ਮੈਲਬੌਰਨ – ਮੈਲਬੌਰਨ ਦੇ ਵਿੱਚ ਕੋਵਿਡ-19 ਦੇ ਫੈਲਾਅ ਨੂੰ ਬਹੁਤ ਤੇਜ਼ੀ ਨਾਲ ਵਧਦਿਆਂ ਦੇਖਕੇ ਸਰਕਾਰ ਦੇ ਵਲੋਂ 7 ਦਿਨਾਂ ਦੇ ਲੌਕਡਾਊਨ ਦੀ ਤਿਆਰੀ ਕੀਤੀ ਜਾ ਰਹੀ ਅਤੇ ਇਸਦਾ ਐਲਾਨ ਅਗਲੇ ਕੁੱਝ ਘੰਟਿਆਂ ਦੇ ਵਿੱਚ ਕੀਤਾ ਜਾ ਸਕਦਾ ਹੈ।
ਅੱਜ ਮੈਲਬੌਰਨ ਦੇ ਵਿੱਚ ਕੋਵਿਡ-19 ਦੇ 11 ਹੋਰ ਨਵੇਂ ਕੇਸ ਮਿਲਣ ਨਾਲ ਵਿਕਟੋਰੀਆ ਦੇ ਵਿੱਚ ਐਕਟਿਵ ਕੇਸਾਂ ਦੀ ਗਿਣਤੀ ਵੱਧਕੇ 34 ਹੋ ਗਈ ਹੈ।
ਸਿਹਤ ਅਧਿਕਾਰੀਆਂ ਦੇ ਵਲੋਂ ਕੋਵਿਡ-19 ਤੋਂ ਪਾਜ਼ੀਟਿਵ ਵਿਅਕਤੀਆਂ ਵਲੋਂ ਘੁੰਮੀਆਂ ਗਈਆਂ 80 ਥਾਵਾਂ ਦੀ ਤਾਜ਼ਾ ਲਿਸਟ ਜਾਰੀ ਕੀਤੀ ਗਈ ਹੈ। ਸਿਹਤ ਅਧਿਕਾਰੀਆਂ ਦੇ ਵਲੋਂ ਕੋਵਿਡ-19 ਦੇ ਤਾਜ਼ਾ ਮਿਲੇ ਕੇਸਾਂ ਵਾਲੀਆਂ ਥਾਵਾਂ ਨੂੰ ਟੀਅਰ-1, ਟੀਅਰ-2 ਅਤੇ ਟੀਅਰ-3 ਦੇ ਵਿੱਚ ਰੱਖਿਆ ਗਿਆ ਹੇ। ਟੀਅਰ-1 ਵਾਲੀਆਂ ਥਾਵਾਂ ‘ਤੇ ਗਏ ਵਿਅਕਤੀਆਂ ਨੂੰ ਤੁਰੰਤ 14 ਦਿਨਾਂ ਦੇ ਲਈ ਕੁਆਰੰਟੀਨ ਕਰਾਉਣ, ਟੀਅਰ-2 1 ਵਾਲੀਆਂ ਥਾਵਾਂ ‘ਤੇ ਗਏ ਵਿਅਕਤੀਆਂ ਨੂੰ ਤੁਰੰਤ ਟੈਸਟ ਕਰਾਉਣ ਦੇ ਲਈ ਕਿਹਾ ਗਿਆ ਹੈ ਜਦਕਿ ਟੀਅਰ-3 ਵਾਲਿਆਂ ਨੂੰ ਆਪਣੀ ਸਿਹਤ ਦੀ ਨਿਗਰਾਨੀ ਰੱਖ ਅਤੇ ਲੱਛਣ ਹੋਣ ਦੀ ਸੂਰਤ ਦੇ ਵਿੱਚ ਤੁਰੰਤ ਟੈਸਟ ਕਰਾਉਣ ਦੇ ਲਈ ਕਿਹਾ ਗਿਆ ਹੈ।