India

ਆਪਣੇ ਹੱਕ ਲੈਣ ਲਈ ਇੰਦਰਾ ਫੈਲੋਸ਼ਿਪ ਨਾਲ ਜੁੜਨ ਔਰਤਾਂ : ਰਾਹੁਲ ਗਾਂਧੀ

ਨਵੀਂ ਦਿੱਲੀ – ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਅਤੇ ਲੋਕ ਸਭਾ ’ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਔਰਤਾਂ ਦੇ ਸਸ਼ਕਤੀਕਰਨ ਨੂੰ ਜ਼ਰੂਰੀ ਦੱਸਦੇ ਹੋਏ ਐਤਵਾਰ ਨੂੰ ਰਾਜਨੀਤੀ ’ਚ ਦਿਲਚਸਪੀ ਰੱਖਣ ਵਾਲੀਆਂ ਔਰਤਾਂ ਨੂੰ ’ਇੰਦਰਾ ਫੈਲੋਸ਼ਿਪ’ ’ਚ ਸ਼ਾਮਲ ਹੋਣ ਅਤੇ ਮਹਿਲਾ ਕੇਂਦਰਿਤ ਰਾਜਨੀਤੀ ਦਾ ਹਿੱਸਾ ਬਣਨ ਦਾ ਸੱਦਾ ਦਿੱਤਾ। ਸ਼੍ਰੀ ਗਾਂਧੀ ਨੇ ਕਿਹਾ, ’’ਇੱਕ ਸਾਲ ਪਹਿਲਾਂ, ਅਸੀਂ ਔਰਤਾਂ ਦੀ ਰਾਜਨੀਤੀ ਨੂੰ ਕੇਂਦਰ ਵਿੱਚ ਰੱਖਦੇ ਹੋਏ ‘ਇੰਦਰਾ ਫੈਲੋਸ਼ਿਪ’ ਸ਼ੁਰੂ ਕੀਤੀ ਸੀ। ਅੱਜ ਇਹ ਪਹਿਲਕਦਮੀ ਮਹਿਲਾ ਲੀਡਰਸ਼ਿਪ ਦੇ ਸ਼ਕਤੀਸ਼ਾਲੀ ਕਾਫ਼ਲੇ ਵਿੱਚ ਬਦਲ ਗਈ ਹੈ। ਰਾਜਨੀਤੀ ਵਿੱਚ ਔਰਤਾਂ ਦੀ ਭਾਗੀਦਾਰੀ ਵਧਾਉਣ ਤੋਂ ਬਿਨਾਂ ਸਮਾਜ ਵਿੱਚ ਬਰਾਬਰੀ ਅਤੇ ਨਿਆਂ ਸੰਭਵ ਨਹੀਂ ਹੈ। ਅੱਧੀ ਆਬਾਦੀ, ਪੂਰਾ ਹੱਕ ਅਤੇ ਹਿੱਸਾ ਕਾਂਗਰਸ ਪਾਰਟੀ ਦੀ ਸੋਚ ਅਤੇ ਸੰਕਲਪ ਦਾ ਪ੍ਰਤੀਕ ਹੈ।’’
ਉਨ੍ਹਾਂ ਨੇ ਕਿਹਾ, ’’ਮੈਂ ਇਕ ਵਾਰ ਫਿਰ ਉਨ੍ਹਾਂ ਔਰਤਾਂ ਨੂੰ ਅਪੀਲ ਕਰਦਾ ਹਾਂ ਜੋ ਜ਼ਮੀਨੀ ਪੱਧਰ ’ਤੇ ਕੰਮ ਕਰਨਾ ਚਾਹੁੰਦੀਆਂ ਹਨ, ਉਹ ’ਸ਼ਕਤੀ ਅਭਿਆਨ’ ’ਚ ਸ਼ਾਮਲ ਹੋਣ ਅਤੇ ਮਹਿਲਾ ਕੇਂਦਰਿਤ ਰਾਜਨੀਤੀ ਦਾ ਹਿੱਸਾ ਬਣਨ। ’ਸ਼ਕਤੀ ਅਭਿਆਨ’ ਨਾਲ ਜੁੜ ਕੇ ਔਰਤਾਂ ਬਲਾਕ ਪੱਧਰ ’ਤੇ ਮਜ਼ਬੂਤ ਸੰਗਠਨਾਂ ਦਾ ਨਿਰਮਾਣ ਕਰ ਰਹੀਆਂ ਹਨ। ਉਨ੍ਹਾਂ ਨੂੰ ਸਿੱਖਣ, ਵਧਣ ਅਤੇ ਬਦਲਾਅ ਲਿਆਉਣ ਦਾ ਮੌਕਾ ਮਿਲ ਰਿਹਾ ਹੈ।” ਔਰਤਾਂ ਨੂੰ ਮੁਹਿੰਮਾਂ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੰਦੇ ਹੋਏ ਕਾਂਗਰਸ ਨੇਤਾ ਨੇ ਕਿਹਾ, “ਤੁਸੀਂ ਵੀ ਇਸ ਬਦਲਾਅ ਦਾ ਹਿੱਸਾ ਬਣੋ ਅਤੇ ’ਇੰਦਰਾ ਫੈਲੋਸ਼ਿਪ’ ਰਾਹੀਂ ’ਸ਼ਕਤੀ ਅਭਿਆਨ’ ਵਿੱਚ ਸ਼ਾਮਲ ਹੋਣ ਲਈ ਸ਼ਕਤੀ ਅਭਿਆਨ.ਇਨ ’ਤੇ ਰਜਿਸਟਰ ਕਰੋ। ਅਸੀਂ ਮਿਲ ਕੇ ਸਵਰਾਜ ਲਿਆਵਾਂਗੇ ਅਤੇ ਪਿੰਡ ਤੋਂ ਦੇਸ਼ ਵਿੱਚ ਬਦਲਾਅ ਲਿਆਵਾਂਗੇ।

Related posts

ਭਾਜਪਾ ਨੇ ਮਨਿਕੇ ਮਾਗੇ ਹਿਤੇ ਦੀ ਤਰਜ਼ ’ਤੇੇ ਲਾਂਚ ਕੀਤਾ ਗਾਣਾ

Bunty

ਭਾਰਤ ਦੁਨੀਆ ਦੀ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਵੱਡੀ ਅਰਥਵਿਵਸਥਾ ਹੈ !

admin

ਆਤਮ ਨਿਰਭਰਤਾ ਵੱਲ ਇਕ ਹੋਰ ਪੁਲਾਂਘ, ਰੱਖਿਆ ਮੰਤਰਾਲੇ ਨੇ 351 ਰੱਖਿਆ ਉਪਕਰਨਾਂ ਦੀ ਦਰਾਮਦ ‘ਤੇ ਲਾਇਆ ਬੈਨ

Bunty