ਮੁਫ਼ਤ TAFE ਜ਼ਿੰਦਗੀਆਂ ਬਦਲਦਾ ਹੈ ਅਤੇ ਵਿਕਟੋਰੀਆ ਦੀ ਸਰਕਾਰ ਇਸਦੀ ਗਰੰਟੀ ਦੇ ਰਹੀ ਹੈ। ਇਹ 2026/27 ਵਿਕਟੋਰੀਅਨ ਬਜਟ ਹੁਨਰਾਂ ਅਤੇ ਸਿਖਲਾਈਆਂ ਦੇ ਵਿੱਚ 459.4 ਮਿਲੀਅਨ ਡਾਲਰ ਦੇ ਨਿਵੇਸ਼ ਦੇ ਹਿੱਸੇ ਵਜੋਂ ਮੁਫ਼ਤ TAFE ਦਾ ਸਮਰਥਨ ਕਰਦਾ ਹੈ।
ਮੁਫ਼ਤ TAFE
ਬਜਟ 2027 ਵਿੱਚ ਹੋਰ ਮੁਫ਼ਤ TAFE ਸਥਾਨਾਂ ਵਿੱਚ ਨਿਵੇਸ਼ ਕਰਦਾ ਹੈ। ਇਸ ਨਿਵੇਸ਼ ਨਾਲ 15,000 ਹੋਰ ਵਿਦਿਆਰਥੀਆਂ ਨੂੰ ਸਹਿਯੋਗ ਮਿਲਣ ਦੀ ਉਮੀਦ ਹੈ। ਮੁਫ਼ਤ TAFE ਦੇ ਕਾਰਣ ਦਾਖਲੇ ਪਹਿਲਾਂ ਹੀ ਇੱਕ ਦਹਾਕੇ ਤੋਂ ਵੱਧ ਸਮੇਂ ਵਿੱਚ ਆਪਣੇ ਸਭ ਤੋਂ ਉੱਚੇ ਪੱਧਰ ‘ਤੇ ਹਨ। 60,800 ਤੋਂ ਵੱਧ ਲੋਕ ਵਰਤਮਾਨ ਵਿੱਚ ਮੁਫ਼ਤ TAFE ਕੋਰਸਾਂ ਵਿੱਚ ਦਾਖਲ ਹਨ ਅਤੇ ਇਹ ਇੱਕ ਰਿਕਾਰਡ ਸੰਖਿਆ ਹੈ। ਇਸ ਦੇ ਸ਼ੁਰੂ ਹੋਣ ਦੇਂ ਬਾਅਦ ਤੋਂ ਮੁਫ਼ਤ TAFE ਨੇ 245,000 ਤੋਂ ਵੱਧ ਵਿਦਿਆਰਥੀਆਂ ਦੀਆਂ ਟਿਊਸ਼ਨ ਫੀਸਾਂ ਵਿੱਚ 816 ਮਿਲੀਅਨ ਡਾਲਰ ਤੋਂ ਵੱਧ ਦੀ ਬੱਚਤ ਕੀਤੀ ਹੈ ਅਤੇ ਉਹਨਾਂ ਵਿੱਚੋਂ ਹਰੇਕ ਨੂੰ ਔਸਤਨ 3,300 ਡਾਲਰ ਤੋਂ ਵੱਧ ਦੀ ਬੱਚਤ ਹੋਈ ਹੈ।
ਮੁਫ਼ਤ TAFE ਗਰੰਟੀ ਹੁਣ ਕਾਨੂੰਨ ਹੈ, ਇਸ ਲਈ ਵਿਕਟੋਰੀਆ ਦੇ ਲੋਕ ਜਾਣਦੇ ਹਨ ਕਿ ਉਹ ਆਪਣੀ ਪਸੰਦ ਦੀਆਂ ਨੌਕਰੀਆਂ ਲਈ ਲੋੜੀਂਦੇ ਹੁਨਰ ਪ੍ਰਾਪਤ ਕਰ ਸਕਦੇ ਹਨ।
ਕੈਂਪਸ ਅਤੇ ਅੱਪਗਰੇਡ
ਬੱਜਟ ਵਿੱਚ ਆਸਟ੍ਰੇਲੀਅਨ ਸਰਕਾਰ ਨਾਲ ਸਾਂਝੇਦਾਰੀ ਵਿੱਚ ਤਿੰਨ ਨਵੇਂ TAFE ਸੈਂਟਰ ਆਫ਼ ਐਕਸੀਲੈਂਸ ਲਈ ਫੰਡਿੰਗ ਦਿੱਤੀ ਗਈ ਹੈ:
- ਵਿਕਟੋਰੀਅਨ ਰੀਨਿਊਏਬਲ ਐਨਰਜੀ TAFE ਸੈਂਟਰ ਆਫ਼ ਐਕਸੀਲੈਂਸ – TAFE ਗਿਪਸਲੈਂਡ ਦੀ ਅਗਵਾਈ ਵਿੱਚ ਹੋਮਜ਼ਗਲੈੱਨ, ਸਾਊਥ ਵੈਸਟ TAFE ਅਤੇ ਫੈਡਰੇਸ਼ਨ ਯੂਨੀਵਰਸਿਟੀ ਦੇ ਨਾਲ ਸਾਂਝੇਦਾਰੀ ਦੇ ਵਿੱਚ
- ਹੋਮ ਐਂਡ ਕਮਿਊਨਿਟੀ ਕੇਅਰ TAFE ਸੈਂਟਰ ਆਫ਼ ਐਕਸੀਲੈਂਸ – ਹੋਮਜ਼ਗਲੈੱਨ ਦੀ ਅਗਵਾਈ ਵਿੱਚ
- ਡਿਜੀਟਲ, ਏਆਈ ਅਤੇ ਟੈਕਨੋਲੋਜੀ TAFE ਸੈਂਟਰ ਆਫ਼ ਐਕਸੀਲੈਂਸ – ਚਿਸ਼ੋਲਮ ਦੀ ਅਗਵਾਈ ਵਿੱਚ
ਬੱਜਟ ਵਿੱਚ ਇਹ ਵੀ ਸ਼ਾਮਿਲ ਹਨ :
- TAFE ਕੈਂਪਸ ਦੇ ਅੱਪਗ੍ਰੇਡ ਲਈ 10 ਮਿਲੀਅਨ ਡਾਲਰ, ਜਿਸ ਵਿੱਚ ਵੋਡੌਂਗਾ TAFE ਵਿਖੇ ਸਾਫ਼ ਊਰਜਾ ਦੀ ਪੜ੍ਹਾਈ ਕਰ ਰਹੇ ਵਿਦਿਆਰਥੀਆਂ ਦੇ ਲਈ ਨਵੇਂ ਉਪਕਰਣ ਸ਼ਾਮਲ ਹਨ ਅਤੇ ਅਪਾਹਜ ਲੋਕਾਂ ਲਈ ਕੈਂਪਸ ਨੂੰ ਹੋਰ ਵਧੇਰੇ ਪਹੁੰਚਯੋਗ ਬਨਾਉਣਾ
- TAFE ਐਜੂਕੇਟਰ ਅਕੈਡਮੀ ਲਈ ਆਸਟ੍ਰੇਲੀਅਨ ਸਰਕਾਰ ਦੇ ਨਾਲ ਸਾਂਝੇਦਾਰੀ ਵਿੱਚ 5.4 ਮਿਲੀਅਨ ਡਾਲਰ, ਜੋ ਕਿ ਸਿੱਖਿਅਕਾਂ ਵਜੋਂ ਕਰੀਅਰ ਸ਼ੁਰੂ ਕਰਨ ਵਾਲਿਆਂ ਦੇ ਲਈ ਪੇਸ਼ੇਵਰ ਵਿਕਾਸ ਅਤੇ ਕਮਾਈ ਅਤੇ ਸਿੱਖਣ ਦੇ ਰਸਤੇ ਪ੍ਰਦਾਨ ਕਰਦਾ ਹੈ
- TAFE ਵਿਦਿਆਰਥੀਆਂ ਲਈ ਰੈਪ-ਅਰਾਊਂਡ ਸਹਾਇਤਾ ਸੇਵਾਵਾਂ ਤਾਂ ਜੋ ਹੋਰ ਵਿਦਿਆਰਥੀ ਆਪਣੀਆਂ ਯੋਗਤਾਵਾਂ ਪੂਰੀਆਂ ਕਰ ਸਕਣ
ਵਿਕਟੋਰੀਆ ਦੇ ਲੋਕਾਂ ਨੂੰ ਯਾਦ ਹੈ ਕਿ ਜਦੋਂ ਲਿਬਰਲਾਂ ਨੇ TAFE ਤੋਂ 1 ਬਿਲੀਅਨ ਡਾਲਰ ਦੀ ਕਟੌਤੀ ਕੀਤੀ ਸੀ ਅਤੇ 100 ਤੋਂ ਵੱਧ ਲੋਕਾਂ ਨੂੰ ਕੱਢ ਦਿੱਤਾ ਗਿਆ ਸੀ, 2,000 TAFE ਅਧਿਆਪਕਾਂ ਨੂੰ ਹਟਾ ਦਿੱਤਾ ਗਿਆ ਸੀ ਅਤੇ 22 TAFE ਕੈਂਪਸ ਬੰਦ ਕੀਤੇ ਗਏ। ਸਿਰਫ਼ ਲੇਬਰ ਹੀ TAFE ਨੂੰ ਬਚਾਏਗੀ ਅਤੇ ਸਿਰਫ਼ ਲੇਬਰ ਕੋਲ ਹੀ ਜ਼ਿੰਦਗੀ ਨੂੰ ਆਸਾਨ, ਸੁਰੱਖਿਅਤ ਅਤੇ ਵਧੇਰੇ ਕਿਫਾਇਤੀ ਬਣਾਉਣ ਲਈ ਨਵੀਨਤਾਕਾਰੀ ਹੱਲ ਹਨ।
ਇਸ ਸਬੰਧੀ ਪ੍ਰੀਮੀਅਰ ਜੈਸਿੰਟਾ ਐਲਨ ਨੇ ਕਿਹਾ ਹੈ ਕਿ, “ਮੁਫ਼ਤ TAFE ਪਹਿਲਾਂ ਹੀ ਵਿਕਟੋਰੀਆ ਦੇ ਲੋਕਾਂ ਦੇ ਹਜ਼ਾਰਾਂ ਡਾਲਰ ਬਚਾਅ ਰਿਹਾ ਹੈ ਅਤੇ ਇਹ ਆਪਣਾ ਕਰੀਅਰ ਬਨਾਉਣ ਵਾਲੇ ਕਿਸੇ ਵੀ ਵਿਅਕਤੀ ਦੇ ਲਈ ਰਹਿਣ-ਸਹਿਣ ਦੀ ਲਾਗਤ ਵਿੱਚ ਇੱਕ ਬਹੁਤ ਵੱਡਾ ਵਾਧਾ ਹੈ। ਲਿਬਰਲਾਂ ਨੇ TAFE ਵਿੱਚ ਕਟੌਤੀ ਕੀਤੀ ਅਤੇ ਕੈਂਪਸ ਬੰਦ ਕਰ ਦਿੱਤੇ। ਲੇਬਰ ਨੇ TAFE ਨੂੰ ਮੁਫ਼ਤ ਕਰ ਦਿੱਤਾ ਅਤੇ ਅਸੀਂ ਕੈਂਪਸ ਨੂੰ ਅੱਪਗ੍ਰੇਡ ਕਰ ਰਹੇ ਹਾਂ।”
ਇਸ ਸਬੰਧੀ ਹੁਨਰ ਅਤੇ TAFE ਮੰਤਰੀ ਕੋਲਿਨ ਬਰੂਕਸ ਨੇ ਕਿਹਾ ਹੈ ਕਿ, “ਵਿਕਟੋਰੀਆ ਦੇ ਲੋਕਾਂ ਲਈ ਲੰਬੇ ਸਮੇਂ ਦਾ ਕਰੀਅਰ ਬਨਾਉਣਾ ਹੁਣ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਸਾਨ ਅਤੇ ਕਿਫਾਇਤੀ ਹੋ ਗਿਆ ਹੈ।”