ਫੌਜਾ ਸਿੰਘ ‘ਤੇ ਬਣੇਗੀ ਬਾਲੀਵੁੱਡ ਫਿਲਮ

ਮੁੰਬਈ – ਮਸ਼ਹੂਰ ਮਰਹੂਮ ਲੇਖਕ ਖੁਸ਼ਵੰਤ ਸਿੰਘ ਦੀ ਕਿਤਾਬ ‘ਟਰਬਨ ਟੋਰਨੈਡੋ’ ਉੱਤੇ ਫਿਲਮ ਬਣਨ ਜਾ ਰਹੀ ਹੈ | ਇਹ ਫਿਲਮ 109 ਸਾਲਾ ਦੌੜਾਕ ਫੌਜਾ ਸਿੰਘ ‘ਤੇ ਅਧਾਰਤ ਹੋਵੇਗੀ ਤੇ ਫਿਲਮ ਦਾ ਨਾਂਅ ‘ਫੌਜਾ’ ਹੋਵੇਗਾ | ਫਿਲਮ ਨੂੰ ਓਮੰਗ ਕੁਮਾਰ ਬਣਾ ਰਹੇ ਹਨ, ਜਿਹੜੇ ਇਸ ਤੋਂ ਪਹਿਲਾਂ ‘ਮੈਰੀਕਾਮ’ ਤੇ ‘ਸਰਬਜੀਤ’ ਵਰਗੀਆਂ ਫਿਲਮਾਂ ਬਣਾ ਚੁੱਕੇ ਹਨ | ਓਮੰਗ ਨੇ ਦੱਸਿਆ ਕਿ ਫੌਜਾ ਸਿੰਘ ਦੀ ਕਹਾਣੀ ਉਨ੍ਹਾ ਵਿਰੁੱਧ ਡਾਹੇ ਅੜਿੱਕਿਆਂ ਅਤੇ ਇੱਛਾ-ਸ਼ਕਤੀ ਨਾਲ ਪੈਰਾਂ ਉੱਤੇ ਖੜ੍ਹੇ ਹੋਣ ਨੂੰ ਦਰਸਾਉਂਦੀ ਹੈ | ਫਿਲਮ ਦੇ ਸਹਿ-ਨਿਰਮਾਤਾ ਰਾਜ ਸ਼ਾਂਡਿਲਯ ਨੇ ਦੱਸਿਆ—ਫੌਜਾ ਸਿੰਘ ਇਕ ਅਸਲੀ ਹੀਰੋ ਹਨ | ਇਹ ਫਿਲਮ ਸਾਨੂੰ ਅਜਿਹੇ ਸਫਰ ‘ਤੇ ਲੈ ਜਾਵੇਗੀ, ਜਿਥੇ ਸਾਨੂੰ ਅਹਿਸਾਸ ਹੋਵੇਗਾ ਕਿ ਸਾਡੇ ਦਾਦਾ-ਦਾਦੀ ਕਿਹੜੇ ਉਤਰਾਵਾਂ-ਚੜ੍ਹਾਵਾਂ ਤੋਂ ਗੁਜ਼ਰੇ |