ਅੰਮ੍ਰਿਤਸਰ – ਖਾਲਸਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਰਣਜੀਤ ਐਵੀਨਿਊ ਵਿਖੇ 10ਵੀਂ ਸਾਲਾਨਾ ਐਥਲੈਟਿਕ ਮੀਟ ਕਰਵਾਈ ਗਈ। ਕਾਲਜ ਡਾਇਰੈਕਟਰ ਡਾ. ਮੰਜ਼ੂ ਬਾਲਾ ਦੇ ਦਿਸ਼ਾ-ਨਿਰਦੇਸ਼ਾਂ ’ਤੇ ਕਰਵਾਈ ਗਈ ਉਕਤ ਮੀਟ ਦੌਰਾਨ ਵੱਖ-ਵੱਖ ਗਤੀਵਿਧੀਆਂ ਅਤੇ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਜਿਨ੍ਹਾਂ ਨੇ ਵਿਦਿਆਰਥੀਆਂ ’ਚ ਖੇਡ ਅਤੇ ਏਕਤਾ ਦੀ ਭਾਵਨਾ ਨੂੰ ਉਜਾਗਰ ਕੀਤਾ।
ਸਮਾਰੋਹ ਦੀ ਸ਼ੁਰੂਆਤ ਵਿਦਿਆਰਥੀਆਂ ਵੱਲੋਂ ਸ਼ਬਦ ਗਾਇਨ ਕਰਨ ਉਪਰੰਤ ਸ਼ਮ੍ਹਾ ਰੌਸ਼ਨ ਕਰਕੇ ਕੀਤੀ ਗਈ। ਇਸ ਮੌਕੇ ਡਾ. ਮੰਜ਼ੂ ਬਾਲਾ ਵੱਲੋਂ ਝੰਡਾ ਲਹਿਰਾਉਣ ਦੀ ਰਸਮ ਉਪਰੰਤ ਵਿਦਿਆਰਥੀਆਂ ਵੱਲੋਂ ਅਨੁਸ਼ਾਸਨ ਅਤੇ ਤਾਲਮੇਲ ਦਾ ਪ੍ਰਦਰਸ਼ਨ ਕਰਦੇ ਹੋਏ ਮਾਰਚ ਪਾਸਟ ਕੀਤਾ ਗਿਆ। ਇਸ ਸਮਾਗਮ ਦੌਰਾਨ ਵਿਦਿਆਰਥੀਆਂ ਨੇ ਆਪਣੇ ਸਾਥੀ ਪ੍ਰਤੀਯੋਗੀਆਂ ਲਈ ਖੇਡ ਭਾਵਨਾ, ਨਿਰਪੱਖਤਾ ਅਤੇ ਸਤਿਕਾਰ ਦੇ ਸਿਧਾਂਤਾਂ ਨੂੰ ਕਾਇਮ ਰੱਖਣ ਦੀ ਸਹੁੰ ਚੁੱਕੀ। ਜਿਸ ਨੇ ਭਾਗੀਦਾਰਾਂ ’ਚ ਦੋਸਤੀ ਅਤੇ ਆਪਸੀ ਸਤਿਕਾਰ ਦੀ ਭਾਵਨਾ ਨੂੰ ਹੋਰ ਮਜ਼ਬੂਤ ਕੀਤਾ।
ਇਸ ਮੌਕੇ ਉਦਘਾਟਨੀ ਸੈਸ਼ਨ ਦੌਰਾਨ ਡਾ. ਮੰਜੂ ਬਾਲਾ ਨੇ ਵਿਅਕਤੀਆਂ ਦੀ ਸਮੁੱਚੀ ਸ਼ਖਸੀਅਤ ਨੂੰ ਢਾਲਣ ’ਚ ਖੇਡਾਂ ਦੀ ਮਹੱਤਤਾ ’ਤੇ ਚਾਨਣਾ ਪਾਇਆ। ਉਨ੍ਹਾਂ ਕਿਹਾ ਕਿ ਖੇਡਾਂ ਟੀਮ ਵਰਕ, ਲਗਨ ਅਤੇ ਲਚਕੀਲੇਪਣ ਵਰਗੇ ਅਨਮੋਲ ਸਬਕ ਸਿਖਾਉਂਦੀਆਂ ਹਨ, ਜੋ ਜੀਵਨ ਦੇ ਸਮੂਹ ਪਹਿਲੂਆਂ ’ਚ ਸਫਲਤਾ ਲਈ ਜ਼ਰੂਰੀ ਹਨ। ਉਨ੍ਹਾਂ ਨੇ ਸਰੀਰਿਕ ਅਤੇ ਮਾਨਸਿਕ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨ ’ਚ ਖੇਡਾਂ ਦੀ ਮਹੱਤਤਾ ’ਤੇ ਜ਼ੋਰ ਦਿੰਦਿਆਂ ਵਿਦਿਆਰਥੀਆਂ ਨੂੰ ਖੇਡ ਗਤੀਵਿਧੀਆਂ ’ਚ ਵੱਧ ਚੜ੍ਹ ਕੇ ਹਿੱਸਾ ਲੈਣ ਦੀ ਅਪੀਲ ਕੀਤੀ।
ਉਨ੍ਹਾਂ ਕਿਹਾ ਕਿ ਉਕਤ ਪ੍ਰੋਗਰਾਮ ਕਰਵਾਏ ਗਏ ਵੱਖ-ਵੱਖ ਮੁਕਾਬਲਿਆਂ ’ਚੋਂ ਸਰਵੋਤਮ ਐਥਲੀਟ ਲੜਕੀਆਂ ’ਚ ਤਾਨਿਆ (ਚੌਥਾ ਸਮੈਸਟਰ ਬੀ. ਐਸ.ਸੀ.-ਆਪਟੋਮੈਟਰੀ) ਅਤੇ ਸਰਵੋਤਮ ਐਥਲੀਟ ਲੜਕੇ ’ਚ ਰਾਜਾ ਬਾਬੂ (ਚੌਥਾ ਸਮੈਸਟਰ ਬੀ. ਟੈਕ. ਸਿਵਲ ਇੰਜੀਨੀਅਰਿੰਗ) ਐਲਾਨਿਆ ਗਿਆ। ਰਾਜਾ ਬਾਬੂ ਨੇ 100 ਮੀਟਰ ਲੜਕਿਆਂ ’ਚ ਪਹਿਲਾ ਸਥਾਨ ਅਤੇ ਤਾਨਿਆ ਨੇ 100 ਮੀਟਰ ਲੜਕੀਆਂ ਦੀ ਦੌੜ ’ਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।
ਉਨ੍ਹਾਂ ਕਿਹਾ ਕਿ 200 ਮੀਟਰ ਦੌੜ ਲੜਕਿਆਂ ’ਚ ਜੁਨੈਦ (ਬੀ. ਐਸ. ਸੀ. ਐਮ. ਐਲ. ਐਸ. ਛੇਵਾਂ ਸਮੈਸਟਰ), ਰਿਪੂ ਕੁਮਾਰ (ਦੂਜਾ ਸਮੈਸਟਰ ਬੀ. ਟੈਕ. ਸਿਵਲ ਇੰਜੀਨੀਅਰਿੰਗ) ਨੇ 800 ਮੀਟਰ ਅਤੇ 200 ਮੀਟਰ ਲੜਕੀਆਂ ਦੀ ਦੌੜ ’ਚ ਪ੍ਰਾਚੀ (ਦੂਜਾ ਸਮੈਸਟਰ ਬੀ. ਐਸ. ਸੀ.-ਐਮ.ਟੀ) ਨੇ ਜਿੱਤੀ ਅਤੇ 400 ਮੀਟਰ ਕੁੜੀਆਂ ਦੀ ਦੌੜ ਸੰਜਨਾ (ਚੌਥਾ ਸਮੈਸਟਰ ਬੀ. ਟੈਕ. ਸੀ. ਐਸ. ਈ.) ਨੇ ਜਿੱਤੀ।
ਰਾਜਾ ਬਾਬੂ (ਚੌਥਾ ਸਮੈਸਟਰ ਬੀ. ਟੈਕ. ਸਿਵਲ ਇੰਜੀਨੀਅਰਿੰਗ) ਲੌਂਗ ਜੰਪ ਲੜਕਿਆਂ ਦਾ ਜੇਤੂ ਰਿਹਾ, ਜਦੋਂ ਕਿ ਅਨੁਪ੍ਰੀਤ ਕੌਰ (ਚੌਥਾ ਸੈਮ ਬੀ. ਟੈਕ. ਸੀਐਸਈ) ਨੇ ਲੌਂਗ ਜੰਪ ਲੜਕੀਆਂ ਦਾ ਜੇਤੂ ਰਿਹਾ।
ਉਨ੍ਹਾਂ ਕਿਹਾ ਕਿ ਤਰਨਦੀਪ ਸਿੰਘ (ਚੌਥਾ ਸਮੈਸਟਰ ਬੀ. ਟੈਕ. ਸਿਵਲ ਇੰਜੀਨੀਅਰਿੰਗ) ਅਤੇ ਲਾਡਲੀ (ਬੀ. ਟੈਕ ਸੀਐਸਈ ਛੇਵਾਂ ਸਮੈਸਟਰ) ਨੂੰ ਕ੍ਰਮਵਾਰ ਸ਼ਾਟਪੁੱਟ ਮੁੰਡਿਆਂ ਅਤੇ ਕੁੜੀਆਂ ਦੇ ਜੇਤੂ ਐਲਾਨਿਆ ਗਿਆ। ਕੁੜੀਆਂ ’ਚ ਰੱਸਾਕਸ਼ੀ ਦਾ ਮੁਕਾਬਲਾ ਪੈਰਾ ਮੈਡੀਕਲ ਸਾਇੰਸਜ਼ ਵਿਭਾਗ ਨੇ ਜਿੱਤਿਆ, ਜਦੋਂ ਕਿ ਇੰਜੀਨੀਅਰਿੰਗ ਵਿੰਗ ਨੇ ਲੜਕਿਆਂ ’ਚ ਰੱਸਾਕਸ਼ੀ ਦਾ ਮੁਕਾਬਲਾ ਜਿੱਤਿਆ। ਸੀ. ਈ. ਸਮੈਸਟਰ 6ਵੀਂ ਦੇ ਧਰੁਵ ਨੇ ਸ਼ਤਰੰਜ ਟੂਰਨਾਮੈਂਟ ਜਿੱਤਿਆ।
ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਮੁੰਡਿਆਂ ਦੇ ਬੈਡਮਿੰਟਨ ਟੂਰਨਾਮੈਂਟ ਦੇ ਜੇਤੂ ਉਸਮਾਨ (ਬੀ. ਐਸ. ਸੀ. ਆਰ. ਆਈ. ਟੀ. ਛੇਵਾਂ ਸਮੈਸਟਰ) ਅਤੇ ਬਾਸਿਤ (ਬੀ. ਐਸ.ਸੀ. ਐਮ.ਐਲ.ਐਸ ਛੇਵਾਂ ਸਮੈਸਟਰ) ਸਨ, ਜਦੋਂ ਕਿ ਕਰੁਣਿਕਸ਼ਾ (ਚੌਥਾ ਸਮੈਸਟਰ ਬੀ. ਐਸ.ਸੀ. ਸੀ.ਸੀ.ਟੀ.) ਅਤੇ ਕਨੀਕਸ਼ਾ (ਚੌਥਾ ਸਮੈਸਟਰ ਬੀ. ਐਸ.ਸੀ. ਆਪਟੋਮੈਟਰੀ) ਨੇ ਕੁੜੀਆਂ ਲਈ ਬੈਡਮਿੰਟਨ ਟੂਰਨਾਮੈਂਟ ਜਿੱਤਿਆ। ਟੇਬਲ ਟੈਨਿਸ ਟੂਰਨਾਮੈਂਟ ਅਨਮੋਲ ਸਿੰਘ (ਬੀ. ਐਸ. ਸੀ. ਆਰ. ਆਈ. ਟੀ. ਚੌਥਾ ਸਮੈਸਟਰ) ਨੇ ਜਿੱਤਿਆ ਅਤੇ ਵਾਲੀਬਾਲ ਟੂਰਨਾਮੈਂਟ ਕਾਲਜ ਦੇ ਪੈਰਾ ਮੈਡੀਕਲ ਵਿੰਗ ਨੇ ਜਿੱਤਿਆ। ਉਨ੍ਹਾਂ ਕਿਹਾ ਕਿ ਇਸ ਮੌਕੇ ਫੈਕਲਟੀ ਅਤੇ ਸਟਾਫ਼ ਮੈਂਬਰਾਂ ਲਈ ਖੇਡਾਂ ਵੀ ਸਨ, ਜਿਸ ’ਚ ਬੈਡਮਿੰਟਨ, ਸ਼ਾਟਪੁੱਟ, ਵਾਲੀਬਾਲ, 100 ਮੀਟਰ ਦੌੜ ਅਤੇ ਰੱਸਾਕਸ਼ੀ ਵਰਗੇ ਵੱਖ-ਵੱਖ ਮੁਕਾਬਲੇ ਸ਼ਾਮਿਲ ਸਨ। ਇਸ ਮੌਕੇ ਡਾ. ਮੰਜ਼ੂ ਬਾਲਾ ਨੇ ਵੱਖ-ਵੱਖ ਪ੍ਰੋਗਰਾਮਾਂ ਦੇ ਜੇਤੂਆਂ ਨੂੰ ਵਧਾਈ ਦਿੱਤੀ।