News Breaking News India Latest News

ਵੈਕਸੀਨੇਸ਼ਨ ‘ਚ ਜਲਦ ਸ਼ਾਮਲ ਹੋਵੇਗੀ ਜਾਇਡਸ ਕੈਡਿਲਾ ਦੀ ਵੈਕਸੀਨ, ਬੱਚਿਆਂ ਦੇ ਟੀਕਾਕਰਨ ‘ਤੇ ਆਵੇਗਾ ਰੋਡਮੈਪ

ਨਵੀਂ ਦਿੱਲੀ – ਜਾਇਡਸ ਕੈਡਿਲਾ ਦੀ ਕੋਰੋਨਾ ਰੋਕੂ ਵੈਕਸੀਨ ਨੂੰ ਛੇਤੀ ਹੀ ਟੀਕਾਕਰਨ ਮੁਹਿੰਮ ‘ਚ ਸ਼ਾਮਲ ਕੀਤਾ ਜਾਵੇਗਾ। ਟੀਕਾਕਰਨ ‘ਤੇ ਰਾਸ਼ਟਰੀ ਤਕਨੀਕੀ ਸਲਾਹਕਾਰ ਸਮੂਹ (ਐੱਨਟੀਏਜੀਆਈ) ਇਸ ਸਬੰਧ ‘ਚ ਯੋਜਨਾ ਤਿਆਰ ਕਰਨ ਲਈ ਬੈਠਕ ਕਰੇਗਾ। ਤਿੰਨ ਡੋਜ਼ ਦੀ ਇਹ ਵੈਕਸੀਨ 12-18 ਸਾਲ ਉਮਰ ਦੇ ਨਾਬਾਲਿਗਾਂ ਨੂੰ ਵੀ ਦਿੱਤੀ ਜਾਵੇਗੀ।

ਭਾਰਤ ਦੇ ਦਵਾਈ ਕੰਟਰੋਲਰ ਜਨਰਲ (ਡੀਸੀਜੀਆਈ) ਨੇ 20 ਅਗਸਤ ਨੂੰ ਇਸ ਦੇ ਐਮਰਜੈਂਸੀ ਇਸਤੇਮਾਲ ਦੀ ਮਨਜ਼ੂਰੀ ਦਿੱਤੀ ਸੀ। ਜਾਇਕੋਵ-ਡੀ ਨਾਂ ਦੀ ਇਹ ਸਵਦੇਸ਼ੀ ਵੈਕਸੀਨ ਦੁਨੀਆ ਦੀ ਪਹਿਲੀ ਡੀਐੱਨਏ ਅਧਾਰਤ ਵੈਕਸੀਨ ਹੈ। 12-18 ਸਾਲ ਉਮਰ ਵਰਗ ਸਮੂਹ ਲਈ ਵੀ ਦੇਸ਼ ਦੀ ਇਹ ਪਹਿਲੀ ਵੈਕਸੀਨ ਹੈ। ਐੱਨਟੀਏਜੀਆਈ ਦੇ ਚੇਅਰਮੈਨ ਡਾ. ਐੱਨਕੇ ਅਰੋੜਾ ਨੇ ਕਿਹਾ ਕਿ ਇਕ ਅਨੁਮਾਨ ਮੁਤਾਬਕ ਦੇਸ਼ ਵਿਚ 12-18 ਸਾਲ ਉਮਰ ਵਰਗ ਦੇ ਨਾਬਾਲਿਗਾਂ ਦੀ ਗਿਣਤੀ ਲਗਪਗ 12 ਕਰੋੜ ਹੈ ਜਿਨ੍ਹਾਂ ਵਿਚੋਂ ਲਗਪਗ ਇਕ ਕਰੋੜ ਪਹਿਲਾਂ ਤੋਂ ਕਿਸੇ ਨਾ ਕਿਸੇ ਗੰਭੀਰ ਬਿਮਾਰੀ ਤੋਂ ਪੀੜਤ ਹਨ।

ਡਾ. ਅਰੋੜਾ ਨੇ ਕਿਹਾ ਕਿ ਐੱਨਟੀਏਜੀਆਈ ਦੀ ਛੇਤੀ ਹੋਣ ਵਾਲੀ ਬੈਠਕ ਵਿਚ ਲਾਭਪਾਤਰੀਆਂ ਦੀ ਤਰਜੀਹ ਵੀ ਤੈਅ ਕੀਤੀ ਜਾਵੇਗੀ, ਕਿਉਂਕਿ ਇਹ ਵੈਕਸੀਨ ਨਾਬਾਲਿਗਾਂ ਦੇ ਨਾਲ ਹੀ ਵੱਡੇ ਲੋਕਾਂ ਨੂੰ ਵੀ ਲਾਈ ਜਾਵੇਗੀ।

Related posts

ਹਾਈਵੇਅ ‘ਤੇ ਅਚਾਨਕ ਰੁਕਣਾ ਲਾਪਰਵਾਹੀ ਦਾ ਦੋਸ਼ੀ ਮੰਨਿਆ ਜਾਵੇਗਾ: ਸੁਪਰੀਮ ਕੋਰਟ

admin

ਹਾਈਵੇਅ ਅਤੇ ਐਕਸਪ੍ਰੈਸਵੇਅ ‘ਤੇ 4,557 EV ਪਬਲਿਕ ਚਾਰਜਿੰਗ ਸਟੇਸ਼ਨ ਲਾਏ: ਗਡਕਰੀ

admin

19 ਸਾਲਾ ਦਿਵਿਆ ਦੇਸ਼ਮੁਖ ਨੇ ਮਹਿਲਾ ਸ਼ਤਰੰਜ ਵਿਸ਼ਵ ਚੈਂਪੀਅਨ 2025 ਬਣਕੇ ਇਤਿਹਾਸ ਰਚਿਆ !

admin