ਜਲੰਧਰ/ਜੰਡੂ ਸਿੰਘਾ, (ਪਰਮਿੰਦਰ ਸਿੰਘ) – ਇਤਿਹਾਸਕ ਗੁਰੂਦਵਾਰਾ ਪੰਜ ਤੀਰਥ ਸਾਹਿਬ ਜੰਡੂ ਜਲੰਧਰ ਵਿਖੇ ਸਮਾਜਸੇਵੀ ਪ੍ਰਵਾਸੀ ਜੋੜੇ ਹਰਬੰਸ ਸਿੰਘ ਖਟਕੜ, ਮਹਿੰਦਰ ਕੌਰ ਖਟਕੜ ਹੋਰਾਂ ਵਲੋਂ ਗੁਰੂਦਵਾਰਾ ਪ੍ਰਬੰਧਕੀ ਕਮੇਟੀ, ਨਗਰ ਪੰਚਾਇਤ ਤੇ ਇੰਜੀ: ਨਰਿੰਦਰ ਬੰਗਾ ਟੈਕਨੀਕਲ ਡਾਇਰੈਕਟਰ ਦੂਰਦਰਸ਼ਨ ਜਲੰਧਰ ਦੇ ਸਹਿਯੋਗ ਨਾਲ ਮੁਫਤ ਅੱਖਾਂ ਦਾ ਅਪ੍ਰੇਸ਼ਨ ਕੈਂਪ ਲਗਾਇਆ ਗਿਆ l ਅਰੋੜਾ ਆਈ ਹਸਪਤਾਲ ਜਲੰਧਰ ਤੋਂ ਡਾ. ਚਰਨਜੀਤ ਸਿੰਘ ਤੇ ਉਨ੍ਹਾਂ ਦੀ ਟੀਮ ਵੱਲੋਂ ਜਿਥੇ 300 ਮਰੀਜ਼ਾਂ ਦੀ ਜਾਂਚ ਫ੍ਰੀ ਕੀਤੀ ਉਥੇ 40 ਮਰੀਜ਼ਾਂ ਦੀ ਚੋਣ ਆਪਰੇਸ਼ਨ ਵਾਸਤੇ ਕੀਤੀ ਗਈ ਤੇ 200 ਮਰੀਜ਼ਾਂ ਨੂੰ ਐਨਕਾਂ ਫ੍ਰੀ ਦਿੱਤੀਆਂ। ਇਸ ਕੈਂਪ ਦਾ ਉਦਘਾਟਨ ਪ੍ਰਵਾਸੀ ਜੋੜੇ ਹਰਬੰਸ ਸਿੰਘ ਖੱਟਕੜ੍ਹ ਅਤੇ ਬੀਬੀ ਮਹਿੰਦਰ ਕੌਰ ਖੱਟਕੜ੍ਹ ਵਲੋਂ ਕੀਤਾ ਗਿਆ। ਇਸ ਮੌਕੇ ਮਰੀਜ਼ਾਂ ਲਈ ਪ੍ਰਬੰਧਕਾਂ ਵੱਲੋਂ ਗੁਰੂ ਕੇ ਲੰਗਰ ਵੀ ਲਗਾਏ ਗਏ। ਇਸ ਮੌਕੇ ਗੁਰੂਘਰ ਕਮੇਟੀ ਦੇ ਪ੍ਰਧਾਨ ਭੁਪਿੰਦਰ ਸਿੰਘ ਸੰਘਾ, ਸੈਕਟਰੀ ਅਮਰਜੀਤ ਸਿੰਘ, ਕਰਨੈਲ ਸਿੰਘ, ਜਸਪਾਲ ਸਿੰਘ ਗਿੱਲ, ਕੇਹਰ ਸਿੰਘ ਜੋਹਲ, ਗੁਰਦਿਆਲ ਸਿੰਘ ਕਪੂਰ ਪਿੰਡ, ਰਣਜੀਤ ਸਿੰਘ ਮੱਲੀ ਸਾਬਕਾ ਸਰਪੰਚ, ਜਸਪਾਲ ਸਿੰਘ ਸੋਨੀ ਸੰਘਾ, ਜਗਦੀਸ਼ ਬੰਗਾ ਸ਼ੋਸ਼ਲ ਵਰਕਰ ਯੂ.ਕੇ, ਅਧਿਆਪਕਾ ਤੇ ਸਮਾਜ ਸੇਵਿਕਾ ਕਮਲਜੀਤ ਬੰਗਾ ਤੇਜਾ ਸਿੰਘ ਖਟਕੜ੍ਹ, ਬਲਵਿੰਦਰ ਕੌਰ ਖਟਕੜ੍ਹ,ਜੋਗਿੰਦਰ ਸਿੰਘ, ਜਗਵਿੰਦਰ ਸਿੰਘ ਸੰਘਾ, ਮਲਕੀਤ ਸਿੰਘ ਖਟਕੜ੍ਹ, ਹਰਜਿੰਦਰ ਕੌਰ ਖਟਕੜ੍ਹ, ਜਸਵਿੰਦਰ ਸਿੰਘ ਖਟਕੜ੍ਹ, ਬਲਦੇਵ ਸਿੰਘ ਖਟਕੜ੍ਹ, ਤੀਰਥ ਕੌਰ ਖਟਕੜ੍ਹ, ਪਰਵਿੰਦਰ ਸਿੰਘ ਖਟਕੜ੍ਹ, ਰਜਿੰਦਰ ਸਿੰਘ ਹੈੱਡ ਗ੍ਰੰਥੀ ਖਾਨਪੁਰ ਤੇ ਹੋਰ ਸੇਵਾਦਾਰਾਂ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ।
ਜੰਡੂ ਸਿੰਘਾ ਵਿਖੇ ਲਗਾਏ ਅੱਖਾਂ ਦੇ ਆਪ੍ਰੇਸ਼ਨ ਕੈਂਪ ‘ਚ 300 ਮਰੀਜਾਂ ਦੀ ਜਾਂਚ ਫ੍ਰੀ ਕੀਤੀ !
