ਲੁਹਾਨਸਕ ਦੇ ਲੋਕ ਰੂਸ ਦੇ ਹਮਲੇ ਕਰਕੇ ਨਹੀਂ ਇਨ੍ਹਾਂ ਚੀਜ਼ਾਂ ਦੀ ਘਾਟ ਕਾਰਨ ਮਰਨ ਦੀ ਕਗਾਰ ‘ਤੇ

ਕੀਵ – ਰੂਸ-ਯੂਕਰੇਨ ਦੀ ਜੰਗ ਤਿੰਨ ਮਹੀਨੇ ਬਾਅਦ ਵੀ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ। ਰੂਸੀ ਫੌਜ ਨੇ ਲਗਾਤਾਰ ਹਮਲੇ ਕਰਕੇ ਯੂਕਰੇਨ ਦੇ ਕਈ ਹਿੱਸਿਆਂ ‘ਤੇ ਕਬਜ਼ਾ ਕਰ ਲਿਆ ਹੈ। ਇਸ ਦੌਰਾਨ ਯੂਕਰੇਨ ਦੇ ਲੁਹਾਨਸਕ ਖੇਤਰ ਵਿੱਚ ਰੂਸੀ ਹਮਲਿਆਂ ਤੋਂ ਬਾਅਦ ਸਥਿਤੀ ਬਦ ਤੋਂ ਬਦਤਰ ਹੁੰਦੀ ਜਾ ਰਹੀ ਹੈ। ਇੱਥੋਂ ਦੇ ਨਾਗਰਿਕ ਹੁਣ ਰੂਸੀ ਹਮਲਿਆਂ ਅਤੇ ਪਾਣੀ ਦੀ ਘਾਟ ਕਾਰਨ ਮਰਨ ਦੀ ਕਗਾਰ ‘ਤੇ ਹਨ। ਉਥੋਂ ਦੇ ਗਵਰਨਰ ਦਾ ਕਹਿਣਾ ਹੈ ਕਿ ਖੇਤਰ ਦੇ ਲੱਖਾਂ ਲੋਕ ਪਾਣੀ ਦੀ ਸਪਲਾਈ ਤੋਂ ਬਿਨਾਂ ਰਹਿ ਗਏ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਹੈ ਕਿ ਲੁਹਾਨਸਕ ਖੇਤਰ ‘ਚ ਲਿਸ਼ਾਂਸਕ ਰਾਹੀਂ ਲੋਕਾਂ ਦੀ ਨਿਕਾਸੀ ਕੀਤੀ ਜਾ ਰਹੀ ਹੈ।