RACV ਨੇ ਵਿਕਟੋਰੀਆ ਦੇ ਪ੍ਰਮੁੱਖ ਰਹਿਣ-ਸਹਿਣ ਅਤੇ ਸੈਰ-ਸਪਾਟਾ ਸਥਾਨਾਂ ਵਿੱਚ ਆਪਣੀ ਮਜ਼ਬੂਤ ਪਛਾਣ ਹੋਰ ਪੱਕੀ ਕਰ ਲਈ ਹੈ। 2026 ਵਿਕਟੋਰੀਅਨ ਅਕਾਮੋਡੇਸ਼ਨ ਐਵਾਰਡਜ਼ ਫਾਰ ਐਕਸੀਲੈਂਸ ਵਿੱਚ RACV ਦੀਆਂ ਕਈ ਪ੍ਰਾਪਰਟੀਆਂ ਨੇ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਇਨਾਮ ਜਿੱਤੇ ਹਨ। ਇਸ ਦੇ ਨਾਲ ਹੀ RACV Torquay Resort ਨੂੰ ‘ਹਾਲ ਆਫ ਫੇਮ’ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਵੱਕਾਰੀ ਐਵਾਰਡ ਵਿਕਟੋਰੀਆ ਦੇ ਅਕਾਮੋਡੇਸ਼ਨ ਅਤੇ ਹਾਸਪਿਟੈਲਿਟੀ ਖੇਤਰ ਵਿੱਚ ਸਭ ਤੋਂ ਵਧੀਆ ਸਥਾਨਾਂ, ਤਜਰਬਿਆਂ ਅਤੇ ਉਨ੍ਹਾਂ ਦੇ ਪਿੱਛੇ ਕੰਮ ਕਰਨ ਵਾਲੀਆਂ ਟੀਮਾਂ ਨੂੰ ਸਨਮਾਨਿਤ ਕਰਦੇ ਹਨ।
ਇਸ ਸਾਲ RACV ਨੇ ਕਈ ਸ਼੍ਰੇਣੀਆਂ ਵਿੱਚ ਸਫਲਤਾ ਹਾਸਲ ਕੀਤੀ। RACV Torquay Resort ਨੂੰ Resort Style Accommodation of the Year ਦਾ ਐਵਾਰਡ ਮਿਲਿਆ। ਇਹ ਸਨਮਾਨ ਮਹਿਮਾਨਾਂ ਲਈ ਵਧੀਆ ਤਜਰਬੇ, ਸੁਵਿਧਾਵਾਂ ਅਤੇ ਸੇਵਾ ਲਈ ਦਿੱਤਾ ਗਿਆ। RACV Cape Schanck Resort ਦੇ ਰੈਸਟੋਰੈਂਟ ‘Samphire’ ਨੇ Hotel Restaurant of the Year ਦਾ ਸਾਂਝਾ ਐਵਾਰਡ ਜਿੱਤਿਆ। ਇਸ ਐਵਾਰਡ ਰਾਹੀਂ ਰੈਸਟੋਰੈਂਟ ਦੇ ਖਾਸ ਖਾਣ-ਪੀਣ ਦੇ ਤਜਰਬੇ ਨੂੰ ਮਾਨਤਾ ਮਿਲੀ। RACV Healesville Country Club & Resort ਨੂੰ ਸਥਾਨਕ ਭਾਈਚਾਰੇ ਲਈ ਯੋਗਦਾਨ ਵਾਸਤੇ The Heart of the Community ਐਵਾਰਡ ਦਿੱਤਾ ਗਿਆ। ਇਸੇ ਤਰ੍ਹਾਂ RACV City Club ਦੇ One Spa ਨੂੰ Hotel Spa of the Year ਦਾ ਐਵਾਰਡ ਮਿਲਿਆ। ਇਹ ਸਨਮਾਨ ਉੱਥੇ ਮਿਲਣ ਵਾਲੀਆਂ ਪ੍ਰੀਮੀਅਮ ਵੈਲਨੈੱਸ ਅਤੇ ਆਰਾਮ ਦੀਆਂ ਸਹੂਲਤਾਂ ਲਈ ਹੈ।RACV Goldfields Resort ਨੇ Best Meetings and Events Space of the Year ਦਾ ਸਾਂਝਾ ਐਵਾਰਡ ਜਿੱਤਿਆ। ਇਸ ਨਾਲ ਮੀਟਿੰਗਾਂ, ਕਾਨਫਰੰਸਾਂ ਅਤੇ ਸਮਾਗਮਾਂ ਲਈ ਇਸ ਸਥਾਨ ਦੀ ਮਜ਼ਬੂਤ ਪਛਾਣ ਹੋਰ ਵਧੀ ਹੈ।
ਇਸ ਸਮਾਗਮ ਦੀ ਸਭ ਤੋਂ ਵੱਡੀ ਖਾਸੀਅਤ RACV Torquay Resort ਦਾ ‘ਹਾਲ ਆਫ ਫੇਮ’ ਵਿੱਚ ਦਾਖਲਾ ਰਿਹਾ। ਰਿਜ਼ੋਰਟ ਨੇ ਲਗਾਤਾਰ ਤਿੰਨ ਸਾਲ Best Meetings and Events Space ਦਾ ਐਵਾਰਡ ਜਿੱਤਣ ਤੋਂ ਬਾਅਦ ਇਹ ਸਨਮਾਨ ਹਾਸਲ ਕੀਤਾ।
RACV ਦੇ Executive General Manager Leisure, Craig Peachey ਨੇ ਕਿਹਾ ਕਿ ਇਹ ਨਤੀਜੇ ਵਿਕਟੋਰੀਆ ਵਿੱਚ RACV ਦੀ ਟੂਰਿਜ਼ਮ, ਹਾਸਪਿਟੈਲਿਟੀ ਅਤੇ ਇਵੈਂਟਸ ਸੇਵਾਵਾਂ ਦੀ ਮਜ਼ਬੂਤੀ ਨੂੰ ਦਰਸਾਉਂਦੇ ਹਨ।
ਉਨ੍ਹਾਂ ਕਿਹਾ ਕਿ RACV ਦੀਆਂ ਪ੍ਰਾਪਰਟੀਆਂ, ਸਥਾਨਾਂ ਅਤੇ ਕਰਮਚਾਰੀਆਂ ਨੂੰ ਉਦਯੋਗ ਦੇ ਵੱਡੇ ਮੰਚ ’ਤੇ ਮਿਲੀ ਮਾਨਤਾ ਬਹੁਤ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਮੁਤਾਬਕ ਟੀਮਾਂ ਦੀ ਮਿਹਨਤ, ਤਜਰਬਾ ਅਤੇ ਮਹਿਮਾਨਾਂ ਲਈ ਵਧੀਆ ਸੇਵਾ ਦੇਣ ਦੀ ਵਚਨਬੱਧਤਾ ਇਨ੍ਹਾਂ ਸਫਲਤਾਵਾਂ ਦਾ ਮੁੱਖ ਕਾਰਨ ਹੈ।
RACV Torquay Resort ਦੀ ਮੈਨੇਜਰ Annaliese Spiteri ਨੇ ਕਿਹਾ ਕਿ ‘ਹਾਲ ਆਫ ਫੇਮ’ ਵਿੱਚ ਸ਼ਾਮਲ ਹੋਣਾ ਪੂਰੀ ਟੀਮ ਲਈ ਮਾਣ ਵਾਲਾ ਪਲ ਹੈ। ਉਨ੍ਹਾਂ ਦੱਸਿਆ ਕਿ ਟੀਮ ਨੇ ਕਈ ਸਾਲਾਂ ਤੋਂ ਕਾਨਫਰੰਸ ਅਤੇ ਇਵੈਂਟ ਸੇਵਾਵਾਂ ਨੂੰ ਬਦਲਦੀਆਂ ਗਾਹਕਾਂ ਦੀਆਂ ਲੋੜਾਂ ਮੁਤਾਬਕ ਬਿਹਤਰ ਬਣਾਇਆ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਸੰਸਥਾਵਾਂ ਸਿਰਫ਼ ਮੀਟਿੰਗ ਲਈ ਇੱਕ ਕਮਰਾ ਨਹੀਂ ਲੱਭਦੀਆਂ। ਵਾਤਾਵਰਣ ਪ੍ਰਤੀ ਜ਼ਿੰਮੇਵਾਰੀ, ਵਧੀਆ ਖਾਣਾ, ਵੈਲਨੈੱਸ ਸਹੂਲਤਾਂ ਅਤੇ ਚੰਗੀ ਰਿਹਾਇਸ਼ ਵੀ ਫੈਸਲਾ ਲੈਣ ਵਿੱਚ ਮਹੱਤਵਪੂਰਨ ਹਨ। ਉਨ੍ਹਾਂ ਮੁਤਾਬਕ RACV Torquay Resort ਵਰਗੇ ਖੇਤਰੀ ਸਥਾਨ ਇਨ੍ਹਾਂ ਸਾਰੀਆਂ ਸਹੂਲਤਾਂ ਕਾਰਨ ਖਾਸ ਪਛਾਣ ਬਣਾਉਂਦੇ ਹਨ।
ਵਿਕਟੋਰੀਅਨ ਅਕਾਮੋਡੇਸ਼ਨ ਐਵਾਰਡਜ਼ ਫਾਰ ਐਕਸੀਲੈਂਸ ਨੂੰ ਵਿਕਟੋਰੀਆ ਦੇ ਹਾਸਪਿਟੈਲਿਟੀ ਖੇਤਰ ਦੇ ਸਭ ਤੋਂ ਵੱਕਾਰੀ ਸਨਮਾਨਾਂ ਵਿੱਚ ਗਿਣਿਆ ਜਾਂਦਾ ਹੈ। ਇਹ ਐਵਾਰਡ ਰਾਜ ਦੇ ਅਕਾਮੋਡੇਸ਼ਨ ਖੇਤਰ ਵਿੱਚ ਉੱਤਮ ਕੰਮ ਅਤੇ ਵਧੀਆ ਸੇਵਾਵਾਂ ਨੂੰ ਮਾਨਤਾ ਦਿੰਦੇ ਹਨ।