ਵਿਸ਼ਾਖਾਪਟਨਮ – ਭਾਰਤੀ ਟੀਮ ਦੇ ਮੁੱਖ ਕੋਚ ਰਾਹੁਲ ਦ੍ਰਾਵਿੜ ਨੇ ਕਿਹਾ ਕਿ ਵਿਕਟਕੀਪਰ ਈਸ਼ਾਨ ਕਿਸ਼ਨ ਨੂੰ ਰਾਸ਼ਟਰੀ ਟੀਮ ਵਿਚ ਚੋਣ ਲਈ ਵਿਚਾਰ ਕਰਨ ਲਈ ‘ਕਿਸੇ ਤਰ੍ਹਾਂ ਦੀ ਕ੍ਰਿਕਟ’ ਖੇਡਣੀ ਸ਼ੁਰੂ ਕਰਨੀ ਪਵੇਗੀ। ਦ੍ਰਾਵਿੜ ਤੋਂ ਜਦੋਂ ਕਿਸ਼ਨ ਦੇ ਕੌਮਾਂਤਰੀ ਤੇ ਘਰੇਲੂ ਕ੍ਰਿਕਟ ਤੋਂ ਲੰਬੀ ਬ੍ਰੇਕ ਦੇ ਬਾਰੇ ਵਿਚ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਇਸ ਖਿਡਾਰੀ ਨੇ ਖੁਦ ਬ੍ਰੇਕ ਮੰਗੀ ਸੀ। ਕੁਝ ਹੀ ਸਮੇਂ ਪਹਿਲਾਂ ਤਕ ਸਾਰੇ ਸਵਰੂਪਾਂ ਵਿਚ ਭਾਰਤੀ ਟੀਮ ਦਾ ਨਿਯਮਤ ਮੈਂਬਰ ਰਿਹਾ ਕਿਸ਼ਨ ਨਿੱਜੀ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ ਦਸੰਬਰ ਵਿਚ ਦੱਖਣੀ ਅਫਰੀਕਾ ਦੌਰੇ ਦੇ ਵਿਚਾਲਿਓਂ ਬ੍ਰੇਕ ਮੰਗਣ ਤੋਂ ਬਾਅਦ ਤੋਂ ਖੇਡ ਤੋਂ ਦੂਰ ਹੈ। ਉਹ ਭਾਰਤ ਲਈ ਪਿਛਲੀ ਵਾਰ ਨਵੰਬਰ ਵਿਚ ਖੇਡਿਆ ਸੀ। ਉਹ ਮੌਜੂਦਾ ਰਣਜੀ ਟਰਾਫੀ ਵਿਚ ਝਾਰਖੰਡ ਲਈ ਵੀ ਅਜੇ ਖੇਡ ਨਹੀਂ ਰਿਹਾ ਹੈ।
ਈਸ਼ਾਨ ਕਿਸ਼ਨ ਨੂੰ ਟੀਮ ’ਚ ਵਾਪਸੀ ਲਈ ਖੇਡਣਾ ਪਵੇਗਾ : ਦ੍ਰਾਵਿੜ
