ਨਾਗਪੁਰ-ਮੁੰਬਈ ਰੂਟ ਉਪਰ ਵੀ ਦੌੜੇਗੀ ਬੁਲੇਟ ਟਰੇਨ !

ਰੇਲਵੇ ਮੁਤਾਬਕ ਜੇਕਰ ਮਹਾਰਾਸ਼ਟਰ ਸਰਕਾਰ ਅਤੇ ਅਹਿਮਦਾਬਾਦ ਰੂਟ ਦੀ ਮਦਦ ਨਾਲ ਕੋਈ ਸਮੱਸਿਆ ਨਹੀਂ ਆਉਂਦੀ ਤਾਂ ਸਾਲ 2024 ‘ਚ ਹੋਣ ਵਾਲੀਆਂ ਆਮ ਚੋਣਾਂ ਤਕ ਇਸ ਰੂਟ ਦਾ ਨਿਰਮਾਣ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਦਰਅਸਲ ਫਰਵਰੀ ਦੇ ਅੰਤ ਤਕ ਨਾਗਪੁਰ-ਮੁੰਬਈ ਬੁਲੇਟ ਟਰੇਨ ਰੂਟ ਦਾ ਡੀਪੀਆਰ ਤਿਆਰ ਹੋ ਜਾਵੇਗਾ। ਇਸ ਲਈ ਲੋੜੀਂਦੀ 70 ਫੀਸਦੀ ਜ਼ਮੀਨ ਪਹਿਲਾਂ ਹੀ ਉਪਲਬਧ ਹੈ। ਸਿਰਫ਼ 30 ਫ਼ੀਸਦੀ ਜ਼ਮੀਨ ਐਕੁਆਇਰ ਕੀਤੀ ਜਾਣੀ ਹੈ। ਬੁਲੇਟ ਟਰੇਨ ਦੇ ਸ਼ੁਰੂ ਹੋਣ ਨਾਲ ਨਾਗਪੁਰ ਤੋਂ ਮੁੰਬਈ ਤੱਕ ਦੀ ਇਹ 12 ਘੰਟੇ ਦੀ ਦੂਰੀ ਸਿਰਫ 3.5 ਘੰਟਿਆਂ ਵਿੱਚ ਤੈਅ ਕੀਤੀ ਜਾ ਸਕੇਗੀ।

ਰੇਲ ਰਾਜ ਮੰਤਰੀ ਰਾਓ ਸਾਹੇਬ ਦਾਨਵੇ ਮੁਤਾਬਕ ਮੁੰਬਈ ਤੋਂ ਨਾਗਪੁਰ ਵਿਚਕਾਰ 766 ਕਿਲੋਮੀਟਰ ਦੀ ਦੂਰੀ ‘ਤੇ ਬੁਲੇਟ ਟਰੇਨ ਦੇ ਰੂਟ ਦਾ ਡੀਪੀਆਰ ਤਿਆਰ ਕੀਤਾ ਜਾ ਰਿਹਾ ਹੈ। ਫਰਵਰੀ ਦੇ ਅੰਤ ਤਕ ਡੀਪੀਆਰ ਤਿਆਰ ਹੋਣ ਦੀ ਸੰਭਾਵਨਾ ਹੈ। ਉਨ੍ਹਾਂ ਕਿਹਾ ਕਿ ਨਾਗਪੁਰ ਅਤੇ ਇਗਤਪੁਰੀ ਵਿਚਕਾਰ ਜ਼ਮੀਨ ਐਕੁਆਇਰ ਕਰਨ ਦੀ ਕੋਈ ਲੋੜ ਨਹੀਂ ਹੋਵੇਗੀ। ਜ਼ਮੀਨ ਐਕਵਾਇਰ ਸਿਰਫ਼ ਇਗਤਪੁਰੀ ਤੋਂ ਮੁੰਬਈ ਵਿਚਕਾਰ ਹੀ ਕੀਤੀ ਜਾਵੇਗੀ। ਜਿਸ ਖੇਤਰ ਵਿੱਚ ਜ਼ਮੀਨ ਐਕੁਆਇਰ ਕੀਤੀ ਜਾਣੀ ਹੈ, ਉਸ ਵਿੱਚ ਘੱਟੋ-ਘੱਟ ਜ਼ਮੀਨ ਲਈ ਜਾਵੇਗੀ। ਇਸ ਹਿੱਸੇ ਵਿੱਚ ਬੁਲੇਟ ਟਰੇਨ ਦੇ ਜ਼ਿਆਦਾਤਰ ਰੂਟ ਐਲੀਵੇਟਿਡ ਹੋਣਗੇ। ਇਸ ਰੂਟ ‘ਤੇ ਬੁਲੇਟ ਟਰੇਨ ਦੀ ਵੱਧ ਤੋਂ ਵੱਧ ਸਪੀਡ 350 ਕਿਲੋਮੀਟਰ ਪ੍ਰਤੀ ਘੰਟਾ ਹੋਵੇਗੀ।

ਰੇਲ ਮੰਤਰਾਲੇ ਨੇ 7 ਹਾਈ ਸਪੀਡ ਰੇਲ (ਬੁਲੇਟ ਟ੍ਰੇਨ) ਕੋਰੀਡੋਰਸ- ਦਿੱਲੀ-ਵਾਰਾਣਸੀ, ਮੁੰਬਈ-ਨਾਗਪੁਰ, ਦਿੱਲੀ-ਅਹਿਮਦਾਬਾਦ, ਮੁੰਬਈ-ਹੈਦਰਾਬਾਦ, ਚੇਨਈ-ਬੈਂਗਲੁਰੂ-ਮੈਸੂਰ, ਵਾਰਾਣਸੀ-ਹਾਵੜਾ ਲਈ ਸਰਵੇਖਣ ਕੀਤਾ ਹੈ। ਅਤੇ ਦਿੱਲੀ-ਅੰਮ੍ਰਿਤਸਰ ਦੀ ਵਿਸਤ੍ਰਿਤ ਪ੍ਰੋਜੈਕਟ ਰਿਪੋਰਟ ਤਿਆਰ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਗੁਜਰਾਤ ਖੇਤਰ ‘ਚ ਅਹਿਮਦਾਬਾਦ ਤੋਂ ਮੁੰਬਈ ਬੁਲੇਟ ਟਰੇਨ ਰੂਟ ਦਾ ਨਿਰਮਾਣ ਪੂਰੇ ਜ਼ੋਰਾਂ ‘ਤੇ ਚੱਲ ਰਿਹਾ ਹੈ। ਗੁਜਰਾਤ ‘ਚ ਬੁਲੇਟ ਟਰੇਨ ਲਈ ਜ਼ਮੀਨ ਐਕਵਾਇਰ ਦਾ ਜ਼ਿਆਦਾਤਰ ਕੰਮ ਪੂਰਾ ਹੋ ਚੁੱਕਾ ਹੈ, ਮਹਾਰਾਸ਼ਟਰ ‘ਚ ਇਹ ਲੰਬਿਤ ਹੈ।

ਰੇਲ ਮੰਤਰੀ ਮੁਤਾਬਕ ਦੇਸ਼ ਵਿੱਚ ਬੁਲੇਟ ਟਰੇਨ ਲਈ 7 ਰੂਟ ਤੈਅ ਕੀਤੇ ਗਏ ਹਨ। ਇਨ੍ਹਾਂ ਵਿੱਚ ਮੁੰਬਈ-ਅਹਿਮਦਾਬਾਦ ਦੇ ਨਾਲ-ਨਾਲ ਦਿੱਲੀ-ਨੋਇਡਾ-ਆਗਰਾ-ਲਖਨਊ-ਵਾਰਾਨਸੀ (865 ਕਿਲੋਮੀਟਰ) ਅਤੇ ਦਿੱਲੀ-ਜੈਪੁਰ-ਉਦੈਪੁਰ-ਅਹਿਮਦਾਬਾਦ (886 ਕਿਲੋਮੀਟਰ), ਮੁੰਬਈ-ਨਾਸਿਕ-ਨਾਗਪੁਰ (753 ਕਿਲੋਮੀਟਰ), ਮੁੰਬਈ-ਪੁਣੇ-ਹੈਦਰਾਬਾਦ, (711 ਕਿਲੋਮੀਟਰ), ਚੇਨਈ-ਬੈਂਗਲੁਰੂ-ਮੈਸੂਰ, (435 ਕਿਲੋਮੀਟਰ) ਅਤੇ ਦਿੱਲੀ-ਚੰਡੀਗੜ੍ਹ-ਲੁਧਿਆਣਾ-ਜਲੰਧਰ-ਅੰਮ੍ਰਿਤਸਰ (459 ਕਿਲੋਮੀਟਰ)।