ਲਾਰੀਸਾ ਵਾਟਰਸ ਨੂੰ ਐਡਮ ਬੈਂਡਟ ਦੀ ਥਾਂ ਗ੍ਰੀਨਜ਼ ਪਾਰਟੀ ਦੀ ਨਵੀਂ ਲੀਡਰ ਚੁਣਿਆ ਗਿਆ ਹੈ। ਐਡਮ ਬੈਂਡਟ ਦੀ ਹੈਰਾਨਕੁੰਨ ਹਾਰ ਤੋਂ ਬਾਅਦ ਗ੍ਰੀਨਜ਼ ਪਾਰਟੀ ਦੇ ਵਲੋਂ ਮੈਲਬੌਰਨ ਵਿੱਚ ਇੱਕ ਪਾਰਟੀ ਰੂਮ ਮੀਟਿੰਗ ਕੀਤੀ ਗਈ ਤਾਂ ਜੋ ਇੱਕ ਨਵੇਂ ਨੇਤਾ ਦੀ ਚੋਣ ਕੀਤੀ ਜਾ ਸਕੇ। ਮੁਕਾਬਲਾ ਮਹਿਰੀਨ ਫਾਰੂਕੀ, ਸਾਰਾਹ ਹੈਨਸਨ-ਯੰਗ ਅਤੇ ਸੈਨੇਟਰ ਲਾਰੀਸਾ ਵਾਟਰਸ ਵਿਚਕਾਰ ਸੀ। ਗ੍ਰੀਨਜ਼ ਪਾਰਟੀ ਦੇ ਅੰਦਰੂਨੀ ਸਰੋਤਾਂ ਦੇ ਅਨੁਸਾਰ ਅਹੁਦਿਆਂ ਦੀ ਵੰਡ “ਸਹਿਮਤੀ” ਦੁਆਰਾ ਤੈਅ ਕੀਤੀ ਗਈ।
ਇਸ ਮੀਟਿੰਗ ਦੇ ਵਿੱਚ ਸੈਨੇਟਰ ਮਹਿਰੀਨ ਫਾਰੂਕੀ ਜੋ ਕਿ ਨਿਊ ਸਾਊਥ ਵੇਲਜ਼ ਤੋਂ ਹੈ, ਨੂੰ ਡਿਪਟੀ ਲੀਡਰ ਵਜੋਂ ਚੁਣਿਆ ਗਿਆ ਅਤੇ ਸਾਊਥ ਆਸਟ੍ਰੇਲੀਆ ਦੀ ਸੈਨੇਟਰ ਹੈਨਸਨ-ਯੰਗ ਨੂੰ ਸੈਨੇਟ ਵਿੱਚ ਬਿਜ਼ਨੈਸ ਮੈਨੇਜਰ ਵਜੋਂ ਚੁਣਿਆ ਗਿਆ।
ਸੈਨੇਟਰ ਵਾਟਰਸ ਨੇ ਮੀਟਿੰਗ ਤੋਂ ਬਾਅਦ ਕਿਹਾ ਕਿ, ‘ਮੈਂ ਮੀਟਿੰਗ ਰੂਮ ਦੀ ਅੰਦਰਲੀ ਭਾਵਨਾ ਅਤੇ ਇਸ ਸ਼ਾਨਦਾਰ ਟੀਮ ਨਾਲ ਬਹੁਤ ਮਜ਼ਬੂਤ ਮਹਿਸੂਸ ਕਰਦੀ ਹਾਂ। ਸਾਡੇ ਕੋਲ ਕਰਨ ਲਈ ਬਹੁਤ ਕੰਮ ਹੈ ਕਿਉਂਕਿ ਲੋਕ ਸੱਚਮੁੱਚ ਦੁਖੀ ਹਨ ਅਤੇ ਦੇਸ਼ ਦੁਖੀ ਹੈ, ਅਤੇ ਸਾਨੂੰ ਇੱਕ ਅਜਿਹੀ ਸੰਸਦ ਦੀ ਲੋੜ ਹੈ ਜੋ ਅਸਲ ਵਿੱਚ ਲੋਕਾਂ ਦੇ ਲਈ ਕੰਮ ਕਰੇ ਅਤੇ ਲੋਕਾਂ ਨੂੰ ਕੁਝ ਮਦਦ ਪਹੁੰਚਾਉਣ ਲਈ ਹਿੰਮਤ, ਦਲੇਰੀ ਅਤੇ ਦ੍ਰਿੜਤਾ ਰੱਖੇ।” ਗ੍ਰੀਨਜ਼ ਪਾਰਟੀ ਦੀ ਨਵੀਂ ਨੇਤਾ ਸੈਨੇਟਰ ਵਾਟਰਸ ਨੇ ਸਾਬਕਾ ਨੇਤਾ ਐਡਮ ਬੈਂਡਟ ਪ੍ਰਤੀ ਸਨਮਾਨ ਪ੍ਰਗਟਾਉਂਦਿਆਂ ਉਸਨੂੰ ਇੱਕ “ਵਿਲੱਖਣ ਨੇਤਾ” ਕਿਹਾ। ਸਾਨੂੰ ਉਸਦੀ ਬਹੁਤ ਯਾਦ ਆਉਂਦੀ ਹੈ। ਅਸੀਂ ਉਸਦਾ ਸਵਾਗਤ ਕਰਨ ਦੀ ਉਮੀਦ ਕਰਦੇ ਹਾਂ, ਮੈਂ ਉਸ ਉਪਰ ਹਾਲੇ ਦਬਾਅ ਨਹੀਂ ਬਣਾ ਸਕਦੀ ਪਰ ਮੇਰਾ ਇਰਾਦਾ ਹੈ, ਅਤੇ ਅਸੀਂ ਇੱਕ ਪਾਰਟੀ ਦੇ ਰੂਪ ਵਿੱਚ ਅੱਗੇ ਵਧਦੇ ਰਹਿਣਾ ਚਾਹੁੰਦੇ ਹਾਂ। ਉਸਨੇ ਇਹ ਵੀ ਸੰਕੇਤ ਦਿੱਤਾ ਕਿ ਪਾਰਟੀ ਹੇਠਲੇ ਸਦਨ ਨੂੰ ਨਹੀਂ ਛੱਡੇਗੀ ਭਾਵੇਂ ਇਹ ਹੁਣ “ਸੈਨੇਟ-ਪ੍ਰਭਾਵਸ਼ਾਲੀ ਟੀਮ” ਹੈ। ਗ੍ਰੀਨਜ਼ ਹੁਣ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਸੀਟਾਂ ‘ਤੇ ਉਹਨਾਂ ਦੋ-ਪਾਰਟੀਆਂ ਵਿੱਚ ਹਨ, ਜਿਹਨਾਂ ਨੂੰ ਪਸੰਦ ਕੀਤਾ ਜਾਂਦਾ ਹੈ। ਇਸ ਲਈ ਦੋਸਤੋ, ਅਸੀਂ ਵਾਪਸ ਆਵਾਂਗੇ।”
ਸੈਨੇਟਰ ਵਾਟਰਸ ਨੂੰ ਪਹਿਲੀ ਵਾਰ 2010 ਵਿੱਚ ਕੁਈਨਜ਼ਲੈਂਡ ਲਈ ਸੈਨੇਟਰ ਚੁਣਿਆ ਗਿਆ ਸੀ ਜਿਸ ਨਾਲ ਉਹ ਸੈਨੇਟਰ ਹੈਨਸਨ-ਯੰਗ ਤੋਂ ਬਾਅਦ ਗ੍ਰੀਨਜ਼ ਪਾਰਟੀ ਰੂਮ ਦੀ ਦੂਜੀ ਸਭ ਤੋਂ ਲੰਬੇ ਸਮੇਂ ਤੱਕ ਸੇਵਾ ਕਰਨ ਵਾਲੀ ਮੈਂਬਰ ਬਣ ਗਈ ਹੈ। ਉਹ ਹਾਲ ਹੀ ਵਿੱਚ ਪਾਰਟੀ ਦੀ ਸੈਨੇਟ ਲੀਡਰ ਸੀ ਅਤੇ ਕਈ ਸਾਲਾਂ ਤੱਕ ਸਹਿ-ਡਿਪਟੀ ਵੀ ਰਹੀ ਹੈ। ਉਹ ਔਰਤਾਂ, ਲੋਕਤੰਤਰ ਅਤੇ ਜਲਵਾਯੂ ਸਮੇਤ ਕਈ ਪੋਰਟਫੋਲੀਓ ਲਈ ਬੁਲਾਰਾ ਵਜੋਂ ਕੰਮ ਕਰਦੀ ਰਹੀ ਹੈ। ਉਹ ਬੌਬ ਬ੍ਰਾਊਨ, ਕ੍ਰਿਸਟੀਨ ਮਿਲਨੇ, ਰਿਚਰਡ ਡੀ ਨੈਟਲੇ ਅਤੇ ਐਡਮ ਬੈਂਡਟ ਤੋਂ ਬਾਅਦ ਫੈਡਰਲ ਸੰਸਦ ਵਿੱਚ ਗ੍ਰੀਨਜ਼ ਦੀ ਅਗਵਾਈ ਕਰਨ ਵਾਲੀ ਪੰਜਵੀਂ ਸ਼ਖਸੀਅਤ ਬਣ ਜਾਵੇਗੀ।
ਇੱਕ ਨਿਰਾਸ਼ਾਜਨਕ ਚੋਣ ਮੁਹਿੰਮ ਵਿੱਚ ਗ੍ਰੀਨਜ਼ ਪਾਰਟੀ ਨੇ ਪਹਿਲੀ ਤਰਜੀਹੀ ਵੋਟ ਦੇ ਰਾਸ਼ਟਰੀ ਹਿੱਸੇ ਵਿੱਚ ਮਾਮੂਲੀ ਗਿਰਾਵਟ ਦੇ ਕਾਰਣ ਹੇਠਲੇ ਸਦਨ ਵਿੱਚ ਆਪਣੀਆਂ ਚਾਰ ਵਿੱਚੋਂ ਤਿੰਨ ਸੀਟਾਂ ਹਾਰ ਦਿੱਤੀਆਂ ਹਨ। ਪਰ ਇਸਦੇ ਬਾਵਜੂਦ ਪਾਰਟੀ ਦੁਬਾਰਾ ਸੈਨੇਟ ਵਿੱਚ ਮਹੱਤਵਪੂਰਨ ਪ੍ਰਭਾਵ ਪਾਵੇਗੀ ਜਿੱਥੇ ਇਸਨੇ ਆਪਣੀਆਂ 11 ਸੀਟਾਂ ਬਰਕਰਾਰ ਰੱਖੀਆਂ ਹਨ ਅਤੇ ਸੱਤਾ ਸ਼ਕਤੀ ਦੇ ਸੰਤੁਲਨ ਵਿੱਚ ਹੋਣ ਦੀ ਸੰਭਾਵਨਾ ਹੈ। ਇਸਦਾ ਮਤਲਬ ਹੈ ਕਿ ਲੇਬਰ ਪਾਰਟੀ ਇਕੱਲਿਆਂ ਇਸ ਦੇ ਸਮਰਥਨ ਨਾਲ ਕਾਨੂੰਨ ਪਾਸ ਕਰ ਸਕਦੀ ਹੈ।
ਨਿੱਕ ਮੈਕਕਿਮ ਨੂੰ ਸੈਨੇਟ ਵ੍ਹਿਪ ਵਜੋਂ ਅਤੇ ਪੈਨੀ ਆਲਮੈਨ-ਪੇਨ ਨੂੰ ਡਿਪਟੀ ਵ੍ਹਿਪ ਵਜੋਂ ਚੁਣਿਆ ਗਿਆ, ਜਿਸਨੇ ਡੋਰਿੰਡਾ ਕੌਕਸ ਨੂੰ ਚਾਰ ਦੇ ਮੁਕਾਬਲੇ ਅੱਠ ਵੋਟਾਂ ਨਾਲ ਹਰਾਇਆ। ਸੈਨੇਟਰ ਵਾਟਰਸ ਨੇ ਇਸ ਮੌਕੇ ਅਗਲੀ ਸੰਸਦ ਵਿੱਚ ਸਰਕਾਰ ਨਾਲ ਨਜਿੱਠਣ ਲਈ ਇੱਕ “ਦ੍ਰਿੜ ਪਰ ਰਚਨਾਤਮਕ” ਪਹੁੰਚ ਦਾ ਸੰਕੇਤ ਦਿੱਤਾ, “ਲੋਕਾਂ ਨੇ ਸਾਨੂੰ ਕੰਮ ਪੂਰਾ ਕਰਨ ਲਈ ਚੁਣਿਆ ਹੈ, ਅਤੇ ਅਸੀਂ ਇਹੀ ਕਰਨ ਦਾ ਇਰਾਦਾ ਰੱਖਦੇ ਹਾਂ।” ਇਸ ਮੌਕੇ ਸੈਨੇਟਰ ਹੈਨਸਨ-ਯੰਗ ਨੇ ਕਿਹਾ ਕਿ “ਡਰਪੋਕ ਹੋਣ ਦੇ ਲਈ ਹੁਣ ਕੋਈ ਹੋਰ ਬਹਾਨਾ ਨਹੀਂ ਹੈ। ਲੋਕ ਦੁਖੀ ਹਨ, ਗ੍ਰਹਿ ਦੁਖੀ ਹੋ ਰਿਹਾ ਹੈ … ਲੋਕ ਉਮੀਦ ਕਰਦੇ ਹਨ ਕਿ ਇਹ ਸੰਸਦ ਕੰਮ ਪੂਰਾ ਕਰੇਗੀ।” ਇਸ ਮੌਕੇ ਸੈਨੇਟਰ ਫਾਰੂਕੀ ਨੇ ਕਿਹਾ ਕਿ ਗ੍ਰੀਨਜ਼ ਨੂੰ ਪਾਰਟੀ ਤੋਂ “ਘੱਟ ਨਹੀਂ ਬਲਕਿ ਜਿਆਦਾ” ਦੀ ਮੰਗ ਕਰਨੀ ਚਾਹੀਦੀ ਹੈ।