ਬਿ੍ਰਜਟਾਊਨ- ਤੂਫਾਨ ‘ਬੇਰੀਲ’ ਨੇ ਦੱਖਣ-ਪੂਰਬੀ ਕੈਰੇਬੀਅਨ ਟਾਪੂਆਂ ਵਿੱਚ ਭਾਰੀ ਤਬਾਹੀ ਮਚਾਈ ਹੈ ਅਤੇ ਪੰਜਵੀਂ ਸ਼੍ਰੇਣੀ ਦੇ ਰੂਪ ਵਿੱਚ ਮਜ਼ਬੂਤ ਹੋ ਗਿਆ ਹੈ। ਗ੍ਰੇਨਾਡਾ ਦੇ ਕੈਰੀਕਾਉ ਟਾਪੂ ‘ਤੇ ਲੈਂਡਫਾਲ ਕਰਨ ਤੋਂ ਬਾਅਦ ‘ਬੇਰੀਲ’ ਦੱਖਣ-ਪੂਰਬੀ ਕੈਰੇਬੀਅਨ ਖੇਤਰ ‘ਚ ਪਹੁੰਚ ਗਿਆ, ਜਿਸ ਨਾਲ ਇੱਥੇ ਘਰਾਂ ਦੇ ਦਰਵਾਜ਼ਿਆਂ, ਖਿੜਕੀਆਂ ਅਤੇ ਛੱਤਾਂ ਨੂੰ ਨੁਕਸਾਨ ਪਹੁੰਚਿਆ। ਇਸ ਨੇ ਕੈਰੀਕਾਉ ਟਾਪੂ ‘ਤੇ ਸ਼੍ਰੇਣੀ ਚਾਰ ਤੂਫਾਨ ਦੇ ਰੂਪ ਵਿੱਚ ਲੈਂਡਫਾਲ ਕੀਤਾ ਜੋ ਲਗਾਤਾਰ ਮਜ਼ਬੂਤ ਹੁੰਦਾ ਰਿਹਾ। ਦੇਰ ਰਾਤ, ਬੇਰੀਲ ਦੀ ਹਵਾ ਦੀ ਗਤੀ 160 ਮੀਲ ਪ੍ਰਤੀ ਘੰਟਾ (260 ਕਿਲੋਮੀਟਰ ਪ੍ਰਤੀ ਘੰਟਾ) ਤੱਕ ਵਧ ਗਈ। ਆਉਣ ਵਾਲੇ ਦਿਨਾਂ ਵਿੱਚ ਇਸ ਦੀ ਰਫ਼ਤਾਰ ਵਿੱਚ ਹੋਰ ਬਦਲਾਅ ਹੋਣ ਦੀ ਸੰਭਾਵਨਾ ਹੈ। ਗ੍ਰੇਨਾਡਾ ਦੇ ਪ੍ਰਧਾਨ ਮੰਤਰੀ ਡੇਕਨ ਮਿਸ਼ੇਲ ਨੇ ਕਿਹਾ ਕਿ ਤੂਫਾਨ ਦੇ ਨਤੀਜੇ ਵਜੋਂ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਅਧਿਕਾਰੀ ਕੈਰੀਕਾਉ ਅਤੇ ਪੇਟੀਟ ਮਾਰਟੀਨਿਕ ਦੇ ਟਾਪੂਆਂ ‘ਤੇ ਸਥਿਤੀ ਦਾ ਤੁਰੰਤ ਮੁਲਾਂਕਣ ਕਰਨ ਦੇ ਯੋਗ ਨਹੀਂ ਸਨ। ਸ਼ੁਰੂਆਤੀ ਰਿਪੋਰਟਾਂ ਤੋਂ ਪਤਾ ਲੱਗਦਾ ਹੈ ਕਿ ਵੱਡੇ ਪੱਧਰ ‘ਤੇ ਨੁਕਸਾਨ ਹੋਇਆ ਹੈ ਅਤੇ ਸੰਚਾਰ ਪ੍ਰਣਾਲੀ ਵੀ ਠੱਪ ਹੈ।
ਤੂਫਾਨ ਬੇਰੀਲ ਨੇ ਦੱਖਣ-ਪੂਰਬੀ ਕੈਰੇਬੀਅਨ ਟਾਪੂ ਚ ਮਚਾਈ ਤਬਾਹੀ
