ਜਲੰਧਰ – ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਏਅਰਪੋਰਟ, ਆਦਮਪੁਰ ਤੋਂ ਮੁੰਬਈ ਜਾਣ ਵਾਲੇ ਹਵਾਈ ਯਾਤਰੀਆਂ ਲਈ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਇੰਡੀਗੋ ਏਅਰਲਾਈਨਜ਼ ਵੱਲੋਂ ਆਦਮਪੁਰ ਅਤੇ ਮੁੰਬਈ ਵਿਚਕਾਰ ਚੱਲਣ ਵਾਲੀ ਉਡਾਣ ਦੇ ਸਮੇਂ ਵਿੱਚ 25 ਅਕਤੂਬਰ ਤੋਂ ਤਬਦੀਲੀ ਕੀਤੀ ਜਾ ਰਹੀ ਹੈ। ਇੰਡੀਗੋ ਏਅਰਲਾਈਨਜ਼ ਦੀ ਉਡਾਣ ਨੰਬਰ 6E 5932 ਦੇ ਨਵੇਂ ਸਮੇਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ। ਨਵੇਂ ਸ਼ਡਿਊਲ ਅਨੁਸਾਰ, ਮੁੰਬਈ ਤੋਂ ਆਉਣ ਵਾਲੀ ਅਤੇ ਆਦਮਪੁਰ ਤੋਂ ਵਾਪਸ ਮੁੰਬਈ ਜਾਣ ਵਾਲੀ ਉਡਾਣ ਹੁਣ ਨਵੇਂ ਸਮੇਂ ਮੁਤਾਬਕ ਚੱਲੇਗੀ। ਹੁਣ 25 ਅਕਤੂਬਰ ਤੋਂ ਉਡਾਣ ਨੰਬਰ: 6E 5932 ਨਵੇਂ ਸ਼ਡਿਊਲ ਅਨੁਸਾਰ ਚੱਲੇਗੀ ਅਤੇ ਆਦਮਪੁਰ ਏਅਰਪੋਰਟ ‘ਤੇ ਪਹੁੰਚਣ ਦਾ ਸਮਾਂ: ਦੁਪਹਿਰ 3:50 ਵਜੇ ਹੋਵੇਗਾ ਜਦਕਿ ਆਦਮਪੁਰ ਤੋਂ ਮੁੰਬਈ ਲਈ ਰਵਾਨਗੀ: ਸ਼ਾਮ 4:20 ਵਜੇ ਹੋਵੇਗੀ। ਨਵੇਂ ਸ਼ਡਿਊਲ ਅਨੁਸਾਰ, ਜਹਾਜ਼ ਦੇ ਆਦਮਪੁਰ ਪਹੁੰਚਣ ਅਤੇ ਮੁੰਬਈ ਲਈ ਰਵਾਨਾ ਹੋਣ ਵਿਚਕਾਰ 30 ਮਿੰਟ ਦਾ ਵਕਫ਼ਾ ਹੋਵੇਗਾ।
ਆਦਮਪੁਰ ਏਅਰਪੋਰਟ ਦੋਆਬਾ ਖੇਤਰ ਦੇ ਯਾਤਰੀਆਂ ਲਈ ਮਹੱਤਵਪੂਰਨ ਹੈ। ਇੱਥੋਂ ਮੁੰਬਈ ਜਾਣ ਵਾਲੇ ਯਾਤਰੀਆਂ ਨੂੰ ਇਸ ਉਡਾਣ ਰਾਹੀਂ ਸਫ਼ਰ ਕਰਨ ਲਈ ਨਿਰਧਾਰਤ ਸਮੇਂ ਅਨੁਸਾਰ ਆਪਣੀਆਂ ਤਿਆਰੀਆਂ ਕਰਨੀਆਂ ਪੈਣਗੀਆਂ। ਉਡਾਣ ਦੇ ਸਮੇਂ ਵਿੱਚ ਤਬਦੀਲੀ ਨੂੰ ਧਿਆਨ ਵਿੱਚ ਰੱਖਦਿਆਂ ਯਾਤਰੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਹਵਾਈ ਟਿਕਟ ‘ਤੇ ਦਰਜ ਸਮੇਂ ਦੀ ਜਾਂਚ ਕਰਨ ਅਤੇ ਯਾਤਰਾ ਤੋਂ ਪਹਿਲਾਂ ਇੰਡੀਗੋ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਏਅਰਲਾਈਨ ਦੇ ਗਾਹਕ ਸੇਵਾ ਕੇਂਦਰ ਤੋਂ ਤਾਜ਼ਾ ਜਾਣਕਾਰੀ ਲੈਣ।