ਬੈਂਗਲੁਰੂ – ਭਾਰਤੀ ਪੁਲਾੜ ਖੋਜ ਸੰਸਥਾ (ਇਸਰੋ) ਦੇ ਪਹਿਲੇ ਸੂਰਜੀ ਮਿਸ਼ਨ ‘ਆਦਿਤਿਆ ਐੱਲ-1’ ਨੂੰ ਸੂਰਜੀ ਲਪਟਾਂ ਦੀ ਪਹਿਲੀ ਐਕਸ-ਰੇ ਝਲਕ ਦਿਖਾਈ ਦਿੱਤੀ ਹੈ।ਪੁਲਾੜ ਏਜੰਸੀ ਨੇ ਇਕ ਬਿਆਨ ’ਚ ਕਿਹਾ ਕਿ 29 ਅਕਤੂਬਰ ਤੋਂ ਆਪਣੇ ਪਹਿਲੇ ਨਿਰੀਖਣ ਸਮੇਂ ਦੌਰਾਨ ‘ਆਦਿਤਿਆ ਐਲ-1’ ਨੇ ਪੁਲਾੜ ਗੱਡੀ ’ਚ ਲੱਗੇ ‘ਹਾਈ ਐਨਰਜੀ ਐਲ-1 ਆਰਬਿਟਿੰਗ ਐਕਸ-ਰੇ ਸਪੈਕਟਰੋਮੀਟਰ’ ਰਾਹੀਂ ਸੂਰਜੀ ਲਪਟਾਂ ਨੂੰ ਰਿਕਾਰਡ ਕੀਤਾ ਹੈ। ਸੂਰਜੀ ਲਪਟਾਂ ਸੂਰਜੀ ਵਾਤਾਵਰਨ ਦੇ ਅਚਾਨਕ ਚਮਕਣ ਕਾਰਨ ਹਨ। ਰਿਕਾਰਡ ਕੀਤਾ ਡਾਟਾ ਨੈਸ਼ਨਲ
ਓਸ਼ੀਅਨਿਕ ਐਂਡ ਐਟਮੌਸਫੇਰਿਕ ਐਡਮਨਿਸਟ੍ਰੇਸ਼ਨ ਜੀਓ-ਸਟੇਸ਼ਨਰੀ ਆਪਰੇਸ਼ਨਲ ਐਨਵਾਇਰਨਮੈਂਟਲ ਸੈਟੇਲਾਈਟ ਵਲੋਂ ਪ੍ਰਦਾਨ ਕੀਤੀ ਐਕਸ-ਰੇ ਲਾਈਟ ਕਰਵ ਨਾਲ ਮੇਲ ਖਾਂਦਾ ਹੈ। ਇਸਰੋ ਦੇ ਇੱਕ ਵਿਗਿਆਨੀ ਨੇ ਕਿਹਾ ਕਿ ਸੂਰਜੀ ਲਪਟਾਂ ਦੀ ਪਹਿਲੀ ਉੱਚ-ਊਰਜਾ ਨੂੰ ਰਿਕਾਰਡ ਕਰਨਾ ਇਸ ਗੱਲ ਦਾ ਸੰਕੇਤ ਹੈ ਕਿ ਮਿਸ਼ਨ ਹੁਣ ਤਕ ਉਮੀਦ ਅਨੁਸਾਰ ਚੰਗਾ ਪ੍ਰਦਰਸ਼ਨ ਕਰ ਰਿਹਾ ਹੈ।
‘ਆਦਿਤਿਆ ਐਲ-1’ ਨੇ ਵੇਖੀ ਸੂਰਜੀ ਲਪਟਾਂ ਦੀ ਐਕਸ-ਰੇ ਝਲਕ
