ਬੌਲੀਵੁੱਡ ਅਦਾਕਾਰ ਅਕਸ਼ੈ ਕੁਮਾਰ ਨੇ ਕਿਹਾ ਹੈ ਕਿ ਉਸ ਨੇ ਆਪਣੇ 33 ਸਾਲਾਂ ਦੇ ਕਰੀਅਰ ਦੌਰਾਨ ਸਖਤ ਮਿਹਨਤ ਕੀਤੀ ਹੈ ਅਤੇ ਉਹ ਇਸ ਸਾਲ ਵਧੀਆ ਫਿਲਮਾਂ ਜ਼ਰੀਏ ਦਰਸ਼ਕਾਂ ਦਾ ਮਨੋਰੰਜਨ ਕਰਨਾ ਚਾਹੁੰਦੇ ਹਨ। ਉਸ ਦੀਆਂ ਸਾਲ 2024 ਦੀਆਂ ਫਿਲਮਾਂ ‘ਬੜੇ ਮੀਆਂ ਛੋਟੇ ਮੀਆਂ’, ‘ਸਿਰਫਿਰਾ’ ਅਤੇ ‘ਖੇਲ ਖੇਲ ਮੇਂ’ ਤੇ ਹੋਰ ਬਾਕਸ ਆਫਿਸ ’ਤੇ ਵਧੀਆ ਪ੍ਰਦਰਸ਼ਨ ਨਹੀਂ ਕਰ ਸਕੀਆਂ ਜਦਕਿ ਉਸ ਦੀ ਕੈਮਿਓ (ਥੋੜ੍ਹੇ ਸਮੇਂ ਦਾ ਕਿਰਦਾਰ) ਵਜੋਂ ਆਈਆਂ ਫਿਲਮਾਂ ‘ਸਤ੍ਰੀ 2’ ਅਤੇ ‘ਸਿੰਘਮ ਅਗੇਨ’ ਬਾਕਸ ਆਫਿਸ ’ਤੇ ਹਿੱਟ ਰਹੀਆਂ।
ਇਸ ਸਾਲ ਅਕਸ਼ੈ ਦੀ ਅਗਲੀ ਫਿਲਮ ‘ਸਕਾਈ ਫੋਰਸ’ ਆ ਰਹੀ ਹੈ ਜਿਸ ਵਿੱਚ ਉਹ ਭਾਰਤੀ ਹਵਾਈ ਫੌਜ ਦੇ ਅਧਿਕਾਰੀ ਦਾ ਕਿਰਦਾਰ ਨਿਭਾਅ ਰਿਹਾ ਹੈ। ਅਕਸ਼ੈ ਨੇ ਕਿਹਾ, ‘ਮੈਂ ਆਪਣੇ ਕਰੀਅਰ ਵਿੱਚ ਕਈ ਵਾਰ ਮੰਦੀ ਦੇਖੀ ਹੈ। ਇਹ ਪਹਿਲੀ ਵਾਰ ਨਹੀਂ ਹੋਇਆ ਹੈ। ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਤੁਸੀਂ ਨਤੀਜਿਆਂ ਦੀ ਪ੍ਰਵਾਹ ਕੀਤੇ ਬਿਨਾਂ ਸਖਤ ਮਿਹਨਤ ਕਰਦੇ ਰਹੋ। ਜੇਕਰ ਕੋਈ ਮੇਰੇ ਨਾਲ ਇਸ ਬਾਰੇ ਗੱਲ ਕਰਦਾ ਹੈ ਤਾਂ ਮੈਂ ਉਸ ਨੂੰ ਵੀ ਇਹੀ ਕਹਿੰਦਾ ਹਾਂ ਕਿ ਤੁਸੀਂ ਸਖਤ ਮਿਹਨਤ ਕਰਦੇ ਰਹੋ।’ ‘ਸਕਾਈ ਫੋਰਸ’ ਦਾ ਟਰੇਲਰ ਜਾਰੀ ਕਰਦਿਆਂ ਉਸ ਨੇ ਕਿਹਾ ਕਿ, ‘ਬਹੁਤੇ ਲੋਕ ਮੈਨੂੰ ਸਾਲ ਵਿੱਚ ਇੱਕ ਫਿਲਮ ਜਾਂ ਵੱਧ ਤੋਂ ਵੱਧ ਦੋ ਫਿਲਮਾਂ ਕਰਨ ਦੀ ਸਲਾਹ ਦਿੰਦੇ ਹਨ …ਪਰ ਮੈਂ ਕਹਿੰਦਾ ਹਾਂ ਕਿ ਜੇਕਰ ਮੈਂ ਕੰਮ ਕਰ ਸਕਦਾ ਹਾਂ ਤਾਂ ਕਿਉਂ ਨਾ ਕਰਾਂ? ਮੇਰਾ ਸਾਰਾ ਕਰੀਅਰ ਫਿਲਮ ਸਨਅਤ ’ਤੇ ਆਧਾਰਿਤ ਰਿਹਾ ਹੈ।
ਅਕਸ਼ੇ ਕੁਮਾਰ ਦੀ ਆਉਣ ਵਾਲੀ ਫਿਲਮ ‘ਸਕਾਈ ਫੋਰਸ’ ਦਾ ਦੇਸ਼ ਭਗਤੀ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਅਕਸ਼ੈ ਕੁਮਾਰ, ਨਿਮਰਤ ਕੌਰ, ਸਾਰਾ ਅਲੀ ਖਾਨ ਅਤੇ ਸ਼ਰਦ ਕੇਲਕਰ ਤੋਂ ਇਲਾਵਾ ਵੀਰ ਪਹਾੜੀਆ ਨੂੰ ਇਸ ਫਿਲਮ ਦੇ ਵਿੱਚ ਪੇਸ਼ ਕੀਤਾ ਜਾ ਰਿਹਾ ਹੈ। ਫਿਲਮ ਦੀ ਕਹਾਣੀ 1965 ਵਿੱਚ ਪਾਕਿਸਤਾਨ ਉੱਤੇ ਭਾਰਤ ਦੇ ਪਹਿਲੇ ਹਵਾਈ ਹਮਲੇ ਅਤੇ ਇੱਕ ਭਾਰਤੀ ਹਵਾਈ ਸੈਨਾ ਦੇ ਸਿਪਾਹੀ ਦੀ ਹੈ ਜੋ ਮਿਸ਼ਨ ਵਿੱਚ ਲਾਪਤਾ ਹੋ ਗਿਆ ਸੀ। ਕੀ ਉਸਨੇ ਦੇਸ਼ਧ੍ਰੋਹ ਕੀਤਾ ਸੀ? ਕੀ ਅਕਸ਼ੇ ਉਸ ਨੂੰ ਵਾਪਸ ਲਿਆ ਸਕਣਗੇ, ਇਹ ਤਾਂ ਤੁਹਾਨੂੰ ਇਸ ਮਹੀਨੇ ਗਣਤੰਤਰ ਦਿਵਸ ‘ਤੇ ਪਤਾ ਲੱਗ ਜਾਵੇਗਾ।
ਫਿਲਮ ਦੀ ਕਹਾਣੀ ਸਾਲ 1965 ‘ਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਹੋਈ ਜੰਗ ਦੀ ਸੱਚੀ ਘਟਨਾ ‘ਤੇ ਆਧਾਰਿਤ ਹੈ। ਇਸ ‘ਚ ਭਾਰਤੀ ਹਵਾਈ ਫੌਜ ਨੇ ਪਾਕਿਸਤਾਨ ਦੇ ਸਰਗੋਧਾ ਏਅਰਬੇਸ ‘ਤੇ ਹਵਾਈ ਹਮਲਾ ਕੀਤਾ ਸੀ। ਇਹ ਭਾਰਤੀ ਹਵਾਈ ਸੈਨਾ ਦਾ ਪਹਿਲਾ ਅਤੇ ਸਭ ਤੋਂ ਘਾਤਕ ਹਮਲਾ ਮੰਨਿਆ ਜਾਂਦਾ ਹੈ। ਫਿਲਮ ‘ਚ ਦੇਸ਼ ਭਗਤੀ ਦੇ ਨਾਲ-ਨਾਲ ਐਕਸ਼ਨ ਵੀ ਕਾਫੀ ਹੈ। ਇਹ ਭਾਰਤੀ ਹਵਾਈ ਸੈਨਾ ਦੇ ਸਾਹਸ ਅਤੇ ਜਜ਼ਬੇ ਨੂੰ ਵੀ ਦਰਸਾਉਂਦਾ ਹੈ।
ਸਕਾਈ ਫੋਰਸ ਦੇ 2 ਮਿੰਟ 28 ਸੈਕਿੰਡ ਦੇ ਟ੍ਰੇਲਰ ਦੀ ਸ਼ੁਰੂਆਤ ਵਿੱਚ ਇੱਕ ਆਵਾਜ਼ ਸੁਣਾਈ ਦਿੰਦੀ ਹੈ, ‘ਭਾਰਤੀ ਹਾਕਮਾਂ ਨੂੰ ਸ਼ਾਇਦ ਅਜੇ ਤੱਕ ਇਹ ਨਹੀਂ ਪਤਾ ਕਿ ਉਨ੍ਹਾਂ ਨੇ ਕਿਸ ਕੌਮ ਨੂੰ ਵੰਗਾਰਿਆ ਹੈ। ਜੰਗ ਸ਼ੁਰੂ ਹੋ ਗਈ ਹੈ। ਦੁਸ਼ਮਣਾਂ ਨੂੰ ਖ਼ਤਮ ਕਰਨ ਲਈ ਸਾਡੇ ਬਹਾਦਰ ਸੈਨਿਕਾਂ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਇਸ ਦੇ ਪਿਛੋਕੜ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਪਾਕਿਸਤਾਨ ਵੱਲੋਂ ਭਾਰਤੀ ਸੈਨਿਕਾਂ ‘ਤੇ ਹਮਲੇ ਕੀਤੇ ਜਾ ਰਹੇ ਹਨ। ਕਈ ਸਿਪਾਹੀ ਸ਼ਹੀਦ ਹੋ ਜਾਂਦੇ ਹਨ। ਇਸ ਤੋਂ ਬਾਅਦ ਅਕਸ਼ੈ ਕੁਮਾਰ ਦੀ ਆਵਾਜ਼ ਆਉਂਦੀ ਹੈ, ‘ਸਾਨੂੰ ਗੁਆਂਢੀਆਂ ਨੂੰ ਦੱਸਣਾ ਪਵੇਗਾ ਕਿ ਅਸੀਂ ਵੀ ਅੰਦਰ ਵੜ ਕੇ ਮਾਰ ਸਕਦੇ ਹਾਂ। ਹੁਣ ਸਾਡੀ ਸੋਚ ਬਦਲਣੀ ਪਵੇਗੀ, ਅਸੀਂ ਸਿਪਾਹੀ ਦੂਜੀ ਗੱਲ ਨਹੀਂ ਦਿਖਾਉਂਦੇ।
ਇਸ ਤੋਂ ਬਾਅਦ ਭਾਰਤੀ ਹਵਾਈ ਸੈਨਾ ਨੇ ਪਾਕਿਸਤਾਨ ‘ਤੇ ਪਹਿਲਾ ਹਵਾਈ ਹਮਲਾ ਕੀਤਾ। ਇਸ ਮਿਸ਼ਨ ਦਾ ਨਾਂ ਹੈ- ਸਕਾਈ ਫੋਰਸ। ਅਸਮਾਨ ‘ਤੋਂ ਬਹੁਤ ਜ਼ਿਆਦਾ ਬੰਬਾਰੀ ਹੋ ਰਹੀ ਹੈ। ਪਰ ਇਸ ਮਿਸ਼ਨ ਵਿੱਚ ਵੀਰ ਪਹਾੜੀਆ ਲਾਪਤਾ ਹੋ ਜਾਂਦਾ ਹੈ। ਫਿਲਮ ਦੀ ਕਹਾਣੀ ਇਕ ਸੱਚੀ ਘਟਨਾ ‘ਤੇ ਆਧਾਰਿਤ ਹੈ। ਹੁਣ ਕਹਾਣੀ ਉਸ ਲਾਪਤਾ ਸਿਪਾਹੀ ਨੂੰ ਲੱਭਣ ਦੀ ਹੈ। ਟ੍ਰੇਲਰ ‘ਚ ਅਕਸ਼ੈ ਕੁਮਾਰ ਕਹਿੰਦੇ ਹਨ ਕਿ ਪਾਕਿਸਤਾਨੀ ਸਰਕਾਰ ‘ਤੇ ਦਬਾਅ ਬਣਾਇਆ ਜਾਣਾ ਚਾਹੀਦਾ ਹੈ। ਉਹ ਹਰ ਸੰਭਵ ਕੋਸ਼ਿਸ਼ ਕਰਦੇ ਹਨ। ਪਰ ਭਾਰਤ ਵਿੱਚ ਇਸਨੂੰ ਬਗਾਵਤ ਕਿਹਾ ਜਾਂਦਾ ਹੈ। ਉਸ ਦੀ ਪਤਨੀ (ਸਾਰਾ ਅਲੀ ਖਾਨ) ਕਹਿੰਦੀ ਹੈ ਕਿ ਉਹ ਦੇਸ਼ ਲਈ ਮਿਸ਼ਨ ‘ਤੇ ਗਿਆ ਸੀ, ਪਰ ਲੱਗਦਾ ਹੈ ਕਿ ਤੁਸੀਂ ਸਾਰੇ ਭੁੱਲ ਗਏ ਹੋ!
ਇਸ ਫਿਲਮ ਦਾ ਨਿਰਮਾਣ ਦਿਨੇਸ਼ ਵਿਜਾਨ, ਜੋਤੀ ਦੇਸ਼ਪਾਂਡੇ ਅਤੇ ਅਮਰ ਕੌਸ਼ਿਕ ਨੇ ਸਾਂਝੇ ਤੌਰ ‘ਤੇ ਕੀਤਾ ਹੈ। ਨਿਰਦੇਸ਼ਕ ਸੰਦੀਪ ਕੇਵਲਾਨੀ ਅਤੇ ਅਭਿਸ਼ੇਕ ਅਨਿਲ ਕਪੂਰ ਹਨ। ਅਕਸ਼ੈ ਕੁਮਾਰ ਅਤੇ ਵੀਰ ਪਹਾੜੀਆ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਸਾਰਾ ਅਲੀ ਖਾਨ, ਨਿਮਰਤ ਕੌਰ ਅਤੇ ਸ਼ਰਦ ਕੇਲਕਰ ਵੀ ਫਿਲਮ ਵਿੱਚ ਨਜ਼ਰ ਆਉਣਗੇ। ਵੀਰ ਇਸ ਫਿਲਮ ਨਾਲ ਆਪਣਾ ਬੌਲੀਵੁੱਡ ਡੈਬਿਊ ਕਰ ਰਿਹਾ ਹੈ। ਇਹ ਫਿਲਮ 24 ਜਨਵਰੀ 2025 ਨੂੰ ਦੁਨੀਆ ਭਰ ਵਿੱਚ ਰਿਲੀਜ਼ ਹੋ ਰਹੀ ਹੈ।
