ਦੇਸ਼ ’ਚ ਪਲਾਸਟਿਕ ਕੂੜੇ ਨੂੰ ਲੈ ਕੇ 1 ਅਕਤੂਬਰ ਤੋਂ ਚਲੇਗੀ ਵੱਡੀ ਮੁਹਿੰਮ

ਨਵੀਂ ਦਿੱਲੀ – ਕੇਂਦਰੀ ਸੂਚਨਾ ਤੇ ਪ੍ਰਸਾਰਣ ਤੇ ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਲੋਕਾਂ ਨੂੰ ਸਵੱਛਤਾ ਪ੍ਰੋਗਰਾਮ ਨਾਲ ਜੁੜਨ ਦੀ ਕੀਤੀ ਅਪੀਲ। ਨੌਜਵਾਨ ਪ੍ਰੋਗਰਾਮ ਤੇ ਖੇਡ ਮੰਤਰਾਲੇ ਆਜ਼ਾਦੀ ਦੇ ਅੰਮ੍ਰਿਤ ਮਹੋਤਸਵ ਦੇ ਅਵਸਰ ’ਤੇ ਦੇਸ਼ ਨੂੰ ਪਲਾਸਟਿਕ ਕੁੜੇ ਤੋਂ ਆਜ਼ਾਦੀ ਦਿਵਾਉਣ ਲਈ ਸਵੱਛ ਭਾਰਤ ਪ੍ਰੋਗਰਾਮ ਸ਼ੁਰੂ ਕਰਨ ਜਾ ਰਿਹਾ ਹੈ। ਇਸ ਦੀ ਸ਼ੁਰੂਆਤ 1 ਅਕਤੂਬਰ ਤੋਂ ਹੋਵੇਗੀ। ਇਸ ਦੇ ਤਹਿਤ ਦੇਸ਼ਭਰ ਤੋਂ 75 ਲੱਖ ਕਿਲੋਗ੍ਰਾਮ ਕੂੜਾ ਇਕੱਠਾ ਕੀਤਾ ਜਾਵੇਗਾ। ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਨੇ ਦੱਸਿਆ ਕਿ ਆਜ਼ਾਦੀ ਦੇ ਅਮ੍ਰਿਤ ਮਹੋਤਸਵ ਤੇ ਗਾਂਧੀ ਜੈਅੰਤੀ ਦੇ ਅਵਸਰ ’ਤੇ 1 ਤੋਂ 31 ਅਕਤੂਬਰ ਤਕ ਦੇਸ਼ ’ਚ ਸਵੱਛ ਭਾਰਤ ਅਭਿਆਨ ਚਲਾਇਆ ਜਾਵੇਗਾ। ਸਵੱਛ ਭਾਰਤ ਅਭਿਆਨ ਦੁਨੀਆ ਦਾ ਸਭ ਤੋਂ ਵੱਡਾ ਅਭਿਆਨ ਹੋਵੇਗਾ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਦੱਸਿਆ ਕਿ ਇਸ ਅਭਿਆਨ ਤਹਿਤ ਹਰ ਪਿੰਡ ਤੇ ਜ਼ਿਲ੍ਹੇ ਤੋਂ ਕੂੜਾ ਇਕੱਠਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਜਿਸ ਦੇ ਤਹਿਤ ਹਰ ਪਿੰਡ ਤੋਂ 30 ਕਿਲੋਗ੍ਰਾਮ ਤੇ ਜ਼ਿਲ੍ਹੇ ਤੋਂ 10080 ਕਿਲੋਗ੍ਰਾਮ ਕੂੜਾ ਕੱਢਿਆ ਜਾਵੇਗਾ। ਏਨਾ ਵੱਡੇ ਪੱਧਰੇ ’ਤੇ ਕੂੜਾ ਨਿਕਲਣ ’ਤੇ ਸਵੱਛਤਾ ਦੀ ਵੱਖ ਤਸਵੀਰ ਨਜ਼ਰ ਆਵੇਗੀ, ਜਿਸ ’ਚ ਜ਼ਿਲ੍ਹਾ ਡਿਪਟੀ ਕਮਿਸ਼ਨਾ ਦੀ ਵਿਸ਼ੇਸ਼ ਭਮਿਕਾ ਹੋਵੇਗੀ।