Australia & New Zealand

ਵਿਆਜ ਦਰਾਂ ਵਧਣ ਨਾਲ ਘਰਾਂ ਦੀਆਂ ਕੀਮਤਾਂ ਡਿੱਗੀਆਂ

ਮੈਲਬੌਰਨ – ਪਿਛਲੇ ਕਰੀਬ 20 ਮਹੀਨਿਆਂ ਬਾਅਦ ਆਸਟ੍ਰੇਲੀਆ ਵਿਚ ਕੌਮੀ ਪੱਧਰ ‘ਤੇ ਹਾਊਸਿੰਗ ਦੀਆਂ ਕੀਮਤਾਂ ਵਿਚ ਕਮੀ ਦਰਜ ਕੀਤੀ ਗਈ ਹੈ। ਹਾਲ ਹੀ ਵਿਚ ਆਏ ਦੋ ਅੰਕੜਿਆਂ ਮੁਤਾਬਕ ਮੁਲਕ ਵਿਚ ਕਰੀਬ 0.1 ਫੀਸਦੀ ਤੱਕ ਘਰਾਂ ਦੀਆਂ ਕੀਮਤਾਂ ਵਿਚ ਕਮੀ ਦੇਖੀ ਗਈ ਹੈ। ਇਸ ਸਬੰਧੀ ਦੋ ਸੰਸਥਾਵਾਂ ਦੇ ਸੰਕੇਤ ਸਾਹਮਣੇ ਆਏ ਸਨ। ਦੋਵੇਂ ਸਰਵੇਖਣਾਂ ਮੁਤਾਬਕ ਮੈਲਬੌਰਨ, ਸਿਡਨੀ ਅਤੇ ਕੈਨਬਰਾ ਵਰਗੇ ਵੱਡੇ ਸ਼ਹਿਰਾਂ ਵਿਚ ਕਮੀ ਦਰਜ ਕੀਤੀ ਗਈ ਹੈ। ਐਡੀਲੇਡ, ਬ੍ਰਿਸਬੇਨ ਅਤੇ ਕੁੱਝ ਰੀਜ਼ਨਲ ਖੇਤਰਾਂ ‘ਚ ਵੀ ਕੀਮਤਾਂ ਵਿੱਚ ਕਮੀ ਦਰਜ ਕੀਤੀ ਗਈ ਹੈ। ਕੋਰਲਾਜਿਕ ਅਤੇ ਰੀਅਜ਼ ਪ੍ਰੋਪਟਰੈਕ ਮੁਤਾਬਕ ਕੌਮੀ ਪੱਧਰ ‘ਤੇ ਘਰਾਂ ਦੀਆਂ ਕੀਮਤਾਂ ਵਿਚ 0.1 ਫੀਸਦੀ ਕਟੌਤੀ ਦੇਖੀ ਗਈ ਹੈ। ਕੋਰਲਾਜਿਕ ਦੇ ਰਿਕਾਰਡ ਮੁਤਾਬਕ ਸਤੰਬਰ 2020 ਤੋਂ ਬਾਅਦ ਪਹਿਲੀ ਵਾਰ ਕਮੀ ਦੇਖੀ ਗਈ, ਜਦਕਿ ਪ੍ਰੋਪਟਰੈਕ ਦੇ ਅੰਕੜਿਆਂ ਮੁਤਾਬਕ ਕੋਵਿਡ-19 ਦੀ ਮਹਾਂਮਾਰੀ ਦਰਮਿਆਨ ਪਹਿਲੀ ਵਾਰ ਹਾਊਸਿੰਗ ਦੀਆਂ ਕੀਮਤਾਂ ਵਿਚ ਕਮੀ ਦਰਜ ਕੀਤੀ ਗਈ ਹੈ। ਕੋਰਲਾਜਿਕ ਦੇ ਅੰਕੜਿਆਂ ਮੁਤਾਬਕ ਸਿਡਨੀ ਵਿਚ -1 ਫੀਸਦੀ ਅਤੇ ਮੈਲਬੌਰਨ ਵਿਚ -0.7 ਫੀਸਦੀ ਕਮੀ ਦੇਖੀ ਗਈ, ਜਦਕਿ ਪ੍ਰੋਪਟਰੈਕ ਦਾ ਅੰਦਾਜ਼ਾ ਹੈ ਕਿ ਕੀਮਤਾਂ ਵਿਚ 0.3 ਫੀਸਦੀ ਕਮੀ ਆਈ ਹੈ।

Related posts

ਨਿਊਜ਼ੀਲੈਂਡ ਨੇ ਅਫਗਾਨਿਸਤਾਨ ਵਿਚ ਫਸੀ ਪੱਤਰਕਾਰ ਲਈ ਫੈਸਲਾ ਪਲਟਿਆ

admin

ਪੱਛਮੀ ਸਿਡਨੀ ਲਈ ਨਵੀਂ City Deal ਬਣਾਉਣ ਵਿੱਚ ਮੇਅਰਾਂ ਦੀ ਭੂਮਿਕਾ

admin

ਵਿਕਟੋਰੀਆ ਦੇ ਸਖ਼ਤ ਜ਼ਮਾਨਤ ਕਾਨੂੰਨ ਪੂਰੀ ਤਰ੍ਹਾਂ ਲਾਗੂ ਹੋ ਗਏ !

admin