ਕਾਂਗੋ ਵਿੱਚ ਮੰਕੀਪੌਕਸ ਦੀ ਰੋਕਥਾਮ ਲਈ ਟੀਕਾਕਰਨ ਮੁਹਿੰਮ ਸ਼ੁਰੂ

ਗੋਮਾ (ਕਾਂਗੋ) – ਕਾਂਗੋ ਵਿੱਚ ਮੰਕੀਪੌਕਸ ਦੀ ਰੋਕਥਾਮ ਲਈ ਟੀਕਾਕਰਨ ਮੁਹਿੰਮ ਸ਼ੁਰੂ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਦੋ ਮਹੀਨੇ ਪਹਿਲਾਂ ਕਾਂਗੋ ਵਿੱਚ ਮੰਕੀਪੌਕਸ ਦੇ ਸੰਕਰਮਣ ਦੇ ਮਾਮਲੇ ਸਾਹਮਣੇ ਆਏ ਸਨ ਅਤੇ ਇਸ ਤੋਂ ਬਾਅਦ ਇਹ ਲਾਗ ਕਈ ਅਫਰੀਕੀ ਦੇਸ਼ਾਂ ਅਤੇ ਹੋਰ ਥਾਵਾਂ ‘ਤੇ ਫੈਲ ਗਈ। ਸੰਕਰਮਣ ਦੇ ਮਾਮਲਿਆਂ ਦੇ ਮੱਦੇਨਜ਼ਰ ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਨੂੰ ਵਿਸ਼ਵਵਿਆਪੀ ਐਮਰਜੈਂਸੀ ਘੋਸ਼ਿਤ ਕੀਤਾ ਹੈ। ਯੂਰਪੀਅਨ ਯੂਨੀਅਨ ਅਤੇ ਅਮਰੀਕਾ ਨੇ ਕਾਂਗੋ ਨੂੰ ਟੀਕਿਆਂ ਦੀਆਂ 265,000 ਖੁਰਾਕਾਂ ਭੇਜੀਆਂ ਹਨ। ਇਹ ਖੁਰਾਕਾਂ ਉੱਤਰੀ ਕਿਵੂ ਸੂਬੇ ਦੇ ਪੂਰਬੀ ਸ਼ਹਿਰ ਗੋਮਾ ਵਿੱਚ ਲੋਕਾਂ ਨੂੰ ਦਿੱਤੀਆਂ ਜਾ ਰਹੀਆਂ ਹਨ। ਕਾਂਗੋ ਵਿੱਚ ਮੰਕੀਪੌਕਸ ਦੇ ਲਗਭਗ 30,000 ਸ਼ੱਕੀ ਮਾਮਲੇ ਹਨ ਅਤੇ ਇਸ ਨਾਲ 859 ਮੌਤਾਂ ਹੋਈਆਂ ਹਨ। ਮੱਧ ਅਫ਼ਰੀਕੀ ਦੇਸ਼ ਦੇ ਸਾਰੇ 26 ਸੂਬਿਆਂ ਵਿੱਚ ਇਸ ਲਾਗ ਦੇ ਮਾਮਲੇ ਸਾਹਮਣੇ ਆਏ ਹਨ। ਦੇਸ਼ ਦੇ ਸਿਹਤ ਮੰਤਰੀ ਰੋਜਰ ਕਾਂਬਾ ਨੇ ਇਸ ਹਫਤੇ ਕਿਹਾ ਕਿ ਕਾਂਗੋ ਵਿੱਚ ਸੰਕਰਮਣ ਅਤੇ ਮੌਤ ਦੇ ਜ਼ਿਆਦਾਤਰ ਮਾਮਲੇ 15 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਵਿੱਚ ਪਾਏ ਗਏ ਹਨ ਪਰ ਟੀਕਾਕਰਨ ਸਿਰਫ ਬਾਲਗਾਂ ਲਈ ਕੀਤਾ ਜਾ ਰਿਹਾ ਹੈ।