ਦੁਬਈ ’ਚ ਪਹਿਲੀ ਵਾਰ ਹੋਵੇਗਾ ‘ਮਿਸ ਯੂਨੀਵਰਸ ਯੂਏਈ, ਭਾਰਤੀ ਕੁੜੀਆਂ ਵੀ ਲੈ ਸਕੇਣਗੀਆਂ ਹਿੱਸਾ, ਬਸ ਉਮਰ ਹੋਣੀ ਚਾਹੀਦੀ ਏਨੀ

ਦੁਬਈ – ਪਹਿਲੀ ਵਾਰ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਮਿਸ ਯੂਨੀਵਰਸ ਮੁਕਾਬਲੇ ‘ਚ ਹਿੱਸਾ ਲੈਣ ਜਾ ਰਹੀ ਹੈ। ਇਸ ਲਈ ਦੁਬਈ ‘ਚ ਪਹਿਲਾ ਸੁੰਦਰਤਾ ਮੁਕਾਬਲਾ ‘ਮਿਸ ਯੂਨੀਵਰਸ ਯੂਏਈ’ ਕਰਵਾਇਆ ਜਾ ਰਿਹਾ ਹੈ। ਮਿਸ ਯੂਨੀਵਰਸ ਆਰਗੇਨਾਈਜੇਸ਼ਨ ਤੇ ਯੂਜੀਨ ਈਵੈਂਟ ਨੇ ਬੁਰਜ ਖਲੀਫਾ ਦੇ ਅਰਮਾਨੀ ਰੈਸਟੋਰੈਂਟ ਵਿਖੇ ਇਸ ਦਾ ਐਲਾਨ ਕੀਤਾ। ਇਸ ਮੁਕਾਬਲੇ ਲਈ ਅਰਜ਼ੀ ਤੇ ਚੋਣ ਪ੍ਰਕਿਰਿਆ 7 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ। ਆਨਲਾਈਨ ਰਜਿਸਟ੍ਰੇਸ਼ਨ ਸਿਰਫ ਅਧਿਕਾਰਤ ਵੈਬਸਾਈਟ ‘ਤੇ ਜਾ ਕੇ ਕੀਤੀ ਜਾ ਸਕਦੀ ਹੈ। ਸੰਯੁਕਤ ਅਰਬ ਅਮੀਰਾਤ ਦੇ ਸਾਰੇ ਵਸਨੀਕ ਜਿਨ੍ਹਾਂ ਦੀ ਨਾਗਰਿਕਤਾ 18 ਤੋਂ 20 ਸਾਲ ਦੀ ਹੈ, ਮੁਕਾਬਲੇ ਲਈ ਰਜਿਸਟ੍ਰੇਸ਼ਨ ਕਰਵਾ ਸਕਦੇ ਹਨ। ਚੁਣੇ ਗਏ ਉਮੀਦਵਾਰਾਂ ਨੂੰ 15 ਅਕਤੂਬਰ ਨੂੰ ਅਲ -ਹੈਬਟੂਰ ਪੈਲੇਸ ਹੋਟਲ ‘ਚ ਬੁਲਾਇਆ ਜਾਵੇਗਾ। 20 ਅਕਤੂਬਰ ਨੂੰ ਸਿਰਫ 30 ਪ੍ਰਤੀਯੋਗੀਆਂ ਦਾ ਐਲਾਨ ਕੀਤਾ ਜਾਵੇਗਾ, ਜੋ ਮੁਕਾਬਲੇ ਦੇ ਲਾਈਵ ਸ਼ੋਅ ‘ਚ ਹਿੱਸਾ ਲੈ ਸਕਣਗੇ। ਸੁੰਦਰਤਾ ਮੁਕਾਬਲੇ ਦਾ ਫਾਈਨਲ 7 ਨਵੰਬਰ 2021 ਨੂੰ ਅਲ ਹੈਬਤੂਰ ਸ਼ਹਿਰ ਦੇ (La Perle) ਵਿਖੇ ਹੋਵੇਗਾ। ਤਿੰਨ ਘੰਟਿਆਂ ਦੇ ਇਵੈਂਟ ਦੇ ਕਈ ਗੇੜ ਹੋਣਗੇ। ਮਿਸ ਯੂਨੀਵਰਸ ਯੂਏਈ ਦਾ ਜੇਤੂ ਇਸ ਅੰਤਰਰਾਸ਼ਟਰੀ ਪਲੇਟਫਾਰਮ ‘ਤੇ ਪ੍ਰਦਰਸ਼ਨ ਕਰੇਗਾ। ਮੌਜੂਦਾ ਮਿਸ ਯੂਨੀਵਰਸ ਮੈਕਸੀਕੋ ਦੀ ਐਂਡਰੀਆ ਮੇਜ਼ਾ ਹੈ, ਮੁਕਾਬਲੇ ਦਾ 69 ਵਾਂ ਸੰਸਕਰਣ ਮਈ ‘ਚ ਫਲੋਰਿਡਾ ‘ਚ ਕਰਵਾਇਆ ਗਿਆ ਸੀ। ਮਿਸ ਯੂਨੀਵਰਸ ਸੁੰਦਰਤਾ ਮੁਕਾਬਲਾ 1952 ‘ਚ ਸ਼ੁਰੂ ਹੋਇਆ, ਜੋ ਕਿ ਵਿਸ਼ਵ ਦੀ ਸਭ ਤੋਂ ਵੱਡੀ ਸੁੰਦਰਤਾ ਪ੍ਰਤੀਯੋਗਤਾ ਹੈ। 70 ਵੀਂ ਮਿਸ ਯੂਨੀਵਰਸ ਪੇਜੈਂਟ ਦਸੰਬਰ ‘ਚ ਆਯੋਜਿਤ ਕੀਤੀ ਗਈ।