ਐਡੀਲੇਡ – ਐਡੀਲੇਡ ਯੂਨੀਵਰਸਿਟੀ ਵਿੱਚ ਸ਼ੁਰੂ ਹੋਣ ਵਾਲੀ ਇੱਕ ਵੱਡੀ ਨਵੀਂ ਖੋਜ ਦਾ ਟੀਚਾ ਲੰਬੇ ਸਮੇਂ ਤੋਂ ਚੱਲ ਰਹੇ ਅੰਦਰੂਨੀ ਅੰਗਾਂ ਦੇ ਦਰਦ ਲਈ ਨਵੇਂ ਅਤੇ ਵਧੇਰੇ ਪ੍ਰਭਾਵਸ਼ਾਲੀ ਇਲਾਜ ਤਿਆਰ ਕਰਨਾ ਹੈ। ਇਹ ਦਰਦ Irritable Bowel Syndrome (IBS), Inflammatory Bowel Disease (IBD) ਅਤੇ endometriosis ਵਰਗੀਆਂ ਬਿਮਾਰੀਆਂ ਨਾਲ ਜੁੜਿਆ ਹੋ ਸਕਦਾ ਹੈ।
ਇਹ ਪੰਜ ਸਾਲਾ ਖੋਜ ਪ੍ਰੋਗਰਾਮ National Health and Medical Research Council (NHMRC) ਵੱਲੋਂ ਦਿੱਤੀ ਗਈ ਇੱਕ ਵੱਕਾਰੀ Investigator Grant ਨਾਲ ਚਲਾਇਆ ਜਾਵੇਗਾ। ਇਸ ਦੀ ਅਗਵਾਈ ਪ੍ਰੋਫੈਸਰ ਸਟੂਅਰਟ ਬ੍ਰੀਅਰਲੀ ਕਰਨਗੇ, ਜੋ Visceral Pain Research Group ਦੇ ਡਾਇਰੈਕਟਰ, SAHMRI ਦੇ Hopwood Centre for Neurobiology ਦੇ ਡਾਇਰੈਕਟਰ ਅਤੇ Adelaide University ਦੇ College of Health ਵਿੱਚ ਪ੍ਰੋਫੈਸਰ ਹਨ।
ਖੋਜਕਰਤਾ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰਨਗੇ ਕਿ ਸਰੀਰ ਦੇ ਅੰਦਰਲੇ ਅੰਗਾਂ ਤੋਂ ਦਰਦ ਦੇ ਸੰਕੇਤ ਲੈ ਕੇ ਜਾਣ ਵਾਲੀਆਂ ਨਾੜੀਆਂ ਬਹੁਤ ਜ਼ਿਆਦਾ ਸੰਵੇਦਨਸ਼ੀਲ ਜਾਂ ਸਰਗਰਮ ਕਿਉਂ ਹੋ ਜਾਂਦੀਆਂ ਹਨ। ਇਸ ਤੋਂ ਬਾਅਦ ਅਜਿਹੇ ਨਵੇਂ ਇਲਾਜਾਂ ਦੀ ਜਾਂਚ ਕੀਤੀ ਜਾਵੇਗੀ ਜੋ ਦਰਦ ਦੇ ਸੰਕੇਤ ਦਿਮਾਗ ਅਤੇ ਰੀੜ੍ਹ ਦੀ ਹੱਡੀ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਉਨ੍ਹਾਂ ਨੂੰ ਰੋਕ ਸਕਣ।
ਇਸ ਪ੍ਰਾਜੈਕਟ ਵਿੱਚ ਦੁਨੀਆ ਦੇ ਪ੍ਰਮੁੱਖ ਖੋਜਕਰਤਾ, ਉਦਯੋਗਿਕ ਭਾਈਵਾਲ ਅਤੇ ਲੰਬੇ ਸਮੇਂ ਦੇ visceral pain ਨਾਲ ਜੀ ਰਹੇ ਲੋਕ ਵੀ ਸ਼ਾਮਲ ਹੋਣਗੇ। ਇਸ ਦਾ ਮਕਸਦ ਨਵੇਂ ਇਲਾਜਾਂ ਨੂੰ ਜਲਦੀ ਵਿਕਸਤ ਕਰਨਾ ਅਤੇ ਮਰੀਜ਼ਾਂ ਤੱਕ ਪਹੁੰਚਾਉਣਾ ਹੈ। ਅੰਕੜਿਆਂ ਮੁਤਾਬਕ, ਆਸਟ੍ਰੇਲੀਆ ਵਿੱਚ ਹਰ ਪੰਜ ਵਿੱਚੋਂ ਇੱਕ ਵਿਅਕਤੀ chronic visceral pain ਤੋਂ ਪ੍ਰਭਾਵਿਤ ਹੁੰਦਾ ਹੈ। ਇਹ ਲੰਬੇ ਸਮੇਂ ਦੇ ਦਰਦ ਦੀਆਂ ਸਭ ਤੋਂ ਘੱਟ ਸਮਝੀਆਂ ਗਈਆਂ ਅਤੇ ਇਲਾਜ ਕਰਨ ਵਿੱਚ ਮੁਸ਼ਕਲ ਕਿਸਮਾਂ ਵਿੱਚੋਂ ਇੱਕ ਹੈ।
ਪ੍ਰੋਫੈਸਰ ਬ੍ਰੀਅਰਲੀ ਨੇ ਕਿਹਾ ਕਿ chronic visceral pain ਨਾਲ ਜੀਅ ਰਹੇ ਲੋਕ ਅਜਿਹੇ ਇਲਾਜ ਚਾਹੁੰਦੇ ਹਨ ਜੋ ਸਿਰਫ਼ ਦਰਦ ਦੇ ਲੱਛਣਾਂ ਨੂੰ ਕੁਝ ਸਮੇਂ ਲਈ ਦਬਾਉਣ ਦੀ ਬਜਾਏ ਇਸ ਦੀ ਅਸਲ ਜੜ੍ਹ ਨੂੰ ਨਿਸ਼ਾਨਾ ਬਣਾਉਣ। ਉਨ੍ਹਾਂ ਕਿਹਾ, “ਸਾਡਾ ਟੀਚਾ chronic visceral pain ਨੂੰ ਉਸ ਦੀ ਜੜ੍ਹ ’ਤੇ ਰੋਕਣਾ ਹੈ। ਇਸ ਲਈ ਅਸੀਂ ਉਨ੍ਹਾਂ ਨਾੜੀਆਂ ਨੂੰ ਨਿਸ਼ਾਨਾ ਬਣਾਉਣਾ ਚਾਹੁੰਦੇ ਹਾਂ ਜੋ ਦਰਦ ਦੇ ਸੰਕੇਤ ਪੈਦਾ ਕਰਦੀਆਂ ਅਤੇ ਅੱਗੇ ਭੇਜਦੀਆਂ ਹਨ। ਜੇ ਅਸੀਂ ਇਹ ਸਹੀ ਤਰ੍ਹਾਂ ਸਮਝ ਸਕੀਏ ਕਿ ਇਹ ਦਰਦ ਵਾਲੇ ਰਸਤੇ ਬਹੁਤ ਜ਼ਿਆਦਾ ਸਰਗਰਮ ਕਿਵੇਂ ਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ ਬੰਦ ਕਰਨ ਦੇ ਨਵੇਂ ਤਰੀਕੇ ਵਿਕਸਤ ਕੀਤੇ ਜਾ ਸਕਦੇ ਹਨ।”
ਖੋਜ ਵਿੱਚ IBS, IBD ਅਤੇ endometriosis ਦੇ ਮੈਡੀਕਲ ਤੌਰ ’ਤੇ ਪ੍ਰਮਾਣਿਤ ਮਾਡਲਾਂ ਦੀ ਵਰਤੋਂ ਕੀਤੀ ਜਾਵੇਗੀ। ਇਸ ਦੇ ਨਾਲ ਮਰੀਜ਼ਾਂ ਤੋਂ ਪ੍ਰਾਪਤ ਕੀਤੇ laboratory models ਦੀ ਵੀ ਵਰਤੋਂ ਹੋਵੇਗੀ। ਇਸ ਰਾਹੀਂ ਦਰਦ ਲਗਾਤਾਰ ਬਣੇ ਰਹਿਣ ਦੇ ਜੈਵਿਕ ਕਾਰਨਾਂ ਨੂੰ ਸਮਝਣ ਅਤੇ ਨਵੇਂ ਇਲਾਜੀ ਨਿਸ਼ਾਨੇ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਵਿਗਿਆਨੀ ਕੁਝ ਨਵੇਂ ਤਰੀਕਿਆਂ ਦੀ ਵੀ ਜਾਂਚ ਕਰਨਗੇ। ਇਨ੍ਹਾਂ ਵਿੱਚ ਜ਼ਹਿਰ ਤੋਂ ਤਿਆਰ ਕੀਤੇ ਗਏ ਖਾਸ peptides ਅਤੇ ਤਿਆਰ ਕੀਤੇ ਹੋਏ proteins ਸ਼ਾਮਲ ਹਨ, ਜੋ ਦਰਦ ਦੇ ਸੰਕੇਤ ਭੇਜਣ ਵਾਲੀਆਂ ਨਾੜੀਆਂ ਨੂੰ ਖਾਸ ਤੌਰ ’ਤੇ ਨਿਸ਼ਾਨਾ ਬਣਾ ਸਕਦੇ ਹਨ।
ਇਹ ਖੋਜ ਪ੍ਰੋਫੈਸਰ ਬ੍ਰੀਅਰਲੀ ਅਤੇ ਉਨ੍ਹਾਂ ਦੇ ਸਾਥੀਆਂ ਵੱਲੋਂ ਪਿਛਲੇ ਦਸ ਸਾਲ ਤੋਂ ਵੱਧ ਸਮੇਂ ਤੋਂ ਕੀਤੇ ਜਾ ਰਹੇ ਕੰਮ ’ਤੇ ਆਧਾਰਿਤ ਹੈ। ਉਨ੍ਹਾਂ ਦੀ ਖੋਜ ਨੇ ਇਹ ਸਮਝਣ ਵਿੱਚ ਮਦਦ ਕੀਤੀ ਹੈ ਕਿ ਦਰਦ ਦੇ ਸੰਕੇਤ ਆਂਤੜੀਆਂ ਤੋਂ ਦਿਮਾਗ ਤੱਕ ਕਿਵੇਂ ਜਾਂਦੇ ਹਨ ਅਤੇ ਭਵਿੱਖ ਦੇ ਨਵੇਂ ਇਲਾਜਾਂ ਲਈ ਰਾਹ ਤਿਆਰ ਕੀਤਾ ਹੈ।
ਪ੍ਰੋਫੈਸਰ ਬ੍ਰੀਅਰਲੀ ਨੇ ਕਿਹਾ ਕਿ chronic visceral pain ਲੋਕਾਂ ਦੀ ਜ਼ਿੰਦਗੀ ’ਤੇ ਡੂੰਘਾ ਅਸਰ ਪਾ ਸਕਦਾ ਹੈ। ਇਸ ਨਾਲ ਸਰੀਰਕ ਸਿਹਤ, ਮਾਨਸਿਕ ਤੰਦਰੁਸਤੀ ਅਤੇ ਰੋਜ਼ਾਨਾ ਦੀਆਂ ਗਤੀਵਿਧੀਆਂ ਵਿੱਚ ਹਿੱਸਾ ਲੈਣ ਦੀ ਸਮਰੱਥਾ ਪ੍ਰਭਾਵਿਤ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਪਿਛਲੇ ਕਈ ਸਾਲਾਂ ਦੌਰਾਨ ਖੋਜਕਰਤਾਵਾਂ ਨੇ ਇਸ ਕੰਮ ਲਈ ਲੋੜੀਂਦੀ ਬੁਨਿਆਦ ਤਿਆਰ ਕੀਤੀ ਹੈ ਅਤੇ ਹੁਣ ਅਗਲਾ ਕਦਮ ਚੁੱਕਣ ਦਾ ਸਮਾਂ ਹੈ। ਉਮੀਦ ਹੈ ਕਿ ਇਹ ਖੋਜ ਦੁਨੀਆ ਭਰ ਦੇ chronic pain ਨਾਲ ਪੀੜਤ ਲੋਕਾਂ ਲਈ ਲੰਬੇ ਸਮੇਂ ਦੀ ਰਾਹਤ ਅਤੇ ਬਿਹਤਰ ਜੀਵਨ ਦੀ ਗੁਣਵੱਤਾ ਲਿਆਉਣ ਵਿੱਚ ਮਦਦ ਕਰੇਗੀ।