ਬੀਜਿੰਗ – ਮੱਧ ਚੀਨ ਦੇ ਹੁਨਾਨ ਸੂਬੇ ‘ਚ ਮੀਂਹ ਅਤੇ ਹੜ੍ਹ ਕਾਰਨ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਤਿੰਨ ਹੋਰ ਲਾਪਤਾ ਹਨ। ਇਸ ਸੂਬੇ ਵਿੱਚ ਜੂਨ ਦੀ ਸ਼ੁਰੂਆਤ ਤੋਂ ਹੀ ਬਾਰਿਸ਼ ਹੋ ਰਹੀ ਹੈ। ਜਦੋਂ ਕਿ ਕੁਝ ਨਿਗਰਾਨੀ ਕੇਂਦਰਾਂ ਨੇ ਸੂਬੇ ਵਿੱਚ ਰਿਕਾਰਡ ਬਾਰਿਸ਼ ਹੋਣ ਦੀ ਸੂਚਨਾ ਦਿੱਤੀ ਹੈ। ਚੀਨ ਵਿੱਚ ਆਮ ਤੌਰ ‘ਤੇ ਮੱਧ ਅਤੇ ਦੱਖਣੀ ਚੀਨ ਵਿੱਚ ਗਰਮੀਆਂ ਦੌਰਾਨ ਸਭ ਤੋਂ ਵੱਧ ਬਾਰਿਸ਼ ਹੁੰਦੀ ਹੈ।
ਪਹਾੜੀ ਖੇਤਰ ਦੇ ਕਰੀਬ 18 ਲੱਖ ਲੋਕ ਤੂਫਾਨ ਨਾਲ ਪ੍ਰਭਾਵਿਤ ਹੋਏ ਹਨ। ਜ਼ਿਆਦਾਤਰ ਪ੍ਰਭਾਵਿਤ ਲੋਕ ਪੇਂਡੂ ਖੇਤਰਾਂ ਦੇ ਹਨ। 2,86,000 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਪਹੁੰਚਾਇਆ ਗਿਆ ਹੈ। 2,700 ਤੋਂ ਵੱਧ ਘਰ ਜਾਂ ਤਾਂ ਨੁਕਸਾਨੇ ਗਏ ਹਨ ਜਾਂ ਢਾਹ ਦਿੱਤੇ ਗਏ ਹਨ।