ਨਵੀਂ ਖੋਜ ਮੁਤਾਬਕ ਆਸਟ੍ਰੇਲੀਆ ਵਿੱਚ ਹੇਅ ਫੀਵਰ (Hay Fever) ਤੋਂ ਪੀੜਤ ਬਹੁਤ ਸਾਰੇ ਲੋਕਾਂ ਦੇ ਰੋਜ਼ਾਨਾ ਜੀਵਨ ’ਤੇ ਇਸ ਦੇ ਲੱਛਣਾਂ ਦਾ ਅਸਰ ਪੈ ਰਿਹਾ ਹੈ। ਕਈ ਲੋਕ ਲੱਛਣਾਂ ਕਾਰਨ ਆਪਣੀਆਂ ਰੋਜ਼ਾਨਾ ਦੀਆਂ ਗਤੀਵਿਧੀਆਂ, ਨੀਂਦ ਅਤੇ ਸਮਾਜਿਕ ਸਰਗਰਮੀਆਂ ਵਿੱਚ ਤਬਦੀਲੀ ਕਰ ਰਹੇ ਹਨ। CSL Seqirus ਵੱਲੋਂ ਕਰਵਾਏ ਗਏ ਨਵੇਂ YouGov ਸਰਵੇਖਣ ਅਨੁਸਾਰ, ਹੇਅ ਫੀਵਰ ਵਾਲੇ 84 ਫੀਸਦੀ ਆਸਟ੍ਰੇਲੀਅਨ ਲੋਕਾਂ ਦਾ ਕਹਿਣਾ ਹੈ ਕਿ ਲੱਛਣਾਂ ਕਾਰਨ ਉਹ ਆਪਣੇ ਵਿਹਾਰ ਜਾਂ ਰੋਜ਼ਾਨਾ ਦੇ ਕੰਮਾਂ ਵਿੱਚ ਬਦਲਾਅ ਕਰਦੇ ਹਨ। ਹੇਅ ਫੀਵਰ ਆਸਟ੍ਰੇਲੀਆ ਵਿੱਚ 60 ਲੱਖ ਤੋਂ ਵੱਧ ਲੋਕਾਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਬਸੰਤ ਰੁੱਤ ਸ਼ੁਰੂ ਹੋਣ ਨਾਲ ਇਸ ਦੇ ਲੱਛਣਾਂ ਤੋਂ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਮੁੜ ਵਧਣ ਦੀ ਸੰਭਾਵਨਾ ਹੈ।
ਸਰਵੇਖਣ ਵਿੱਚ ਸਾਹਮਣੇ ਆਇਆ ਕਿ:
- 28 ਫੀਸਦੀ ਲੋਕ ਹੇਅ ਫੀਵਰ ਕਾਰਨ ਬਾਹਰ ਸਮਾਂ ਬਿਤਾਉਣ ਤੋਂ ਬਚਦੇ ਹਨ।
- 25 ਫੀਸਦੀ ਲੋਕਾਂ ਦੀ ਨੀਂਦ ਪ੍ਰਭਾਵਿਤ ਹੁੰਦੀ ਹੈ।
- 20 ਫੀਸਦੀ ਲੋਕ ਬਾਹਰ ਕਸਰਤ ਕਰਨ ਤੋਂ ਪਰਹੇਜ਼ ਕਰਦੇ ਹਨ।
- 18 ਫੀਸਦੀ ਲੋਕ ਸਮਾਜਿਕ ਪ੍ਰੋਗਰਾਮ ਜਾਂ ਯੋਜਨਾਵਾਂ ਰੱਦ ਕਰ ਦਿੰਦੇ ਹਨ।
- 21 ਫੀਸਦੀ ਲੋਕ ਬਿਮਾਰ ਮਹਿਸੂਸ ਕਰਨ ਦੇ ਬਾਵਜੂਦ ਕੰਮ ਜਾਂ ਪੜ੍ਹਾਈ ਜਾਰੀ ਰੱਖਦੇ ਹਨ।
- 10 ਫੀਸਦੀ ਲੋਕ ਹੇਅ ਫੀਵਰ ਕਾਰਨ ਕੰਮ ਜਾਂ ਪੜ੍ਹਾਈ ਤੋਂ ਗੈਰਹਾਜ਼ਰ ਰਹਿੰਦੇ ਹਨ।
ਹੇਅ ਫੀਵਰ ਵਿੱਚ ਆਮ ਤੌਰ ’ਤੇ ਨੱਕ ਅਤੇ ਅੱਖਾਂ ਨਾਲ ਜੁੜੇ ਲੱਛਣ ਦੇਖਣ ਨੂੰ ਮਿਲਦੇ ਹਨ। ਪਰ ਖੋਜ ਮੁਤਾਬਕ ਇਸ ਦਾ ਅਸਰ ਸਿਰਫ਼ ਸਰੀਰਕ ਲੱਛਣਾਂ ਤੱਕ ਸੀਮਤ ਨਹੀਂ ਰਹਿੰਦਾ। ਸਿਰਫ਼ 7 ਫੀਸਦੀ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਲਈ ਹੇਅ ਫੀਵਰ ਦੇ ਲੱਛਣਾਂ ਨੂੰ ਕਾਬੂ ਕਰਨਾ ਆਸਾਨ ਹੈ। ਇਸ ਤੋਂ ਇਲਾਵਾ, ਦਵਾਈ ਲੈ ਰਹੇ ਲੋਕਾਂ ਵਿੱਚੋਂ 66 ਫੀਸਦੀ, ਯਾਨੀ ਲਗਭਗ ਹਰ ਤਿੰਨ ਵਿੱਚੋਂ ਦੋ ਲੋਕਾਂ ਨੇ ਕਿਹਾ ਕਿ ਲੱਛਣ ਘੱਟੋ-ਘੱਟ ਕਦੇ-ਕਦੇ ਉਨ੍ਹਾਂ ਦੇ ਰੋਜ਼ਾਨਾ ਜੀਵਨ ਵਿੱਚ ਰੁਕਾਵਟ ਪਾਉਂਦੇ ਹਨ। ਮਾਹਿਰਾਂ ਨੇ ਆਸਟ੍ਰੇਲੀਅਨ ਲੋਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਇਹ ਦੇਖਣ ਕਿ ਉਨ੍ਹਾਂ ਵੱਲੋਂ ਵਰਤਿਆ ਜਾ ਰਿਹਾ ਮੌਜੂਦਾ ਇਲਾਜ ਅਜੇ ਵੀ ਉਨ੍ਹਾਂ ਲਈ ਢੁੱਕਵਾਂ ਹੈ ਜਾਂ ਨਹੀਂ।
Allergy & Anaphylaxis Australia ਦੀ ਮੁੱਖ ਕਾਰਜਕਾਰੀ ਅਧਿਕਾਰੀ ਸਾਰਾਹ ਐਮਰੀ ਨੇ ਕਿਹਾ ਕਿ ਇਹ ਨਤੀਜੇ ਹਰ ਸਾਲ ਹੇਅ ਫੀਵਰ ਦਾ ਸਾਹਮਣਾ ਕਰਨ ਵਾਲੇ ਲੋਕਾਂ ਦੀ ਅਸਲ ਸਥਿਤੀ ਨੂੰ ਦਰਸਾਉਂਦੇ ਹਨ। ਉਨ੍ਹਾਂ ਕਿਹਾ ਕਿ ਕਈ ਲੋਕ ਹੇਅ ਫੀਵਰ ਦੇ ਅਨੁਸਾਰ ਆਪਣੀ ਜ਼ਿੰਦਗੀ ਬਦਲ ਲੈਂਦੇ ਹਨ, ਜਦਕਿ ਉਨ੍ਹਾਂ ਨੂੰ ਆਪਣੇ ਲਗਾਤਾਰ ਰਹਿਣ ਵਾਲੇ ਲੱਛਣਾਂ ਬਾਰੇ ਸਿਹਤ ਮਾਹਿਰ ਨਾਲ ਗੱਲ ਕਰਨੀ ਚਾਹੀਦੀ ਹੈ। ਉਨ੍ਹਾਂ ਮੁਤਾਬਕ ਹੇਅ ਫੀਵਰ ਨੂੰ ਕਾਬੂ ਕਰਨ ਦੇ ਵੱਖ-ਵੱਖ ਤਰੀਕੇ ਮੌਜੂਦ ਹਨ ਅਤੇ ਸਹੀ ਇਲਾਜ ਵਿਅਕਤੀ ਦੇ ਲੱਛਣਾਂ ਅਤੇ ਹਾਲਾਤ ’ਤੇ ਨਿਰਭਰ ਕਰਦਾ ਹੈ।
ਇਸ ਦੌਰਾਨ Ryaltris Allergy, ਜੋ ਪਹਿਲਾਂ ਸਿਰਫ਼ ਡਾਕਟਰ ਦੀ ਪ੍ਰਿਸਕ੍ਰਿਪਸ਼ਨ ਰਾਹੀਂ ਮਿਲਦੀ ਸੀ, ਹੁਣ ਆਸਟ੍ਰੇਲੀਆ ਦੀਆਂ ਫਾਰਮੇਸੀਆਂ ਵਿੱਚ ਓਵਰ-ਦ-ਕਾਊਂਟਰ (OTC) ਉਪਲਬਧ ਕਰਵਾਈ ਗਈ ਹੈ।
CSL Seqirus ਦੀ APAC Head of Medical Affairs ਕਲੇਅਰ ਮੋਰਗਨ ਨੇ ਕਿਹਾ ਕਿ Ryaltris Allergy ਨੂੰ ਬਿਨਾਂ ਪ੍ਰਿਸਕ੍ਰਿਪਸ਼ਨ ਉਪਲਬਧ ਕਰਵਾਉਣਾ ਹੇਅ ਫੀਵਰ ਦੇ ਇਲਾਜ ਤੱਕ ਲੋਕਾਂ ਦੀ ਪਹੁੰਚ ਵਧਾਉਣ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਹੇਅ ਫੀਵਰ ਦੇ ਲੱਛਣਾਂ ਵਾਲੇ ਆਸਟ੍ਰੇਲੀਆਈ ਲੋਕਾਂ ਕੋਲ ਇੱਕ ਹੋਰ ਇਲਾਜ ਵਿਕਲਪ ਹੈ, ਜਿਸ ਬਾਰੇ ਉਹ ਆਪਣੇ ਫਾਰਮਾਸਿਸਟ ਨਾਲ ਗੱਲ ਕਰ ਸਕਦੇ ਹਨ।
ਹਾਥੌਰਨ ਵਿੱਚ TerryWhite Chemmart ਦੇ ਕਮਿਊਨਿਟੀ ਫਾਰਮਾਸਿਸਟ ਅਤੇ ਮਾਲਕ ਐਂਡਰਿਊ ਫਾਰਮਰ ਨੇ ਕਿਹਾ ਕਿ ਹਰ ਬਸੰਤ ਵਿੱਚ ਉਹ ਅਜਿਹੇ ਮਰੀਜ਼ਾਂ ਨਾਲ ਗੱਲ ਕਰਦੇ ਹਨ ਜੋ ਹੇਅ ਫੀਵਰ ਕਾਰਨ ਪ੍ਰਭਾਵਿਤ ਹੁੰਦੇ ਹਨ।ਉਨ੍ਹਾਂ ਕਿਹਾ ਕਿ ਜੇਕਰ ਹੇਅ ਫੀਵਰ ਕਾਰਨ ਕਿਸੇ ਵਿਅਕਤੀ ਦੀ ਨੀਂਦ, ਕੰਮ ਜਾਂ ਬਾਹਰ ਜਾਣ-ਫਿਰਣ ਦੀ ਸਮਰੱਥਾ ਪ੍ਰਭਾਵਿਤ ਹੋ ਰਹੀ ਹੈ, ਤਾਂ ਉਸ ਨੂੰ ਆਪਣੇ ਫਾਰਮਾਸਿਸਟ ਜਾਂ ਜੀਪੀ ਨਾਲ ਗੱਲ ਕਰਨੀ ਚਾਹੀਦੀ ਹੈ।
Ryaltris Allergy ਹੁਣ ਦੇਸ਼ ਭਰ ਦੀਆਂ ਜ਼ਿਆਦਾਤਰ ਵੱਡੀਆਂ ਫਾਰਮੇਸੀਆਂ ਵਿੱਚ ਬਿਨਾਂ ਪ੍ਰਿਸਕ੍ਰਿਪਸ਼ਨ ਉਪਲਬਧ ਹੈ।