ਮਾਨਸਾ – ਸਿੱਖਿਆ ਵਿਭਾਗ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਰਾਮਦਿੱਤੇ ਵਾਲਾ ਵਿਖੇ ਪੜ੍ਹਾਉਂਦੇ ਈ.ਟੀ.ਟੀ. ਅਧਿਆਪਕ ਇਕਬਾਲ ਸੰਧੂ ਉੱਭਾ ਨੇ 1 ਮਈ ਮਜ਼ਦੂਰ ਦਿਵਸ ਨੂੰ ਸਮਰਪਿਤ 21 ਕਿਲੋਮੀਟਰ ਦੌੜ ਲਗਾਈ। ਇਹ ਦੌੜ ਉਸ ਨੇ ਮਾਨਸਾ ਤੋਂ ਸ਼ੁਰੂ ਕਰਕੇ ਛੋਟੀ, ਮਾਨਸਾ, ਖਿਆਲਾ, ਅਤਲਾ ਕਲਾਂ ਤੋਂ ਵਾਪਸੀ ਕਰਦੇ ਹੋਏ ਖਿਆਲਾ ਵਿਖੇ ਸਮਾਪਤੀ ਕੀਤੀ। ਦੌੜ ਨੂੰ ਪੂਰੀ ਕਰਨ ਵਿੱਚ ਸੁਰਸਿਮਰਨ ਸਟੂਡੀਉ ਦੇ ਮਿਊਜ਼ਕ ਡਾਇਰੈਕਟਰ ਦਾ ਅਹਿਮ ਰੋਲ ਰਿਹਾ। ਜਿੰਨ੍ਹਾਂ ਨੇ ਸਮੇਂ-ਸਮੇਂ ਤੇ ਅਥਲੀਟ ਨੂੰ ਪਾਣੀ ਆਦਿ ਦੇਣ ਦਾ ਧਿਆਨ ਰੱਖਿਆ। ਅਥਲੀਟ ਨੂੰ ਦੂਰੀ ਅਤੇ ਸਮੇਂ ਵਾਰੇ ਵੀ ਜਾਣਕਾਰੀ ਦਿੰਦੇ ਰਹੇ ਕਿਉਂਕਿ ਗਰਮੀ ਦੇ ਮੌਸਮ ਵਿੱਚ ਹਾਫ਼ ਮੈਰਾਥਨ ਲੰਬੀ ਦੌੜ ਲਗਾਉਣ ਨਾਲ ਡੀ-ਹਾਈਡ੍ਰੇਸ਼ਨ ਦਾ ਖਤਰਾ ਹੋ ਸਕਦਾ ਹੈ। ਇਕਬਾਲ ਸੰਧੂ ਉੱਭਾ ਦਾ ਕਹਿਣਾ ਹੈ ਕਿ ਨੌਜ਼ਵਾਨਾਂ ਨੂੰ ਵਿਸ਼ੇਸ਼ ਦਿਨਾਂ ਨੂੰ ਮਨਾਉਣ ਲਈ ਅਜਿਹੀਆਂ ਦੌੜਾਂ ਲਗਾਉਣੀਆਂ ਚਾਹੀਦੀਆਂ ਹਨ।
21 ਕਿਲੋਮੀਟਰ ਦੌੜ ਲਗਾ ਕੇ ਮਨਾਇਆ ਮਜ਼ਦੂਰ ਦਿਵਸ
