ਸੰਯੁਕਤ ਰਾਸ਼ਟਰ ਮਹਾਸਭਾ ‘ਚ ਪ੍ਰਿਅੰਕਾ ਚੋਪੜਾ ਨੇ ਦਿੱਤੀ ਜ਼ਬਰਦਸਤ ਸਪੀਚ

ਨਿਊਯਾਰਕ – ਬਾਲੀਵੁੱਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਨੇ ਹਾਲ ਹੀ ਵਿੱਚ ਨਿਊਯਾਰਕ ਵਿੱਚ ਸੰਯੁਕਤ ਰਾਸ਼ਟਰ ਮਹਾਸਭਾ ਵਿੱਚ ਇੱਕ ਭਾਸ਼ਣ ਦਿੱਤਾ ਸੀ। ਇਸ ਭਾਸ਼ਣ ਦੌਰਾਨ ਪ੍ਰਿਯੰਕਾ ਨੇ ਕਿਹਾ ਕਿ ਸਾਡੀ ਦੁਨੀਆ ਨਾਲ ਸਭ ਕੁਝ ਠੀਕ ਨਹੀਂ ਹੈ। ਆਪਣੇ ਇੰਸਟਾਗ੍ਰਾਮ ‘ਤੇ, ਪ੍ਰਿਯੰਕਾ ਨੇ UNGA ਵਿਖੇ ਸਸਟੇਨੇਬਲ ਡਿਵੈਲਪਮੈਂਟ ਗੋਲਸ SDG ਮੋਮੈਂਟ ਦੀਆਂ ਕਈ ਵੀਡੀਓਜ਼ ਅਤੇ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਸ ਤਸਵੀਰ ‘ਚ ਪ੍ਰਿਅੰਕਾ ਨੇ ਵੈਨੇਸਾ ਨਕਾਤੇ ਨਾਲ ਪੋਜ਼ ਦਿੱਤਾ ਹੈ। ਇਕ ਹੋਰ ਤਸਵੀਰ ‘ਚ ਉਹ ਮਲਾਲਾ ਯੂਸਫਜ਼ਈ, ਅਮਾਂਡਾ ਗੋਰਮਨ, ਸੋਮਾਇਆ ਫਾਰੂਕੀ ਅਤੇ ਜੂਡਿਥ ਹਿੱਲ ਨਾਲ ਨਜ਼ਰ ਆ ਰਹੀ ਹੈ। ਉਸਨੇ ਇੰਸਟਾਗ੍ਰਾਮ ‘ਤੇ ਇਵੈਂਟ ਦੀ ਇੱਕ ਕਲਿੱਪ ਵੀ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਭਾਸ਼ਣ ਦਿੰਦੀ ਨਜ਼ਰ ਆ ਰਹੀ ਹੈ।
ਪ੍ਰਿਯੰਕਾ ਨੇ ਇਵੈਂਟ ‘ਚ ਬੋਲਦੇ ਹੋਏ ਅਮਾਂਡਾ ਦਾ ਇੱਕ ਛੋਟਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ‘ਚ ਪ੍ਰਿਯੰਕਾ ਨੇ ਕਿਹਾ, ‘ਅਸੀਂ ਅੱਜ ਅਜਿਹੇ ਸਮੇਂ ‘ਚ ਆਪਣੀ ਦੁਨੀਆ ਦੇ ਇਕ ਅਹਿਮ ਮੋੜ ‘ਤੇ ਮਿਲ ਰਹੇ ਹਾਂ। ਗਲੋਬਲ ਏਕਤਾ ਪਹਿਲਾਂ ਨਾਲੋਂ ਜ਼ਿਆਦਾ ਮਹੱਤਵਪੂਰਨ ਹੈ। ਵਿਸ਼ਵ ਜਲਵਾਯੂ ਸੰਕਟ ਅਤੇ ਕੋਵਿਡ-19 ਵਰਗੀਆਂ ਮਹਾਮਾਰੀ ਦੇ ਵਿਨਾਸ਼ਕਾਰੀ ਪ੍ਰਭਾਵਾਂ ਨਾਲ ਜੂਝ ਰਿਹਾ ਹੈ। ਸੰਘਰਸ਼ ਵਧ ਰਿਹਾ ਹੈ, ਗਰੀਬੀ, ਉਜਾੜਾ, ਭੁੱਖਮਰੀ, ਅਸਮਾਨਤਾਵਾਂ ਸੰਸਾਰ ਦੀ ਨੀਂਹ ਨੂੰ ਕਮਜ਼ੋਰ ਕਰ ਰਹੀਆਂ ਹਨ। ਜਿਸ ਲਈ ਅਸੀਂ ਲੰਬੇ ਸਮੇਂ ਤੋਂ ਸੰਘਰਸ਼ ਕਰ ਰਹੇ ਹਾਂ। ਜਿਵੇਂ ਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਸਾਡੇ ਨਾਲ ਸਭ ਕੁਝ ਠੀਕ ਨਹੀਂ ਹੈ। ਇਹ ਸੰਕਟ ਅਚਾਨਕ ਨਹੀਂ ਆਏ ਹਨ। ਪਰ ਉਹਨਾਂ ਨੂੰ ਇੱਕ ਯੋਜਨਾ ਨਾਲ ਹੱਲ ਕੀਤਾ ਜਾ ਸਕਦਾ ਹੈ। ਸਾਡੇ ਕੋਲ ਉਹ ਯੋਜਨਾ ਹੈ। ਸੰਯੁਕਤ ਰਾਸ਼ਟਰ ਦੇ ਸਸਟੇਨੇਬਲ ਡਿਵੈਲਪਮੈਂਟ ਟੀਚੇ ਜੋ ਵਿਸ਼ਵ ਨੂੰ ਪ੍ਰਾਪਤ ਕਰਨੇ ਹਨ।