ਐਸ਼ਵਰਿਆ ਨੇ ਟੁੱਟੇ ਹੱਥ ਨਾਲ ‘ਕਾਨਸ’ ਦੀ ਰੈਡ ਕਾਰਪੇਟ ‘’ਤੇ ਕੀਤੀ ਗ੍ਰੈਂਡ ਐਂਟਰੀ, ਤਿੱਤਲੀ ਬਣ ਕੇ ਲੁੱਟੀ ਮਹਿਫ਼ਿਲ

ਫਰਾਂਸ – ਐਸ਼ਵਰਿਆ ਰਾਏ ਬੱਚਨ ਕਾਨਸ 2024 ਅਟੇਂਡ ਕਰਨ ਫਰਾਂਸ ਪੁੱਜੀ। ਐਸ਼ਵਰਿਆ ਪਹਿਲੀ ਵਾਰ ਰੈੱਡ ਕਾਰਪੇਟ ‘’ਤੇ ਬਲੈਕ ਗਾਊਨ ‘’ਚ ਦਿਖੀ। ਹੱਥ ‘’ਤੇ ਸੱਟ ਲੱਗਣ ਦੇ ਬਾਵਜੂਦ ਉਨ੍ਹਾਂ ਨੇ ਖੂਬਸੂਰਤ ਵਾਕ ਕੀਤਾ। ਗਾਊਨ ਕੈਰੀ ਕਰਨ ਲਈ ਉਨ੍ਹਾਂ ਦੀ ਬੇਟੀ ਦੇ ਇਲਾਵਾ 4 ਲੋਕਾਂ ਦੀ ਟੀਮ ਲੱਗੀ। ਐਸ਼ਵਰਿਆ ਦੇ ਆਊਟਫਿੱਟ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਬਲੈਕ ਅਤੇ ਗੋਲਡਨ ਆਫ ਸ਼ੋਲਡਰ ਗਾਊਨ ਪਾਇਆ ਹੋਇਆ ਸੀ, ਜਿਸ ਨਾਲ ਗੋਲਡਨ ਰੰਗ ਦਾ ਸ਼ਿੰਗਾਰ ਕੀਤਾ ਸੀ।ਐਸ਼ਵਰਿਆ ਨੇ ਆਪਣਾ ਮੇਕਅੱਪ ਘੱਟ ਰੱਖਿਆ ਅਤੇ ਵੱਡੇ ਗੋਲਡਨ ਰੰਗ ਦੇ ਹੂਪਸ ਨਾਲ ਆਪਣੀ ਲੁੱਕ ਨੂੰ ਪੂਰਾ ਕੀਤਾ ਹੋਇਆ ਸੀ।ਉਨ੍ਹਾਂ ਨੇ ਇੱਕ ਚਿੱਟੇ ਸ਼ਰੱਗ ਦੇ ਨਾਲ ਇੱਕ ਕਾਲਾ ਮੋਨੋਕ੍ਰੋਮੈਟਿਕ ਡਰੈੱਸ ਪੇਅਰ ਕੀਤਾ ਹੋਇਆ ਸੀ। ਇਸ ਡਰੈੱਸ ਨੂੰ ਫਾਲਗੁਨੀ ਅਤੇ ਸ਼ੇਨ ਦੀ ਡਿਜ਼ਾਈਨਰ ਜੋੜੀ ਨੇ ਡਿਜ਼ਾਈਨ ਕੀਤਾ ਹੈ।ਐਸ਼ਵਰਿਆ ਅਤੇ ਉਨ੍ਹਾਂ ਦੀ ਬੇਟੀ ਅਰਾਧਿਆ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘’ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ‘’ਚ ਅਰਾਧਿਆ ਉਨ੍ਹਾਂ ਦਾ ਸਾਥ ਦਿੰਦੀ ਨਜ਼ਰ ਆ ਰਹੀ ਹੈ।ਆਪਣੀ ਮਾਂ ਨੂੰ ਇਸ ਤਰ੍ਹਾਂ ਸਪੋਰਟ ਕਰਦੇ ਦੇਖ ਯੂਜ਼ਰਸ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ।ਇੱਕ ਆਮ ਸਟਾਈਲਿਸ਼ ਕਾਲਾ ਟਰੈਕਸੂਟ ਪਹਿਨੇ, ਅਰਾਧਿਆ ਹਰ ਸਮੇਂ ਆਪਣੀ ਮਾਂ ਦੇ ਨਾਲ ਰਹੀ ਅਤੇ ਹੋਟਲ ਤੋਂ ਲੈ ਕੇ ਕਾਰ ਤੱਕ ਉਨ੍ਹਾਂ ਦਾ ਹੱਥ ਥਾਮੇ ਨਜ਼ਰ ਆਈ।