ਚੀਨ ਨੇ ਕੀਤੇ ਹੈਨਾਨ, ਗੁਆਂਗਡੋਂਗ ਨੂੰ 200 ਮਿਲੀਅਨ ਯੂਆਨ ਆਫ਼ਤ ਰਾਹਤ ਫੰਡ ਪ੍ਰਦਾਨ

ਬੀਜਿੰਗ – ਚੀਨ ਦੇ ਚੋਟੀ ਦੇ ਆਰਥਿਕ ਯੋਜਨਾਕਾਰ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਹੈਨਾਨ ਅਤੇ ਗੁਆਂਗਡੋਂਗ ਸੂਬਿਆਂ ’ਚ ਆਫ਼ਤ ਰਾਹਤ ਅਤੇ ਰਿਕਵਰੀ ਦੇ ਯਤਨਾਂ ਨੂੰ ਸਮਰਥਨ ਦੇਣ ਲਈ ਕੇਂਦਰੀ ਬਜਟ ਤੋਂ 200 ਮਿਲੀਅਨ ਯੂਆਨ (ਲਗਭਗ 28.2 ਮਿਲੀਅਨ ਡਾਲਰ) ਅਲਾਟ ਕੀਤੇ ਗਏ ਹਨ। ਸਿਨਹੂਆ ਦੀ ਨਿਊਜ਼ ਏਜੰਸੀ ਨੇ ਦੱਸਿਆ ਕਿ ਨੈਸ਼ਨਲ ਡਿਵੈਲਪਮੈਂਟ ਐਂਡ ਰਿਫਾਰਮ ਕਮਿਸ਼ਨ ਦੇ ਅਨੁਸਾਰ ਫੰਡ ਦੀ ਵਰਤੋਂ ਸੜਕਾਂ, ਪੁਲਾਂ, ਪਾਣੀ ਦੀ ਸੰਭਾਲ ਦੀਆਂ ਸਹੂਲਤਾਂ, ਸਕੂਲਾਂ ਅਤੇ ਹਸਪਤਾਲਾਂ ਸਮੇਤ ਨੁਕਸਾਨੇ ਗਏ ਬੁਨਿਆਦੀ ਢਾਂਚੇ ਦੀ ਤੁਰੰਤ ਮੁਰੰਮਤ ਕਰਨ ਅਤੇ ਆਮ ਜੀਵਨ ਅਤੇ ਕੰਮਕਾਜੀ ਸਥਿਤੀਆਂ ਦੀ ਛੇਤੀ ਬਹਾਲੀ ਦੀ ਸਹੂਲਤ ਲਈ ਕੀਤੀ ਜਾਵੇਗੀ।ਇਸ ਦੌਰਾਨ ਇਸ ਸਾਲ ਦਾ 11ਵਾਂ ਤੂਫਾਨ ਸੁਪਰ ਟਾਈਫੂਨ ਯਾਗੀ ਸ਼ੁੱਕਰਵਾਰ ਨੂੰ ਚੀਨ ’ਚ 2 ਵਾਰ ਟਕਰਾਇਆ। ਪਹਿਲਾਂ, ਹੈਨਾਨ ’ਚ ਅਤੇ ਫਿਰ ਗੁਆਂਗਡੋਂਗ ’ਚ। ਚੀਨ ਦੇ ਜਲ ਸਰੋਤ ਮੰਤਰਾਲਾ ਨੇ ਸ਼ਨੀਵਾਰ ਨੂੰ ਛੋਟੇ ਅਤੇ ਮੱਧਮ ਆਕਾਰ ਦੇ ਜਲ ਭੰਡਾਰਾਂ ਦੀ ਸੁਰੱਖਿਆ ਅਤੇ ਪ੍ਰਭਾਵਿਤ ਖੇਤਰਾਂ ’ਚ ਛੋਟੀਆਂ ਅਤੇ ਮੱਧਮ ਆਕਾਰ ਦੀਆਂ ਨਦੀਆਂ ਅਤੇ ਪਹਾੜੀ ਨਦੀਆਂ ’ਚ ਸੰਭਾਵਿਤ ਹੜ੍ਹਾਂ ਦੇ ਜੋਖਮਾਂ ‘ਤੇ ਧਿਆਨ ਕੇਂਦਿ੍ਰਤ ਕਰਦੇ ਹੋਏ ਇਕ ਵਿਆਪਕ ਮੁਲਾਂਕਣ ਕੀਤਾ। ਇਸ ਦੇ ਇਲਾਵਾ ਮੰਤਰਾਲਾ ਨੇ ਹੈਨਾਨ, ਗੁਆਂਗਡੋਂਗ, ਗੁਆਂਗਸੀ ਅਤੇ ਯੂਨਾਨ ’ਚ ਹੜ੍ਹ ਰੋਕੂ ਯਤਨਾਂ ਦੀ ਅਗਵਾਈ ਕਰਨ ਲਈ ਚਾਰ ਟਾਸਕ ਫੋਰਸ ਭੇਜੇ ਹਨ।