ਟੋਕੀਓ – ਟੋਕੀਓ ਆਪਣੇ ਨਾਗਰਿਕਾਂ ਨੂੰ ਲੇਬਨਾਨ ਛੱਡਣ ਦੀ ਅਪੀਲ ਕਰ ਰਿਹਾ ਹੈ। ਜਾਪਾਨ ਦੇ ਉੱਚ ਸਰਕਾਰੀ ਬੁਲਾਰੇ ਨੇ ਸ਼ੁੱਕਰਵਾਰ ਨੂੰ ਇਸ ਸਬੰਧੀ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਇਸ ਦੇ ਨਾਲ ਹੀ ਇਹ ਵੀ ਖਬਰਾਂ ਹਨ ਕਿ ਜਾਪਾਨ ਆਪਣੇ ਨਾਗਰਿਕਾਂ ਨੂੰ ਲੇਬਨਾਨ ਤੋਂ ਕੱਢਣ ਲਈ ਫੌਜੀ ਜਹਾਜ਼ਾਂ ਨੂੰ ਭੇਜਣ ਦੀ ਯੋਜਨਾ ਬਣਾ ਰਿਹਾ ਹੈ।ਇਜ਼ਰਾਈਲੀ ਬੰਬਾਰੀ ਨੇ ਇਸ ਹਫਤੇ ਲੇਬਨਾਨ ਵਿਚ, ਖਾਸ ਤੌਰ ‘ਤੇ ਹਿਜ਼ਬੁੱਲਾ ਦੇ ਗੜ੍ਹਾਂ ‘ਚ ਸੈਂਕੜੇ ਲੋਕਾਂ ਦੀ ਜਾਨ ਲੈ ਲਈ ਹੈ, ਜਦੋਂ ਕਿ ਅੱਤਵਾਦੀ ਸਮੂਹ ਨੇ ਰਾਕੇਟ ਬੈਰਾਜਾਂ ਨਾਲ ਜਵਾਬੀ ਕਾਰਵਾਈ ਕੀਤੀ ਹੈ। ਮੁੱਖ ਕੈਬਨਿਟ ਸਕੱਤਰ ਯੋਸ਼ੀਮਾਸਾ ਹਯਾਸ਼ੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਅਸੀਂ ਇਸ ਸਮੇਂ ਲੇਬਨਾਨ ‘ਚ ਰਹਿ ਰਹੇ ਜਾਪਾਨੀ ਨਾਗਰਿਕਾਂ ਦੀ ਸੁਰੱਖਿਆ ਦੀ ਜਾਂਚ ਕਰ ਰਹੇ ਹਾਂ, ਨਾਲ ਹੀ ਉਨ੍ਹਾਂ ਨੂੰ ਦੇਸ਼ ਛੱਡਣ ਦੀ ਅਪੀਲ ਕਰ ਰਹੇ ਹਾਂ ਜਦੋਂ ਕਿ ਨਿਯਮਤ ਵਪਾਰਕ ਉਡਾਣਾਂ ਚੱਲ ਰਹੀਆਂ ਹਨ। ਇਸ ਦੌਰਾਨ ਜਾਪਾਨੀ ਮੀਡੀਆ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਫੌਜੀ ਜਹਾਜ਼ਾਂ ਨੂੰ ਜੌਰਡਨ ਭੇਜਣ ਲਈ ਫਿਲਹਾਲ ਪ੍ਰਬੰਧ ਚੱਲ ਰਹੇ ਹਨ, ਜਿੱਥੇ ਉਹ ਸਟੈਂਡਬਾਏ ‘ਤੇ ਰਹਿਣਗੇ।
ਤੁਰੰਤ ਛੱਡ ਦਿਓ ਲੇਬਨਾਨ, ਹੁਣ ਜਾਪਾਨ ਨੇ ਆਪਣੇ ਨਾਗਰਿਕਾਂ ਨੂੰ ਕੀਤੀ ਅਪੀਲ
