ਆਈਪੀਐਲ 2026 ਦੇ ਪਲੇਆਫ ਮੈਚਾਂ ਲਈ ਸਥਾਨਾਂ ਨੂੰ ਅੰਤਿਮ ਰੂਪ ਦੇ ਦਿੱਤਾ ਗਿਆ ਹੈ। ਫਾਈਨਲ ਮੈਚ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਪਹਿਲਾਂ ਇਹ ਮੈਚ ਬੈਂਗਲੁਰੂ ਦੇ ਐਮæ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਹੋਣਾ ਤੈਅ ਸੀ। ਹੁਣ ਕਰਨਾਟਕ ਸਟੇਟ ਕ੍ਰਿਕਟ ਐਸੋਸੀਏਸ਼ਨ ਨੇ ਬੀਸੀਸੀਆਈ ਦੇ ਫੈਸਲੇ ‘ਤੇ ਨਿਰਾਸ਼ਾ ਪ੍ਰਗਟ ਕੀਤੀ ਹੈ।
ਆਈਪੀਐਲ ਦੀ ਮੈਚ ਪਰੰਪਰਾ ਦੇ ਅਨੁਸਾਰ ਕਿਉਂਕਿ ਰਾਇਲ ਚੈਲੇਂਜਰਜ਼ ਬੰਗਲੁਰੂ ਮੌਜੂਦਾ ਚੈਂਪੀਅਨ ਹੈ, ਇਸ ਲਈ ਫਾਈਨਲ ਮੈਚ ਰਵਾਇਤੀ ਤੌਰ ‘ਤੇ ਬੈਂਗਲੁਰੂ ਵਿੱਚ ਹੋਣਾ ਤੈਅ ਸੀ, ਪਰ ਬੀਸੀਸੀਆਈ ਨੇ ਇਸ ਮਹੱਤਵਪੂਰਨ ਮੈਚ ਨੂੰ ਬਿਨਾਂ ਕੋਈ ਖਾਸ ਕਾਰਨ ਦੱਸੇ ਅਹਿਮਦਾਬਾਦ ਵਿੱਚ ਤਬਦੀਲ ਕਰ ਦਿੱਤਾ। ਕਰਨਾਟਕ ਸਟੇਟ ਕ੍ਰਿਕਟ ਐਸੋਸੀਏਸ਼ਨ ਦੇ ਪ੍ਰਧਾਨ ਵੈਂਕਟੇਸ਼ ਪ੍ਰਸਾਦ ਨੇ ਆਈਪੀਐਲ 2026 ਦੀ ਸ਼ੁਰੂਆਤ ਵਿੱਚ ਐਲਾਨ ਕੀਤਾ ਸੀ ਕਿ ਬੀਸੀਸੀਆਈ ਨੇ ਬੈਂਗਲੁਰੂ ਨੂੰ ਸੱਤ ਮੈਚ ਦੇਣ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਵਿੱਚ ਪੰਜ ਆਰਸੀਬੀ ਘਰੇਲੂ ਮੈਚ, ਇੱਕ ਪਲੇਆਫ ਅਤੇ ਫਾਈਨਲ ਸ਼ਾਮਲ ਸਨ।
ਪਿਛਲੇ ਸਾਲ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਆਰਸੀਬੀ ਦੇ ਜਿੱਤ ਦੇ ਜਸ਼ਨ ਦੌਰਾਨ ਭਗਦੜ ਵਿੱਚ 11 ਪ੍ਰਸ਼ੰਸਕਾਂ ਦੀ ਮੌਤ ਹੋ ਗਈ ਸੀ। ਉਸ ਤੋਂ ਬਾਅਦ ਸਟੇਡੀਅਮ ਵਿੱਚ ਕੋਈ ਅੰਤਰਰਾਸ਼ਟਰੀ ਮੈਚ ਨਹੀਂ ਖੇਡਿਆ ਗਿਆ ਹੈ। ਆਈਪੀਐਲ ਪਲੇਆਫ ਮੈਚਾਂ ਨੂੰ ਨਾ ਦਿੱਤੇ ਜਾਣ ਦੇ ਬਾਵਜੂਦ ਮ੍ਰਿਤੁੰਜਯ ਨੇ ਦੁਹਰਾਇਆ ਕਿ, “ਕੇਐਸਸੀਏ ਹੁਣ ਸਾਰੇ ਪੱਧਰਾਂ ‘ਤੇ ਮੈਚਾਂ ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।”
ਇਸ ਸਾਲ ਦੇ ਅੰਤ ਵਿੱਚ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਵਾਪਸ ਆਵੇਗਾ। ਇਹ ਸਟੇਡੀਅਮ 17 ਅਕਤੂਬਰ ਨੂੰ ਭਾਰਤ ਅਤੇ ਵੈਸਟਇੰਡੀਜ਼ ਵਿਚਕਾਰ ਪੰਜਵਾਂ ਟੀ-20 ਅੰਤਰਰਾਸ਼ਟਰੀ ਮੈਚ ਮੇਜ਼ਬਾਨੀ ਕਰੇਗਾ। ਭਾਰਤ ਅਤੇ ਸ਼੍ਰੀਲੰਕਾ ਵਿਚਕਾਰ ਦੂਜਾ ਵਨਡੇ ਵੀ 16 ਦਸੰਬਰ ਨੂੰ ਉੱਥੇ ਖੇਡਿਆ ਜਾਵੇਗਾ।