12 ਖਿਡਾਰੀ ਆਲ ਇੰਡੀਆ ਯੂਨੀਵਰਸਿਟੀ ਖੇਡਣਗੇ !
ਅੰਮ੍ਰਿਤਸਰ – ਖ਼ਾਲਸਾ ਕਾਲਜ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਕਰਵਾਏ ਗਏ ਇੰਟਰ ਕਾਲਜ (ਮੈਨ) ’ਚ ਖਾਲਸਾ ਕਾਲਜ ਦੀ ਟੀਮ ਨੇ ਆਪਣੀ ਕਾਬਲੀਅਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਕਾਲਜ ਦੀ ਟੀਮ ਨੇ 11 ਸੋਨੇ ਦੇ ਤਗਮੇ ਹਾਸਲ ਕਰਕੇ 14ਵੀਂ ਵਾਰ ਇੰਟਰ ਕਾਲਜ ਬਾਕਸਿੰਗ ਚੈਂਪੀਅਨਸ਼ਿਪ ’ਚ ਜਿੱਤ ਹਾਸਲ ਕੀਤੀ ਹੈ।
ਇਸ ਮੌਕੇ ਕਾਲਜ ਦੇ ਕਾਰਜਕਾਰੀ ਪ੍ਰਿੰਸੀਪਲ ਡਾ. ਅਰਵਿੰਦਰ ਕੌਰ ਕਾਹਲੋਂ ਨੇ ਖੇਡ ਵਿਭਾਗ ਦੇ ਇੰਚਾਰਜ ਡਾ. ਦਲਜੀਤ ਸਿੰਘ, ਬਾਕਸਿੰਗ ਕੋਚ ਸ੍ਰੀ ਬਲਜਿੰਦਰ ਸਿੰਘ ਦੁਆਰਾ ਵਿਦਿਆਰਥੀਆਂ ਦੀ ਹੁਨਰ ਨੂੰ ਨਿਖਾਰਣ ਲਈ ਕੀਤੇ ਜਾ ਰਹੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਦੱਸਿਆ ਕਿ 48 ਕਿਲੋਗ੍ਰਾਮ ’ਚ ਪ੍ਰਭਾਕਰਨ ਗੋਲਡ, 51 ਕਿਲੋ ’ਚ ਅਵਤਾਰ ਸਿੰਘ ਗੋਲਡ, ਸ਼ਿਵ ਕਾਂਤ 54 ਕਿਲੋ ਗੋਲਡ, ਭੁਪਿੰਦਰ ਸਿੰਘ 57 ਕਿਲੋ ਗੋਲਡ, ਅਸਰੂਫ 60 ਕਿਲੋ ਗੋਲਡ, ਹਰਸਿਤ 63.5 ਸਿਲਵਰ-ਗੋਲਡ ਅਤੇ ਨਵਰੂਪ ਸਿੰਘ 67 ਕਿਲੋ ਨਾਲ ਸੋਨੇ ਦਾ ਤਗਮਾ ਹਾਸਲ ਕਰਨ ’ਚ ਕਾਮਯਾਬ ਰਹੇ। ਜਦ ਕਿ ਸਹਿਜਪ੍ਰੀਤ ਸਿੰਘ 71 ਕਿਲੋ ’ਚ ਬਰਾਊਂਜ਼, ਜਸ਼ਨਪ੍ਰੀਤ ਸਿੰਘ 75 ਕਿਲੋ ਗੋਲਡ, ਰਾਜਨਦੀਪ ਸਿੰਘ 86 ਕਿਲੋ ਗੋਲਡ, ਸੁਖਬੀਰ ਸਿੰਘ 80 ਕਿਲੋ ਗੋਲਡ ਮੈਡਲ, ਰਾਜਨਪ੍ਰੀਤ ਸਿੰਘ 92 ਕਿਲੋ ਗੋਲਡ ਮੈਡਲ, ਚਮਕੌਰ ਨੇ 92 ਪਲਸ ਕਿਲੋ ’ਚ ਗੋਲਡ ਮੈਡਲ ਹਾਸਲ ਕੀਤਾ ਹੈ।
ਪ੍ਰਿੰ: ਡਾ. ਕਾਹਲੋਂ ਨੇ ਕਿਹਾ ਕਿ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ ਜੋ ਕਿ 25 ਦਸੰਬਰ ਤੋਂ 2 ਜਨਵਰੀ ਤੱਕ ਗੁਰੂ ਕਾਂਸੀ ਯੂਨੀਵਰਸਿਟੀ (ਬਠਿੰਡਾ) ਵਿਖੇ ਹੋ ਰਹੀ ਹੈ। ਜਿਸ ’ਚ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੀ ਬਾਕਸਿੰਗ ’ਚ 12 ਖਿਡਾਰੀ ਆਲ ਇੰਡੀਆ ਯੂਨੀਵਰਸਿਟੀ ਖੇਡਣ ਜਾ ਰਹੇ ਹਨ, ਜਿਸ ’ਚੋਂ 10 ਖਿਡਾਰੀ ਕਾਲਜ ਦੇ ਹਨ ਜੋ ਬਹੁਤ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਉਕਤ ਮੁਕਾਬਲੇ ’ਚ ਆਪਣੀ ਕਾਬਲੀਅਤ ਦਾ ਪ੍ਰਦਰਸ਼ਨ ਕਰਨ ਜਾ ਰਹੇ ਵਿਦਿਆਰਥੀਆਂ ਨੂੰ ਸ਼ੁਭ ਇੱਛਾਵਾਂ ਦਿੰਦਿਆਂ ਸੁਨਿਹਰੇ ਭਵਿੱਖ ਦੀ ਆਸ ਜਾਹਿਰ ਕੀਤੀ। ਇਸ ਮੌਕੇ ਮਨਜੋਤ ਸਿੰਘ, ਸ: ਪਰਮਿੰਦਰ ਸਿੰਘ ਆਦਿ ਹਾਜ਼ਰ ਸਨ।