ਪੇਸ਼ਾਵਰ – ਭਾਰਤ ਦੇ ਗੁਆਂਢੀ ਦੇਸ਼ ਪਾਕਿਸਤਾਨ ਵਿੱਚ ਗਰਮੀ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਪਾਕਿਸਤਾਨ ਦੇ ਦੱਖਣੀ ਸੂਬੇ ਸਿੰਧ ਵਿੱਚ ਤਾਪਮਾਨ 52 ਡਿਗਰੀ ਸੈਲਸੀਅਸ (125.6 ਡਿਗਰੀ ਫਾਰਨਹੀਟ) ਤੋਂ ਪਾਰ ਹੋ ਚੁੱਕਾ ਹੈ, ਜੋ ਗਰਮੀਆਂ ਦੀ ਸਭ ਤੋਂ ਵੱਧ ਰੀਡਿੰਗ ਹੈ ਅਤੇ ਲੂ ਵੀ ਰਿਕਾਰਡ ਉੱਚਤਮ ਪੱਧਰ ਨੇੜੇ ਹੈ। ਸਿੰਧ ਦੇ ਸ਼ਹਿਰ ਮੋਹੰਜੋਦੜੋ, ਜੋ ਕਿ ਸਿੰਧੂ ਘਾਟੀ ਸਭਿਅਤਾ ਦੇ ਪੁਰਾਤੱਤਵ ਸਥਾਨਾਂ ਲਈ ਜਾਣੇ ਜਾਂਦੇ ਹਨ, ਦਾ ਤਾਪਮਾਨ ਪਿਛਲੇ 24 ਘੰਟਿਆਂ ਵਿੱਚ 52.2 ਡਿਗਰੀ ਸੈਲਸੀਅਸ (126 6) ਤੱਕ ਵੱਧ ਗਿਆ। ਮੋਹੰਜੋਦੜੋ ਇੱਕ ਛੋਟਾ ਜਿਹਾ ਸ਼ਹਿਰ ਹੈ, ਜਿੱਥੇ ਸਖ਼ਤ ਗਰਮੀ ਅਤੇ ਹਲਕੀ ਸਰਦੀ ਅਤੇ ਘੱਟ ਬਾਰਿਸ਼ ਹੁੰਦੀ ਹੈ।ਅੰਤਰਰਾਸ਼ਟਰੀ ਵਿਗਿਆਨੀਆਂ ਦੀ ਇੱਕ ਟੀਮ ਅਨੁਸਾਰ ਮਨੁੱਖੀ-ਪ੍ਰੇਰਿਤ ਜਲਵਾਯੂ ਪਰਿਵਰਤਨ ਦੇ ਨਤੀਜੇ ਵਜੋਂ ਪਿਛਲੇ ਮਹੀਨੇ ਏਸ਼ੀਆ ਭਰ ਵਿੱਚ ਤਾਪਮਾਨ ਵਿਚ ਵਾਧਾ ਦਰਜ ਕੀਤਾ ਗਿਆ। ਜਲਵਾਯੂ ‘ਤੇ ਪ੍ਰਧਾਨ ਮੰਤਰੀ ਦੀ ਕੋਆਰਡੀਨੇਟਰ ਰੁਬੀਨਾ ਖੁਰਸ਼ੀਦ ਆਲਮ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਪਾਕਿਸਤਾਨ ਜਲਵਾਯੂ ਪਰਿਵਰਤਨ ਦੇ ਪ੍ਰਭਾਵ ਲਈ ਪੰਜਵਾਂ ਸਭ ਤੋਂ ਕਮਜ਼ੋਰ ਦੇਸ਼ ਹੈ। ਪਾਕਿਸਤਾਨ ‘’ਚ ਆਮ ਨਾਲੋਂ ਜ਼ਿਆਦਾ ਬਾਰਿਸ਼, ਹੜ੍ਹ ਦੇਖਣ ਨੂੰ ਮਿਲੇ ਹਨ ਅਤੇ ਸਰਕਾਰ ਵੀ ਹੀਟਵੇਵ ਕਾਰਨ ਜਾਗਰੂਕਤਾ ਮੁਹਿੰਮ ਚਲਾ ਰਹੀ ਹੈ।ਮੀਡੀਆ ਰਿਪੋਰਟਾਂ ਅਨੁਸਾਰ ਪਾਕਿਸਤਾਨ ਵਿੱਚ ਸਭ ਤੋਂ ਵੱਧ ਤਾਪਮਾਨ 2017 ਵਿੱਚ ਦਰਜ ਕੀਤਾ ਗਿਆ ਸੀ ਜਦੋਂ ਬਲੋਚਿਸਤਾਨ ਦੇ ਦੱਖਣ-ਪੱਛਮੀ ਸੂਬੇ ਵਿੱਚ ਸਥਿਤ ਤੁਰਬਤ ਸ਼ਹਿਰ ਵਿੱਚ ਤਾਪਮਾਨ 54 ਡਿਗਰੀ ਸੈਲਸੀਅਸ (129.2 6) ਤੱਕ ਪਹੁੰਚ ਗਿਆ ਸੀ, ਪਾਕਿਸਤਾਨ ਦੇ ਮੌਸਮ ਵਿਭਾਗ ਦੇ ਮੁੱਖ ਮੌਸਮ ਵਿਗਿਆਨੀ ਸਰਦਾਰ ਸਰਫਰਾਜ਼ ਨੇ ਕਿਹਾ ਏਸ਼ੀਆ ਦਾ ਦੂਜਾ ਸਭ ਤੋਂ ਗਰਮ ਤਾਪਮਾਨ ਅਤੇ ਦੁਨੀਆ ਦਾ ਚੌਥਾ ਸਭ ਤੋਂ ਗਰਮ ਤਾਪਮਾਨ ਹੈ।
ਹੀਟਵੇਵ ਨਾਲ ਝੁਲਸਿਆ ਪਾਕਿਸਤਾਨ, ਪਾਰਾ 52 ਡਿਗਰੀ ਤੋਂ ਹੋਇਆ ਪਾਰ
