਅਤੇ ਰੇਸ ਟਰੈਕ ’ਤੇ ਪਹੁੰਚਣ ਤੋਂ ਬਾਅਦ ਹੋਣ ਵਾਲਾ ਜਸ਼ਨ ਇਸ ਤਜਰਬੇ ਨੂੰ ਹੋਰ ਵੀ ਖਾਸ ਬਣਾ ਦਿੰਦਾ ਹੈ।