International

ਉਜ਼ਬੇਕਿਸਤਾਨ ਹਿੰਸਾ ’ਚ 18 ਲੋਕਾਂ ਦੀ ਮੌਤ, 243 ਜ਼ਖ਼ਮੀ

ਤਾਸ਼ਕੰਦ – ਉਜ਼ਬੇਕਿਸਤਾਨ ’ਚ ਕਾਰਾਕਲਪਾਕਿਸਤਾਨ ਖੇਤਰ ਦੀ ਰਾਜਧਾਨੀ ਨੁਕੁਸ ‘’ਚ ਹੋਈ ਹਿੰਸਾ ‘ਚ ਹੁਣ ਤੱਕ 18 ਲੋਕ ਮਾਰੇ ਜਾ ਚੁੱਕੇ ਹਨ ਤੇ 243 ਜ਼ਖ਼ਮੀ ਹੋਏ ਹਨ। ਮੀਡੀਆ ਰਿਪੋਰਟਾਂ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਜ਼ਬੇਕ ਪ੍ਰੌਸੀਕਿਊਟਰ ਜਨਰਲ ਦੇ ਦਫਤਰ ਦੇ ਵਕੀਲ ਅਬਰੋਰ ਮਮਾਤੋਵ ਨੇ ਦੱਸਿਆ ਕਿ ਨੁਕੁਸ ’ਚ ਹੋਈ ਹਿੰਸਾ ’ਚ 18 ਲੋਕ ਮਾਰੇ ਗਏ। ਉਜ਼ਬੇਕਿਸਤਾਨ ਰਾਸ਼ਟਰੀ ਸੁਰੱਖਿਆ ਦੇ ਬੁਲਾਰੇ ਡਾਬਰੋਨ ਜੁਮਾਨਿਯਾਜੋਵ ਨੇ ਕਿਹਾ ਕਿ ਜ਼ਖ਼ਮੀਆਂ ਵਿਚੋਂ 94 ਦਾ ਹਾਲੇ ਵੀ ਹਸਪਤਾਲ ਵਿਚ ਇਲਾਜ ਜਾਰੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧ ਵਿੱਚ 516 ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ 1 ਜੁਲਾਈ ਨੂੰ ਨਕੁਸ ਦੇ ਬਾਹਰਲੇ ਬਾਜ਼ਾਰ ਖੇਤਰ ਵਿੱਚ ਸਥਾਨਕ ਬਲਾਗਰ ਦੀ ਰਿਹਾਈ ਦੀ ਮੰਗ ਲਈ ਲੋਕਾਂ ਨੇ ਸੰਵਿਧਾਨਕ ਸੋਧਾਂ ਦੇ ਵਿਰੁੱਧ ਪ੍ਰਦਰਸ਼ਨ” ਦਾ ਸੱਦਾ ਦਿੱਤਾ ਸੀ। ਪ੍ਰਦਰਸ਼ਨਕਾਰੀਆਂ ਦਾ ਮੰਨਣਾ ਸੀ ਕਿ ਜੇ ਸੋਧਾਂ ਨੂੰ ਅਪਣਾਇਆ ਗਿਆ ਤਾਂ ਕਰਾਕਲਪਿਕਸਤਾਨ ਉਜ਼ਬੇਕਿਸਤਾਨ ਤੋਂ ਵੱਖ ਹੋਣ ਦਾ ਆਪਣਾ ਅਧਿਕਾਰ ਗੁਆ ਸਕਦਾ ਹੈ। ਉਜ਼ਬੇਕਿਸਤਾਨ ਦੇ ਰਾਸ਼ਟਰਪਤੀ ਸ਼ੌਕਤ ਮਿਰਜ਼ਿਓਯੇਵ ਨੇ 2 ਅਗਸਤ ਤੱਕ ਐਮਰਜੈਂਸੀ ਦੀ ਘੋਸ਼ਣਾ ਕੀਤੀ ਹੈ ਤੇ ਅਸ਼ਾਂਤੀ ਤੋਂ ਬਾਅਦ ਕਰਫਿਊ ਲਗਾ ਦਿੱਤਾ ਹੈ।

Related posts

ਸ਼ੀ ਜਿਨਪਿੰਗ ਦੇ ਦਮਨਕਾਰੀ ਸ਼ਾਸਨ ਕਾਰਨ ਚੀਨ ਛੱਡਣ ਲਈ ਮਜ਼ਬੂਰ ਲੋਕ

Bunty

ਯਾਤਰਾ ਪਾਬੰਦੀਆਂ ਦੌਰਾਨ ਵੀਜ਼ਾ ਜਾਰੀ ਕਰਨਾ ਬੰਦ ਨਹੀਂ ਕਰ ਸਕਦਾ ਅਮਰੀਕਾ : ਅਦਾਲਤ

Bunty

ਇਜ਼ਰਾਈਲੀ ਸੁਰੱਖਿਆ ਬਲਾਂ ਨੇ ਹਮਲਿਆਂ ਦੌਰਾਨ ਹੁਣ ਤਕ ਗਾਜ਼ਾ ’ਚ 800 ਸੁਰੰਗਾਂ ਲੱਭੀਆਂ

Bunty