1991 ਵਿੱਚ ਯੂਕਰੇਨ ਦੇ ਸੋਵੀਅਤ ਗਣਰਾਜ ਦੇ ਨੇਤਾ ਲਿਓਨਿਡ ਕ੍ਰਾਵਚੁਕ ਨੇ ਸੋਵੀਅਤ ਗਣਰਾਜ ਤੋਂ ਆਜ਼ਾਦੀ ਦਾ ਐਲਾਨ ਕੀਤਾ। ਕ੍ਰਾਵਚੁਕ ਨੂੰ ਪ੍ਰਧਾਨ ਚੁਣਿਆ ਗਿਆ। 1994 ਵਿੱਚ ਲਿਓਨਿਡ ਕੁਚਾਮਾ ਨੇ ਰਾਸ਼ਟਰਪਤੀ ਚੋਣ ਵਿੱਚ ਕ੍ਰਾਵਚੁਕ ਨੂੰ ਹਰਾਇਆ। 1999 ਵਿੱਚ ਕੁਚਾਮਾ ਨੂੰ ਬੇਨਿਯਮੀਆਂ ਦੇ ਦੋਸ਼ਾਂ ਦੇ ਵਿਚਕਾਰ ਦੁਬਾਰਾ ਰਾਸ਼ਟਰਪਤੀ ਚੁਣਿਆ ਗਿਆ। 2004 ਵਿੱਚ ਰੂਸ ਪੱਖੀ ਵਿਕਟਰ ਯਾਨੁਕੋਵਿਚ ਰਾਸ਼ਟਰਪਤੀ ਚੁਣੇ ਗਏ, ਪਰ ਧਾਂਦਲੀ ਦੇ ਦੋਸ਼ਾਂ ਤੋਂ ਬਾਅਦ ਮੁੜ ਚੋਣਾਂ ਕਰਵਾਈਆਂ ਗਈਆਂ। ਸਾਬਕਾ ਪੱਛਮ ਪੱਖੀ ਪ੍ਰਧਾਨ ਮੰਤਰੀ ਵਿਕਟਰ ਯੁਸ਼ਚੇਂਕੋ ਨੂੰ ਰਾਸ਼ਟਰਪਤੀ ਚੁਣਿਆ ਗਿਆ। 2005 ਵਿੱਚ ਯੂਸ਼ਚੇਂਕੋ ਨੇ ਸੱਤਾ ਸੰਭਾਲੀ ਅਤੇ ਯੂਕਰੇਨ ਨੂੰ ਕ੍ਰੇਮਲਿਨ ਦੇ ਪ੍ਰਭਾਵ ਤੋਂ ਹਟਾਉਣ ਅਤੇ ਨਾਟੋ ਅਤੇ ਯੂਰਪੀਅਨ ਯੂਨੀਅਨ ਵਿੱਚ ਜਾਣ ਦਾ ਵਾਅਦਾ ਕੀਤਾ।2008 ਵਿੱਚ ਨਾਟੋ ਨੇ ਵਾਅਦਾ ਕੀਤਾ ਕਿ ਯੂਕ੍ਰੇਨ ਇੱਕ ਦਿਨ ਗੱਠਜੋੜ ਦਾ ਮੈਂਬਰ ਹੋਵੇਗਾ। 2010 ਵਿੱਚ ਯਾਨੁਕੋਵਿਚ ਨੇ ਰਾਸ਼ਟਰਪਤੀ ਚੋਣ ਵਿੱਚ ਟਿਮੋਸ਼ੈਂਕੋ ਨੂੰ ਹਰਾਇਆ। ਯੂਕਰੇਨ ਦੇ ਕਾਲੇ ਸਾਗਰ ਬੰਦਰਗਾਹ ਵਿੱਚ ਰੂਸੀ ਜਲ ਸੈਨਾ ਨੂੰ ਲੀਜ਼ ਦੇਣ ਦੇ ਬਦਲੇ ਵਿੱਚ ਦੋਵਾਂ ਦੇਸ਼ਾਂ ਵਿਚਾਲੇ ਗੈਸ ਕੀਮਤ ਸਮਝੌਤਾ ਹੋਇਆ ਸੀ। 2013 ਵਿੱਚ ਯਾਨੁਕੋਵਿਚ ਸਰਕਾਰ ਨੇ ਯੂਰਪੀਅਨ ਯੂਨੀਅਨ ਨਾਲ ਵਪਾਰਕ ਗੱਲਬਾਤ ਨੂੰ ਮੁਅੱਤਲ ਕਰ ਦਿੱਤਾ ਅਤੇ ਮਾਸਕੋ ਨਾਲ ਆਰਥਿਕ ਸਬੰਧਾਂ ਨੂੰ ਬਹਾਲ ਕਰਨ ਦੀ ਚੋਣ ਕੀਤੀ।
2014 ਵਿੱਚ ਸੰਸਦ ਨੇ ਹਿੰਸਕ ਪ੍ਰਦਰਸ਼ਨਾਂ ਤੋਂ ਬਾਅਦ ਯਾਨੁਕੋਵਿਚ ਨੂੰ ਹਟਾ ਦਿੱਤਾ। ਰੂਸ ਸਮਰਥਿਤ ਵੱਖਵਾਦੀਆਂ ਨੇ ਡੋਨਬਾਸ ਦੇ ਪੂਰਬੀ ਖੇਤਰ ਵਿੱਚ ਆਜ਼ਾਦੀ ਦਾ ਐਲਾਨ ਕੀਤਾ ਹੈ। ਪੱਛਮ ਦੇ ਸਮਰਥਨ ਵਾਲੇ ਏਜੰਡੇ ਨਾਲ ਵਪਾਰੀ ਪੈਟਰੋ ਪੋਰੋਸ਼ੈਂਕੋ ਨੇ ਰਾਸ਼ਟਰਪਤੀ ਚੋਣ ਜਿੱਤੀ। ਉਸੇ ਸਾਲ, ਐਮਸਟਰਡਮ ਤੋਂ ਕੁਆਲਾਲੰਪੁਰ ਜਾ ਰਹੇ ਇੱਕ ਯਾਤਰੀ ਜਹਾਜ਼ MH17 EN ਨੂੰ ਮਿਜ਼ਾਈਲ ਨਾਲ ਮਾਰਿਆ ਗਿਆ ਸੀ। ਜਾਂਚਕਰਤਾਵਾਂ ਨੇ ਰੂਸ ਵੱਲ ਉਂਗਲ ਉਠਾਈ, ਪਰ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ। 2017 ਵਿੱਚ ਯੂਕਰੇਨ ਅਤੇ ਯੂਰਪੀਅਨ ਯੂਨੀਅਨ ਵਿਚਕਾਰ ਐਸੋਸੀਏਸ਼ਨ ਸਮਝੌਤਾ ਹੋਇਆ। ਇਸ ਨਾਲ ਵਸਤੂਆਂ ਅਤੇ ਸੇਵਾਵਾਂ ਦੇ ਮੁਫਤ ਵਪਾਰ ਲਈ ਬਾਜ਼ਾਰ ਖੁੱਲ੍ਹ ਗਏ ਅਤੇ ਵੀਜ਼ਾ-ਮੁਕਤ ਯਾਤਰਾ ਸੰਭਵ ਹੋ ਗਈ। ਸਾਬਕਾ ਕਾਮੇਡੀਅਨ ਵਲਦੀਮੀਰ ਜ਼ੇਲੇਨਸਕੀ ਨੇ ਰਾਸ਼ਟਰਪਤੀ ਚੋਣ ਵਿੱਚ ਪੋਰੋਸ਼ੈਂਕੋ ਨੂੰ ਹਰਾਇਆ ਸੀ। ਵਲਦੀਮੀਰ ਜ਼ੇਲੇਨਸਕੀ ਨੇ ਪੂਰਬੀ ਯੂਕਰੇਨ ਵਿੱਚ ਜੰਗ ਨੂੰ ਖਤਮ ਕਰਨ ਦਾ ਵਾਅਦਾ ਕੀਤਾ। ਜਨਵਰੀ 2021 ਵਲਦੀਮੀਰ ਜ਼ੇਲੇਨਸਕੀ ਜ਼ੇਲੇਨਸਕੀ ਨੇ ਬਾਇਡਨ ਨੂੰ ਯੂਕਰੇਨ ਨੂੰ ਨਾਟੋ ਵਿੱਚ ਸ਼ਾਮਲ ਹੋਣ ਦੀ ਆਗਿਆ ਦੇਣ ਦੀ ਅਪੀਲ ਕੀਤੀ। ਫਰਵਰੀ 2021ਵਿੱਚ ਜ਼ੇਲੇਨਸਕੀ ਸਰਕਾਰ ਨੇ ਯੂਕਰੇਨ ਵਿੱਚ ਕ੍ਰੇਮਲਿਨ ਪੱਖੀ ਵਿਰੋਧੀ ਧਿਰ ਦੇ ਨੇਤਾ ਵਿਕਟਰ ਮੇਦਮੇਦਚੁਕ ਉੱਤੇ ਪਾਬੰਦੀਆਂ ਲਾਈਆਂ। ਰੂਸ ਨੇ ਯੂਕ੍ਰੇਨ ਦੀ ਸਰਹੱਦ ‘ਤੇ ਫੌਜੀ ਗਤੀਸ਼ੀਲਤਾ ਵਧਾ ਦਿੱਤੀ ਹੈ।
ਅਕਤੂਬਰ 2021 ਵਿੱਚ ਯੂਕਰੇਨ ਨੇ ਪਹਿਲੀ ਵਾਰ ਪੂਰਬੀ ਸਰਹੱਦ ‘ਤੇ ਤੁਰਕੀ ਬਰਕਟਰ TB2 ਡਰੋਨ ਦੀ ਵਰਤੋਂ ਕੀਤੀ। ਰੂਸ ਨਾਰਾਜ਼ ਹੋਇਆ ਤੇ ਫਿਰ ਫੌਜ ਨੂੰ ਜਮ੍ਹਾਂ ਕਰਨਾ ਵਧਣ ਲੱਗਾ। ਦਸੰਬਰ 2021ਵਿੱਚ ਬਾਇਡਨ ਨੇ ਯੂਕਰੇਨ ਦੇ ਹਮਲੇ ਦੀ ਸਥਿਤੀ ਵਿੱਚ ਰੂਸ ਨੂੰ ਆਰਥਿਕ ਪਾਬੰਦੀਆਂ ਦੀ ਚਿਤਾਵਨੀ ਦਿੱਤੀ। ਜਨਵਰੀ 2022 ਵਿੱਚ ਯੂਐਸ ਅਤੇ ਰੂਸੀ ਡਿਪਲੋਮੈਟ ਯੂਕਰੇਨ ਨੂੰ ਲੈ ਕੇ ਮਤਭੇਦਾਂ ਨੂੰ ਘੱਟ ਕਰਨ ਵਿੱਚ ਅਸਫਲ ਰਹੇ। ਰੂਸੀ ਫ਼ੌਜਾਂ ਬੇਲਾਰੂਸ ਪਹੁੰਚਣ ਲੱਗ ਪਈਆਂ। ਲਗਾਤਾਰ ਤਣਾਅ ਵਧ ਰਿਹਾ ਹੈ। ਫਰਵਰੀ 2022 ਵਿੱਚ ਤਣਾਅ ਘਟਾਉਣ ਲਈ ਗਲੋਬਲ ਪੱਧਰ ‘ਤੇ ਕੂਟਨੀਤਕ ਯਤਨ। ਰੂਸ ਨੇ ਯੂਕਰੇਨ ਦੇ ਕੁਝ ਹਿੱਸਿਆਂ, ਡੋਨੇਟਸਕ ਅਤੇ ਲੁਹਾਨਸਕ ਨੂੰ ਵੱਖਰੇ ਦੇਸ਼ਾਂ ਵਜੋਂ ਮਾਨਤਾ ਦਿੱਤੀ।