ਬੀਜਿੰਗ – ਅਮਰੀਕੀ ਵਿੱਤ ਮੰਤਰੀ ਜੈਨੇਟ ਯੇਲੇਨ ਨੇ ਚੀਨ ਦੀ ਆਪਣੀ ਸਰਕਾਰੀ ਯਾਤਰਾ ਦੇ ਦੂਜੇ ਦਿਨ ਚੀਨ ਨੂੰ ਆਪਣੀ ਘਰੇਲੂ ਨਿਰਮਾਣ ਨੀਤੀਆਂ ਬਦਲਣ ਦੀ ਅਪੀਲ ਕੀਤੀ ਹੈ। ਉਸ ਦੇ ਸੰਦੇਸ਼ ਦਾ ਵਿਸ਼ਲੇਸ਼ਣ ਕਰਦੇ ਹੋਏ, ਚੀਨੀ ਸਰਕਾਰੀ ਮੀਡੀਆ ਨੇ ਕਿਹਾ ਕਿ ਅਮਰੀਕਾ ਹਰੀ ਊਰਜਾ ਉਤਪਾਦਾਂ ‘’ਤੇ ਉਚ ਟੈਰਿਫ ਲਗਾ ਸਕਦਾ ਹੈ। ਯੇਲੇਨ ਨੇ ਚੀਨ ਦੇ ਪ੍ਰਮੁੱਖ ਉਦਯੋਗਿਕ ਸ਼ਹਿਰ ਗੁਆਂਗਜ਼ੂ ਤੋਂ ਆਪਣੀ ਪੰਜ ਦਿਨਾਂ ਯਾਤਰਾ ਦੀ ਸ਼ੁਰੂਆਤ ਕੀਤੀ।ਉਸ ਨੇ ਹੁਣ ਤੱਕ ਸੀਨੀਅਰ ਚੀਨੀ ਅਧਿਕਾਰੀਆਂ ਨਾਲ ਗੱਲਬਾਤ ਵਿੱਚ ਇਸ ਗੱਲ ‘’ਤੇ ਜ਼ੋਰ ਦਿੱਤਾ ਹੈ ਕਿ ਅਮਰੀਕਾ ਚੀਨ ਦੇ ਅਨੁਚਿਤ ਵਪਾਰਕ ਅਭਿਆਸਾਂ ਬਾਰੇ ਕੀ ਸੋਚਦਾ ਹੈ। ਚੀਨ ਦੀ ਸਰਕਾਰੀ ਸਮਾਚਾਰ ਏਜੰਸੀ ਨੇ ਦੱਸਿਆ ਕਿ ਹਾਲਾਂਕਿ ਯੇਲੇਨ ਦਾ ਦੌਰਾ ਇਕ ਚੰਗਾ ਸੰਕੇਤ ਹੈ ਕਿ ਦੁਨੀਆਂ ਦੀਆਂ ਦੋ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ ਗੱਲਬਾਤ ਕਰ ਰਹੀਆਂ ਹਨ।ਸਮਾਚਾਰ ਏਜੰਸੀ ਨੇ ਇਹ ਵੀ ਕਿਹਾ ਕਿ ਸਵੱਛ ਊਰਜਾ ਖੇਤਰ ਵਿਚ ਚੀਨ ਦੀ ਅਪਾਰ ਸਮਰੱਥਾ ਦੀ ਗੱਲ ਕਰਦੇ ਹੋਏ ਅਮਰੀਕਾ ਨੇ ਸੁਰੱਖਿਆਵਾਦੀ ਕਦਮ ਚੁੱਕਣ ਦਾ ਸੰਕੇਤ ਦਿੱਤਾ ਹੈ ਤਾਂ ਜੋ ਅਮਰੀਕੀ ਕੰਪਨੀਆਂ ਨੂੰ ਬਚਾਇਆ ਜਾ ਸਕੇ।
ਚੀਨ ਦੀ ਵਧੀ ਚਿੰਤਾ, ਗ੍ਰੀਨ ਤਕਨਾਲੌਜੀ ’ਤੇ ਟੈਰਿਫ਼ ਵਧਾ ਸਕਦੈ ਅਮਰੀਕਾ
