ਪੰਨੂ ਰਿਪੋਰਟ ’ਤੇ ਟਰੂਡੋ ਦਾ ਅਹਿਮ ਬਿਆਨ ‘ਅਮਰੀਕਾ ਤੇ ਭਾਰਤ ਨਾਲ ਮਿਲ ਕੇ ਕਰ ਰਿਹਾ ਹਾਂ ਕੰਮ’

ਓਟਾਵਾ – ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਬੀਤੇ ਦਿਨੀਂ ਪੀ.ਐੱਮ.ਨਰਿੰਦਰ ਮੋਦੀ ਦੁਆਰਾ ਆਯੋਜਿਤ ਜੀ-20 ਵਰਚੁਅਲ ਸਮਿਟ ਵਿਚ ਸ਼ਾਮਲ ਹੋਏ। ਇਸ ਦੌਰਾਨ ਟਰੂਡੋ ਨੇ ਅਮਰੀਕੀ-ਕੈਨੇਡੀਅਨ ਦੋਹਰੀ ਨਾਗਰਿਕਤਾ ਵਾਲੇ ਅਤੇ ਵੱਖਵਾਦੀ ਸਮੂਹ ਸਿੱਖਸ ਫਾਰ ਜਸਟਿਸ (ਜੇ.ਐਫ.ਐਸ.) ਦੇ ਜਨਰਲ ਕੌਂਸਲ ਗੁਰਪਤਵੰਤ ਪੰਨੂ ਦੀ ਜਾਨ ਨੂੰ ਖਤਰੇ ਦੇ ਮਾਮਲੇ ਨੂੰ ਸਿੱਧੇ ਤੌਰ ’ਤੇ ਸੰਬੋਧਿਤ ਨਹੀਂ ਕੀਤਾ, ਪਰ ਉਨ੍ਹਾਂ ਦੇ ਦਫਤਰ ਨੇ ਕਿਹਾ ਕਿ ਉਨ੍ਹਾਂ ਨੇ ਸਮਰਥਨ ਦਾ ਮੁੱਦਾ ਉਠਾਇਆ। ਬੁੱਧਵਾਰ ਨੂੰ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਆਯੋਜਿਤ ਵਰਚੁਅਲ ਜੀ-20 ਸੰਮੇਲਨ ਵਿੱਚ ਸ਼ਾਮਲ ਹੋਣ ’ਤੇ ਟਰੂਡੋ ਨੇ “ਕਾਨੂੰਨ ਦਾ ਰਾਜ” ਦਾ ਮੁੱਦਾ ਉਠਾਇਆ। ਕੈਨੇਡੀਅਨ ਪ੍ਰਧਾਨ ਮੰਤਰੀ ਦੇ ਦਫਤਰ ਦੇ ਇੱਕ ਰੀਡਆਉਟ ਵਿੱਚ ਕਿਹਾ ਗਿਆ ਕਿ ਟਰੂਡੋ ਨੇ ਹੋਰ ਮਾਮਲਿਆਂ ਦੇ ਨਾਲ-ਨਾਲ ‘ਕਾਨੂੰਨ ਦੇ ਰਾਜ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਨੂੰ ਬਰਕਰਾਰ ਰੱਖਣ ਲਈ ਤਾਲਮੇਲ ਵਾਲੀ ਜੀ-20 ਲੀਡਰਸ਼ਿਪ ’ਤੇ ਕਾਰਵਾਈ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ’। ਦਿਲਚਸਪ ਗੱਲ ਇਹ ਹੈ ਕਿ ਰੀਡਆਊਟ ਵਿਚ ਇਸ ਗੱਲ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਕਿ ਵਰਚੁਅਲ ਸੰਮੇਲਨ ਦੀ ਮੇਜ਼ਬਾਨੀ ਮੋਦੀ ਨੇ ਕੀਤੀ ਸੀ। ਇਸ ਤੋਂ ਪਹਿਲਾਂ ਬੁੱਧਵਾਰ ਸਵੇਰੇ ਜਦੋਂ ਓਟਾਵਾ ਵਿੱਚ ਮੀਡੀਆ ਦੁਆਰਾ ਬਿ੍ਰਟਿਸ਼ ਪ੍ਰਕਾਸ਼ਨ ਫਾਈਨੈਂਸ਼ੀਅਲ ਟਾਈਮਜ਼
ਵਿੱਚ ਅਮਰੀਕੀ ਏਜੰਸੀਆਂ ਦੁਆਰਾ ਗੁਰਪਤਵੰਤ ਪੰਨੂ ਦੀ ਜਾਨ ਨੂੰ ਕਥਿਤ ਖ਼ਤਰੇ ਬਾਰੇ ਟਿੱਪਣੀ ਕਰਨ ਲਈ ਕਿਹਾ ਗਿਆ ਤਾਂ ਟਰੂਡੋ ਨੇ ਕਿਹਾ, “ਅਸੀਂ ਗਰਮੀਆਂ ਦੇ ਮੱਧ ਤੋਂ ਅਮਰੀਕਾ ਸਮੇਤ ਆਪਣੇ ਸਹਿਯੋਗੀਆਂ ਨਾਲ ਮਿਲ ਕੇ ਕੰਮ ਕਰ ਰਹੇ ਹਾਂ। ਉਸਨੇ ਅੱਗੇ ਕਿਹਾ,”ਸਪੱਸ਼ਟ ਤੌਰ ’ਤੇ ਅਸੀਂ ਭਾਰਤ ਨਾਲ ਉਸਾਰੂ ਤਰੀਕਿਆਂ ਨਾਲ ਜੁੜਨਾ ਜਾਰੀ ਰੱਖਾਂਗੇ ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਭਾਰਤ ਇਨ੍ਹਾਂ ਅਸਲ ਚਿੰਤਾਵਾਂ ਨੂੰ ਗੰਭੀਰਤਾ ਨਾਲ ਲੈਂਦਾ ਰਹੇਗਾ,”।