ਆਸਟ੍ਰੇਲੀਆ ’ਚ ਕਾਰ ਤੇ ਟ੍ਰੇਲਰ ਦੀ ਟੱਕਰ, ਔਰਤ ਦੀ ਦਰਦਨਾਕ ਮੌਤ

ਸਿਡਨੀ – ਆਸਟ੍ਰੇਲੀਆ ਵਿਖੇ ਉੱਤਰੀ ਨਿਊ ਸਾਊਥ ਵੇਲਜ਼ ਵਿੱਚ ਇੱਕ ਕਾਰ ਹਾਦਸਾ ਵਾਪਰਿਆ। ਇਸ ਹਾਦਸੇ ਵਿੱਚ ਇੱਕ ਔਰਤ ਦੀ ਮੌਤ ਹੋ ਗਈ ਅਤੇ ਇੱਕ 13 ਸਾਲਾ ਮੁੰਡਾ ਗੰਭੀਰ ਜ਼ਖ਼ਮੀ ਹੋ ਗਿਆ। ਇੱਕ ਸੈਮੀ-ਟ੍ਰੇਲਰ ਦੀ ਇੱਕ ਕਾਰ ਨਾਲ ਟੱਕਰ ਹੋਣ ਤੋਂ ਬਾਅਦ ਐਮਰਜੈਂਸੀ ਸੇਵਾਵਾਂ ਨੂੰ ਸ਼ਾਮ ਗ੍ਰਾਫ਼ਟਨ ਤੋਂ 10 ਕਿਲੋਮੀਟਰ ਦੂਰ ਸਵਾਨ ਕ੍ਰੀਕ ਵਿਖੇ ਬਿਗ ਰਿਵਰ ਵੇਅ ’ਤੇ ਬੁਲਾਇਆ ਗਿਆ।
ਕਾਰ ਚਾਲਕ 65 ਸਾਲਾ ਔਰਤ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਉਸ ਦੇ ਯਾਤਰੀ ਇੱਕ 13 ਸਾਲਾ ਮੁੰਡੇ ਨੂੰ ਗੰਭੀਰ ਹਾਲਤ ਵਿੱਚ ਗੋਲਡ ਕੋਸਟ ਯੂਨੀਵਰਸਿਟੀ ਹਸਪਤਾਲ ਲਿਜਾਇਆ ਗਿਆ। ਹਸਪਤਾਲ ਲਿਜਾਏ ਜਾਣ ਤੋਂ ਪਹਿਲਾਂ ਪੈਰਾਮੈਡਿਕਸ ਦੁਆਰਾ ਮੁੰਡੇ ਦਾ ਇਲਾਜ ਕੀਤਾ ਗਿਆ। ਉੱਧਰ ਸੈਮੀ-ਟ੍ਰੇਲਰ ਦਾ ਡਰਾਇਵਰ ਇੱਕ 36 ਸਾਲਾ ਵਿਅਕਤੀ, ਜ਼ਖ਼ਮੀ ਨਹੀਂ ਹੋਇਆ ਸੀ ਪਰ ਉਸ ਨੂੰ ਲਾਜ਼ਮੀ ਜਾਂਚ ਲਈ ਗ੍ਰਾਫ਼ਟਨ ਬੇਸ ਹਸਪਤਾਲ ਲਿਜਾਇਆ ਗਿਆ। ਪੁਲੀਸ ਨੇ ਮੌਕੇ ’ਤੇ ਇੱਕ ਅਪਰਾਧ ਸੀਨ ਸਥਾਪਤ ਕੀਤਾ ਹੈ ਅਤੇ ਘਾਤਕ ਹਾਦਸੇ ਦੇ ਆਲੇ ਦੁਆਲੇ ਦੇ ਹਾਲਾਤ ਦੀ ਜਾਂਚ ਸੁਰੂ ਕਰ ਦਿੱਤੀ ਹੈ।