Pfizer ਕੋਰੋਨਾ ਵੈਕਸੀਨ 5 ਤੋਂ 11 ਸਾਲ ਤਕ ਦੇ ਬੱਚਿਆਂ ਲਈ ਸੁਰੱਖਿਅਤ : ਕਲੀਨਿਕਲ ਟਰਾਇਲ ਰਿਜ਼ਲਟ

ਫ੍ਰੇਂਕਪਰਟ – Pfizer ਤੇ BioNTech ਨੇ ਕਿਹਾ ਹੈ ਕਿ ਕਲੀਨਿਕਲ ਟਰਾਇਲ ਰਿਜ਼ਲਟ ਤੋਂ ਪਤਾ ਚੱਲਿਆ ਹੈ ਕਿ ਉਨ੍ਹਾਂ ਦਾ ਕੋਰੋਨਾ ਵੈਕਸੀਨ ਪੰਜ ਤੋਂ 11 ਸਾਲ ਤਕ ਦੇ ਬੱਚਿਆਂ ਲਈ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ ਤੇ ਇਸ ਨਾਲ ਬੱਚਿਆਂ ‘ਚ ਇਮਿਊਨਿਟੀ ਵਧੀ ਹੈ। ਕੰਪਨੀਆਂ ਨੇ ਕਿਹਾ ਕਿ ਉਹ ਜਲਦ ਹੀ ਵੈਕਸੀਨ ਲਈ ਮਨਜ਼ੂਰੀ ਦੀ ਮੰਗ ਰੈਗੂਲੇਟਰੀ ਬਾਡੀ ਦੇ ਸਾਹਮਣੇ ਕਰਨਗੇ। ਕੰਪਨੀ ਵੱਲੋਂ ਜਾਰੀ ਇਕ ਬਿਆਨ ‘ਚ ਕਿਹਾ ਗਿਆ ਹੈ ਕਿ 12 ਸਾਲ ਜਾਂ ਇਸ ਤੋਂ ਜ਼ਿਆਦਾ ਉਮਰ ਦੀ ਤੁਲਨਾ ‘ਚ ਇਸ ਵੈਕਸੀਨ ਦੀ ਮੁਕਾਬਲੇ ਘੱਟ ਡੋਜ਼ ਬੱਚਿਆਂ ਨੂੰ ਦਿੱਤੀ ਜਾਵੇਗੀ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਯੂਰਪੀ ਯੂਨੀਅਨ, ਅਮਰੀਕਾ ਤੇ ਵਿਸ਼ਵ ‘ਚ ਆਪਣਾ ਡਾਟਾ ਜਲਦ ਤੋਂ ਜਲਦ ਰੈਗੂਲਰ ਸੰਸਥਾ ਦੇ ਸਾਹਮਣੇ ਪੇਸ਼ ਕਰਨਗੇ। ਜ਼ਿਕਰਯੋਗ ਹੈ ਕਿ Pfizer ਤੇ Moderna ਪਹਿਲਾਂ ਤੋਂ ਹੀ ਦੁਨੀਆਭਰ ਦੇ ਦੇਸ਼ਾਂ ‘ਚ 12 ਸਾਲ ਤੋਂ ਜ਼ਿਆਦਾ ਉਮਰ ਦੇ ਕਿਸ਼ੋਰਾਂ ਤੇ ਬਾਲਗ ਨੂੰ ਲਾਏ ਜਾ ਰਹੇ ਹਨ ਹਾਲਾਂਕਿ ਬੱਚਿਆਂ ‘ਚ ਗੰਭੀਰ ਕੋਵਿਡ ਦਾ ਬੇਹੱਦ ਘੱਟ ਜ਼ੋਖਮ ਮੰਨਿਆ ਜਾਂਦਾ ਹੈ ਪਰ ਹਾਲ ਦੇ ਸਮੇਂ ‘ਚ ਕੋਰੋਨਾ ਵਾਇਰਸ ਦੇ ਬਹੁਤ ਜ਼ਿਆਦਾ ਹਮਲਾਵਰ ਡੈਲਟਾ ਵੇਰੀਐਂਟ ਨੇ ਚਿੰਤਾ ਵਧਾਈ ਹੈ। ਬੱਚਿਆਂ ਦੇ ਟੀਕਾਕਰਨ ਨੂੰ ਸਕੂਲਾਂ ਨੂੰ ਖੋਲ੍ਹਣ ਤੇ ਇਨ੍ਹਾਂ ‘ਚ ਮਹਾਮਾਰੀ ਨੂੰ ਕੰਟਰੋਲ ਕਰਨ ਦੇ ਲਿਹਾਜ਼ ਤੋਂ ਅਹਿਮ ਮੰਨਿਆ ਜਾ ਰਿਹਾ ਹੈ। Pfizer ਦੇ ਸੀਈਓ ਅਲਬਰਟ ਬੋਲਰਾ ਨੇ ਕਿਹਾ, ਅਸੀਂ ਇਸ ਨੌਜਵਾਨ ਆਬਾਦੀ ਲਈ ਵੈਕਸੀਨ ਦੇ ਸੁਰੱਖਿਆ ਦਾ ਦਾਇਰਾ ਬਣਾਉਣ ਲਈ ਬੇਤਾਬ ਹੈ। ਜੁਲਾਈ ਮਹੀਨੇ ਤੋਂ ਬੱਚਿਆਂ ‘ਚ ਕੋਵਿਡ-19 ਦੇ ਕੇਸਾਂ ‘ਚ ਕਰੀਬ 240 ਫੀਸਦੀ ਦਾ ਇਜ਼ਾਫਾ ਹੋਇਆ ਹੈ।