ਅੰਮ੍ਰਿਤਸਰ – ਖਾਲਸਾ ਕਾਲਜ ਆਫ ਇੰਜੀਨੀਅਰਿੰਗ ਅਤੇ ਟੈਕਨੋਲੋਜੀ ਰਣਜੀਤ ਐਵਿਨਿਉ ਵਿਖੇ ਡਾਇਰੈਕਟਰ ਅਤੇ ਪ੍ਰਿੰਸੀਪਲ ਡਾ.ਮੰਜੂ ਬਾਲਾ ਦੀ ਅਗਵਾਈ ਅਤੇ ਡਿਪਾਰਟਮੈਂਟ ਦੇ ਮੁੱਖੀ ਮੁਤੀਬ ਸੌਕਤ,ਸਹਾਇਕ ਪ੍ਰੋਫੈਸਰ ਮਿਸ.ਕਿਰਨਦੀਪ ਕੌਰ,ਬਰਨਾਡਾ ਡੇਵਿਡ ਅਤੇ ਰਵਿੰਦਰ ਸਿੰਘ ਦੀ ਦੇਖ-ਰੇਖ ਵਿੱਚ ਵਿਸ਼ਵ ਕਾਰਡੀੳਲੋਜੀ ਦਿਵਸ ਮਨਾਇਆ ਗਿਆ.ਇਸ ਮੌਕੇ ਕਰਵਾਏ ਗਏ ਵਿਸ਼ੇਸ਼ ਸੈਮੀਨਾਰ ਦੌਰਾਨ ਮੁੱਖ ਮਹਿਮਾਨ ਉੱਤਰ ਭਾਰਤ ਦੇ ਪ੍ਰਸਿੱਧ ਦਿਲ ਦੀਆਂ ਬਿਮਾਰੀਆਂ ਦੇ ਮਾਹਿਰ ਸਰਜਨ ਡਾ.ਮੰਨਨ ਆਨੰਦ ਅਤੇ ਸ਼ੂਗਰ ਰੋਗਾਂ ਦੀ ਮਾਹਿਰ ਡਾ.ਮੈਕਸਿਮਾ ਆਨੰਦ ਸਨ।
ਇਸ ਮੌਕੇ ਡਾ.ਮੰਨਨ ਆਨੰਦ ਨੇ ਵਿਦਿਆਰਥੀਆਂ ਨੂੰ ਦਿਲ ਦੀ ਸਿਹਤ ਨਾਲ ਸੰਬੰਧਿਤ ਜ਼ਰੂਰੀ ਜਾਣਕਾਰੀ ਦਿੱਤੀ ਅਤੇ ਦਿਲ ਦੇ ਰੋਗਾਂ ਤੋਂ ਬਚਾਅ ਦੇ ਤਰੀਕਿਆਂ ਬਾਰੇ ਵਿਸਥਾਰਪੂਰਵਕ ਰੌਸ਼ਨੀ ਪਾਈ ਅਤੇ ਵਿਦਿਆਰਥੀਆਂ ਵੱਲੋਂ ਪੁਛੇ ਗਏ ਸਵਾਲਾਂ ਦੇ ਜਵਾਬ ਦਿੱਤੇ।ਇਸ ਮੌਕੇ ਡਾ.ਮੰਨਨ ਆਨੰਦ ਨੇ ਦੱਸਿਆ ਕਿ ਅੱਜ ਕੱਲ ਸਭ ਤੋਂ ਜ਼ਿਆਦਾ ਮੌਤਾਂ ਹਾਰਟ ਅਟੈਕ ਨਾਲ ਹੋ ਰਹੀਆਂ ਹਨ ਸਾਨੂੰ ਸਮੇਂ ਸਮੇਂ ਸਿਰ ਅਪਣੇ ਸਰੀਰ ਦੀ ਜਾਂਚ ਕਰਵਾਉਂਦੇ ਰਹਿਣਾ ਚਾਹੀਦਾ ਹੈ ਇਸਦੇ ਨਾਲ ਹੀ ਅਪਣੇ ਦਿਲ ਦੀ ਸਾਂਭ ਸੰਭਾਲ,ਫਾਸਟ ਫੂਡ, ਪ੍ਰੋਸੈਸਡ ਫੂਡ,ਪੈਕਜਿਜ ਫੂਡ ਤੋਂ ਪ੍ਰਹੇਜ਼,ਲਾਈਫ ਸਟਾਇਲ ਵਿੱਚ ਤਬਦੀਲੀ,ਮਾਨਸਿਕ ਦਬਾਅ ਤੋਂ ਅਪਣੇ ਆਪ ਨੂੰ ਬਚਾਉਣਾ,ਰੌਜ਼ਾਨਾ ਸੈਰ ਜਾਂ ਕਸਰਤ ਕਰਨੀ ਚਾਹੀਦੀ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਅੱਜ ਭਾਰਤ ਵਿੱਚ 30 ਪ੍ਰਤੀਸ਼ਤ ਮੌਤਾਂ ਦਿਲ ਦੇ ਦੌਰੇ ਨਾਲ ਹੋ ਰਹੀਆਂ ਹਨ।ਉਨ੍ਹਾ ਕਿਹਾ ਕਿ ਅਸੀਂ ਏਸ਼ੀਅਨ ਲੋਕਾਂ ਨੂੰ ਬਾਕੀ ਦੁਨੀਆ ਦੀ ਤੁਲਨਾ ਵਿੱਚ ਦਿਲ ਦਾ ਦੌਰਾ ਪੈਣ ਦਾ ਖੱਤਰਾ 30 ਪ੍ਰਤੀਸ਼ਤ ਵੱਧ ਹੈ ਅਤੇ ਏਸ਼ੀਅਨ ਲੋਕਾਂ ਨੂੰ ਦਿਲ ਦਾ ਦੌਰਾ ਵੀ ਬਾਕੀਆਂ ਨਾਲੋਂ 10 ਸਾਲ ਪਹਿਲਾਂ ਹੁੰਦਾ ਹੈ।ਇਸ ਮੌਕੇ ਪ੍ਰਿੰਸੀਪਲ ਡਾ.ਮੰਜੂ ਬਾਲਾ ਅਤੇ ਹੋਰ ਸਟਾਫ ਵੱਲੋਂ ਡਾ.ਮੰਨਨ ਆਨੰਦ ਅਤੇ ਡਾ.ਮੈਕਸਿਮਾ ਆਨੰਦ ਨੂੰ ਯਾਦਗਾਰੀ ਚਿੰਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਅੰਕਿਤਾ ਔਹਰੀ,ਸਨਤ ਗੁਪਤਾ,ਤਾਨਿਆ ਸ਼ਰਮਾ,ਡਾ.ਪੁਨਿਤ ਭਾਟੀਆ,ਤਜਿੰਦਰ ਪਾਲ ਸਿੰਘ ਏ.ਟੀ.ਪੀ.ੳ, ਰਾਜੀਵ ਸ਼ਰਮਾ,ਕਰਨਬੀਰ ਸਿੰਘ ਔਲਖ ਸਟੇਟ ਅਫਸਰ,ਡਾ.ਯੋਗਰਾਜ ਸਿੰਘ ਰੰਧਾਵਾ ਡੀਨ,ਡਾ.ਮੋਨਿਕਾ ਚਾਵਲਾ,ਜਾਨਵੀ, ਪ੍ਰੀਤੀ,ਪੂਜਾ ਸ਼ਰਮਾ,ਯੂਸਫ,ਬਾਲਕਿਸ, ਵਿਕਾਸ ਜੌਸ਼ੀ,ਯਾਸਿਰ ਆਦਿ ਹਾਜ਼ਰ ਸਨ।